Auß Coͤlln vom 30 dito.
[#1:]
Von Weſel haben wir/ daß S. Exc. mit dem gantzen Laͤger vngefehr 18000. zu
fuß vnd 3000. pferd ſtarck zu Bißlingen eine meile vnder halb Woſel ſein Laͤger ge-
ſchlagen/ dabey etlich hundert Schiff ligen/ halten ſtarcke wacht/ gegen die Statt/
hat
auch 3. ſtuck Geſchuͤtz vff ein geringes Berglein nach der Statt geſtelt/ mit welchen
er abends 3. ſchuͤtz thun laſſet/ damit anzudeuten/ daß ſich ein jeder in ſein quartier
be-
geben ſoll/ Es iſt auch nunmehr das gantze Laͤger mit Treucheen vnd Lauffgraͤben ver-
ſehen/ auch die Bruͤck nit weit von Tanten fertig. Man vermeint wo ſich der Marquis
der Pfaltz annimpt/ daß er alßdan ſelbige Statt ernſtlich belaͤgern vñ beſchieſſen
wer-
de/ derwegen man auß etlichen Spaniſchen Guarniſonen etlich volck genomen/ vnd
in Weſel zu mehrer verſicherung eingelegt/ alſo dz ſie nun in 6000. mañ darin ſtarck
ſind/ ſonſten iſt im Laͤger außgeruffen/ das kein Stadiſcher mehrin Weſel ſich ver-
fuͤgen/ auch niemand mehr auß der Statt ins Laͤger komen ſolle.
[#2:]
Von Rheinberg hat man/ daß vergangenen donnerſtags Don Loys de Velaſco
daſelbſten angelangt/ deßwegen man daß groſſe Geſchuͤtz etlich mahl loßgebrandt vñ
freudenſchuͤß gehalten/ deſſen volck ziehet bey Burrich ſtarck zuſammen in 15000.
Mann zu fuß vnd 2500. pferd/ 12. ſtuͤck Geſchuͤtz vnd etlich hundert wagen mit mu-
nition vnd andern ſachen/ daſelbſt wirt ein Brucken vber den Rhein geſchlagen/ da-
mit auff den nothfall S. Exc. beyderſeits in eyl zubegegnen vnnd auff den dienſt zu-
wahrten.
[#3:]
Von Maſtricht haben wir/ daß vor etlich tagen/ etlich tauſent Mañ allda voruͤber/
die nemen jren weg auff Berck vnd Weſel/ ſo alle dem Don Loys de Velaſes zuziehe/
ſollen
ſollen auch eheſt in 4000. Mañ von Namur vnd dero oͤrter nachfolgen/ vnd alſo ein
ſtarckes Laͤger formiren. Sonſten ſind daſelbſten nache bey der Statt 3 Waͤgen mit
lauter piſtolen/ ſo von Luͤttig komen vñ den Staden zugefuͤrth werden ſollen/ außver-
bundſchafft/ arreſtirt vnd in die Statt gebracht/ ſollen auch die pferd preiß geben
vnnd
verkaufft ſein worden.
[#4:]
Von Bruͤſſel hat man/ daß die werbungen der 10000. Mann zu fuß vnd 2000.
pferd ſtarck fortgiengen/ Jhr D. wehren noch zu Mariamont wol auff/ werden eheſt
wider nach Bruͤſſel komen/ dann ein newer Geſandt auß Spanien/ wie auch einer
auß Engelland daſelbſt erwartet wirt.
[#5:]
Articul/ vber den Allgemeinen Friden in Franckreich zwiſchen dem Koͤnig
Ludwigen dem 13. vnd jhrer Maj. Fraw Mutter der Koͤnigin/ in der Statt
Pont Derẽ getroffen vnd verglichen den 11. Auguſti 1620.
1. Erſtlich ſoll die declarationpublicirt/ vñ
zu jrem beſten/ den jenigen ſo jr beygeſtanden/ entledigung ertheilt werden.
2 Was zu Anguleſme tractirt vnd beſchloſſen worden/ ſoll beyderſeits mit allen ſei-
nen ſtuͤcken vnd conditionen exequirt vnd vollzogen werden.
