Frankfurter Postzeitung – Jahrgänge 1615–1620

Auß Coͤllen vom 8. Octobris Anno 1615.

VOr diß mal iſt wenig newes zuſchreiben vorgefallen/ allein haben wir auß
Lotringen daß die Reuther ſo Graff Bernhard von Witgenstein vor die
Printzen in Franckreich geworben vff den Frontiren ſollen zertrent ſeyn/
auch theils das Geloch zahlen muͤſſen/ welches ſie jhrer Mutter nimmer klagen
werden/ dann wie ſie den Paß mit gewalt nehmen wollen/ ſeynd die Lothringiſchen
Vnderthanen zuſammen geruͤckt/ vnd ſich mit Huͤlff der Soldaten darwider ge-
ſetzt.

Auß Franckreich haben wir/ daß der Koͤnig ſamt dem Parlament den Printz
von Conde ſamt allen ſeinen Anhengeren vnd allen vom Adel/ welche ohne er-
laubnuß des Koͤnigs vnd wider deſſen authoritet in ſeinem abweſen die Waffen
in die Hand genommen anzeigen laſſen durch offene Mandaten/ auch mit auß-
blaſung der Trommeten durch das gantze Koͤnigreich/ daß ſie in ein Monats-
friſt die Waffen niederlegen/ dem Kriegsvolck abdancken/ die Gefangene ſo ſie
haben/ relaxiren/ das Gelt ſo ſie der Cron genommen wider reſti[t]uiren auch alles
widerumd ſtelle/ wie es geweſen/ alß der Koͤnig von Pariß vffgebrochen/ alles vff
Verluſt jhrer Ampter/ Digniteten Haab vnd Gut/ Priuilegien/ Einkommen v[n]d
was ſie weiters haben/ vnnd da ſie in beſtimter Zeit nit pariren woͤllen/ ſollen ſie
wenn der Koͤnig der zu Hauß kompt/ der Execution vnd Straff nicht entge-
hen vnd welche ſich hinfuͤhro/ dem Koͤnig weiters entgegenſetzen werden/ ſolle in
crimen læſæ majeſtatis verfallen/ vnd demnach geſtrafft werden.

Von Roan wird gemelt daß die Copulation nunmehr fuͤruber/ vnd iſt alles
gar ſchlecht vnd ohne Ceremonien gluͤcklich abgangen/ vnd wird der Koͤnig ehiſt
nach Pariß wider vffbrechen/ man ſagt er ſ[o]ll b[e]fohlen haben/ noch 4. Regiment
zu Fuß anzunehmen/ vnd die Vngehorſamen als Rebellen zuſtraffen / zu wel-
chem End er dann das Jtalianiſch/ Spanniſch Kriegsvolck auch auff die Fron-
tiren verſchrieben/ moͤchte alſo wol ein dapffers Fewer auß dieſem kleinen Fuͤnck-
lein erwachſen/ vnangeſehen die Statt durch das gantze Koͤnigreich ſo gegen den
Printz von Conde runt erklaͤrt/ daß ſie keinen Krieg im Landt haben wollen/ da a-
ber die Printzen was anfangen woͤllen/ ſolten ſie ſehen/ wie ſie ſolches gegen Jhre
Mayeſt. verantworten koͤnnen.

Auß Spania haben wir/ daß ſelbiger Koͤnig den Accordt ſo er mit dem Hertzo-
gen von Sauoya gemacht/ ratificirt vnd angenommen darvff dem Printzen Phi-
liberto deß Hertzogen Sohn befohlen mit ſeinen Galleren vnd Gallionen nach
Lorache zufahren/ vnd ſelbige Veſtung zu entſetzen/ damit die Moͤhren deren nit

maͤchtig werden/ vnnd wo moͤglich ſelbige von dannen zutreiben.

Mit vnſerm Muͤlheimb hat es ſich ganz verkehrt. Man hat mit Gewalt woͤl-
len ein Statt daraus machen/ iſt aber nun verbotten/ denn wie vor acht Tagen iſt
gemelt/ liegen die Haͤuſer all vber eim hauffen/ vnd wird ſich nun niemand geluͤ-
ſten laſſen/ daſelbſt mehr zubauwen.

Auß Preßlau vom 20. September/ 1615.