3 Die Aempter vnd gonuernemens/ ſollen allen vnd jeden/ außgenommen die ſo J.
M. allbereits vorſtehen/ daruon man auch verzeichnuß gegeben hat/ denẽ ſo ſie zuuor
gehabt/ wider eingeraumbt werden/ Doch ſoll der Koͤnig die Koͤnigin ſein Fraw mut-
der/ nit hindern.
4 Soller anch won alen ghobenen andenmami nen Kanig alleren drhae al
entledigung gegeben werden.
5 Soll auch allen vnd jeden ſtands verſonen/ ſo der Koͤnigin gedientfreyſtehen/ jhre
Aempter wider an die hand zunehmen/ bey Hoff zu vnnd abzuziehen/ gleich wie denen
ſo Jhrer M gedienet.
6 Alle gefange ſollen ohne Ranzon/ beyderſeits freygelaſſen werden.
7 Es ſoll auch AlanzonPont du ſe dem jenigen wider zu handen
geſtelt werden/ welchen die Koͤnigin darzu nennen vnd verordnen wirt.
8 Dem M.de VendoſmeVendoſme (doch das er die veſtung/ ſo ſeither ſeinem
abweſen võ hoff gebawt worden/ abbrechen vnd demoliren laſſen) eingeraumt werdẽ.
9 Sollen alle Officier in jhren Aemp ern vnd dienſten reſtabilirt vnd beſtaͤtigt wer-
den/ von einer parthey ſo wol als von der andern/ in krafft der declaration oder erklaͤ-
rung/ von der Koͤnigin der Mutter/ ſo ſie keine beſondere/ oder Briefliche vrkunden
daruͤber hat.
10 Die Compagnien von den leichten pferden des herꝛn Grafen de Soiſſons vnnd
anderer Printzen welche der Alten Koͤnigin gefolgt haben/ ſollen jnen widergeben wer-
den/ wie ſie vor diſer vnruh geweſen: vnd kuͤnfftig wie die andere/ ſo dem Koͤnig
gefolgt
vnderhalten werden.
11 Alle proceß vnd condemnationes ſollen in anſehung der jenige/ ſo ſich nit defen-
dirt haben/ vom 1. Fulij anzurechnen/ caſſier ſeyn.
12 Sollen der alten Koͤnigin/ oder des Koͤnigs Fraw Mutter/ von Koͤnig erlegt
werden 300000. pfund bar vnd noch andere 300000. nechſtfolgenden Jahrs/ vmb
jhre ſchulden damit helffen zubezahlen.
13 Vermittels welcher Articul/ von der Koͤnigin/ des Koͤnigs Fraw Mutter/ von de
Printzen vnd andern/ ſo jr aſſiſtirtofficirer in den Staͤttẽ
wohnende Edelleuth vnd andere Staͤnd darunder ſie den vergangenen 1. Januarij
geweſen/ reſtituirt werden ſollen.
14 Sollen auch denen/ welche der Koͤnigin gefolget/ ebener geſtalt wie denen/ ſo dem
Koͤnig gefolgt haben/ jre penſiones vnd dienſtgelter wie auch die vnderhaltuͤg fortan
bezahlt vnd entrichtet werden.
[#6:]
Verzeichnuß der plaͤtz und Aembter/ in welchem der Koͤnig bey wehrender
gegenwertiger vnruhevorſehung gethan hat/ ſo nit reſtabilirt/ oder denen/
ſo ſie zuuor gehabt reſtituiert werden ſollen
Das Gubernament de Caen. Das Schloß de Veruueil ſoll geſchlicht bleiben.
Der Rittmeiſter vber die leichten pferd.
Alle Capitaͤin/ ſo ſich nach Metz oder anderswohin begeben/ in welchen der Koͤnig
vorſehung gethan hat.
Das Gubernament des Schloſſes Gontier/ſo dem herꝛn de Valſe geben wordẽ.
Das Regiment von Suze. Das alte Palais von Roan.