Der Konig in Polen vnd deſſen Elterer Printz/ haben ſich zu Trendochau
vff den ſchleſiſchen Graͤntzen/ bey Ertzhertzog Leopoldi vnd Carolum in 3. Wo-
chen vffgehalten/ jhr Tractation iſt noch vnbewuſt/ Ertzhertzog Carl hat bey jhr
Mayeſt. ſtarck angehalten/ den Jungen Printzen vmb das Land zubeſehen/ mit
in Schleſien zu ſenden/ aber verweigert/ dann jhre Majeſt. ſollen wider in Moſ-
cau woͤllen/ vnnd hoffen dieſelbe zubezwingen/ darzu ſie bereit 10. tauſend Mann
darinnen in bereitſchafft/ allein hat der Schwed 4. ſchoͤner Fuͤrſtenthum dar-
von geriſſen. Die Caſſaggen am ſchwarzen Meer/ gegen der Polniſchen
Graͤntz/ haben abermal den Tuͤrcken vnd Tartern etlich Staͤtt vnd Flecken ab-
gebrannt/ beraubt/ vnd groſſen ſchaden gethan/ ſo ſeynd auch die Tartern in Po-
dolien eingefallen/ viel Doͤrffer verwuͤſt/ vnnd etlich tauſend Perſonen weg ge-
fuͤhret.

Von Hildeßheimb wird geſchrieben/ daß deß Graf Friederich von Solms
Bruder mit etlich Reuther vnd etlich 100. Soldaten zu Fuß in die Statt Braun-
ſchweig kommen/ vnd als ſie in die Statt kommen vnd jhren Vortheil geſehen/
ſeynd ſie herauß gefallen/ vnd groſſen Schaden in deß Fuͤrſten Laͤger gethan/ vnd
obwol von vnderſchiedlichen Orten geſchrieben worden/ daß der Hertzog allbereit
zwey Thor ein hat/ iſt doch ſolches nicht war/ dann die Soldaten taͤglich außfal-
len vnnd gegen jhrer Obrigkeit willen dem Lager groſſen Schaden thun wo ſie
koͤnnen/ vnd wie die gemeine Sag/ ſoll der Hertzog allbereit uͤber 3000. Mann dar-
vor verlohren haben/ worvber er alſo ergrimbt/ daß er nit allein der Hanſee Staͤtt
Guͤter ſo er bekommen kan/ ſondern auch alle Perſonen preiß gemacht/ wird jhm
aber bald verbotten werden/ dann Graff Friederich von Solms ehiſt mit 3000.
Pferdte vnd 15000. zu Fuß daſelbſt anlangen wird/ ſo werben die Haͤnſee Staͤtt
noch taͤglich mehr Volck. Daß alſo verhoffentlich/ die Statt kein Noth
wird haben.

Auß Landt zu Braunſchweig/ vom 28. Dito.

Auff 23. dieſes dieſes hat der Hertzog abermal einen Sturm anlauffen laſſen/ vnd
Graff Philpp von Manſfeldt auff einer ſeiten die Vorſtatt verfallen/ vnnd in
Brand geſteckt/ doch wider weichen muͤſſen/ vnd hat ſich das Feuer auch ſelbſt

wider geleſcht am andern Ort iſt die [verſertigte] Prucken zu [kurtz] geweſen/ vnd al-
ſo mit Verluſt etlich 100. zuruͤck getriebn worden. Es ſeynd nur 3. groſſe ſchan-
[tz]en/ darinnen das meiſte Volck/ vnd darauß die Statt ſo ſehr beſchoſſen wirt/ vnd
ſonſt noch etlich ſchantzen umb der Statt/ in welchen 3. oder 4. Fahnen Volcks
lige/ Graff Wolff von Manſfeldt ſtreift mit ziemlicher ſtarcker Reuterey auff
der Hanſer Staͤtt Volck. Sontags/ 2. ſtund vor Tag ſeynd 600. zu Fuß/ vnd
400 zu Roſſz außerleſene Soldaten ſicher in die Statt kommen/ die werden nun
ſtuͤndlich ein gewaltigen Außfall thun/ begeren kein Volck mehr hinein/ ſondern
es wird das ander Volck ſo noch zu Zell liegt/ vnd deß Bremer Volcke nur erwar-
tet/ dem Hertzogen ins Landt fallen/ die haben allbereit das Hauß Stoltenau ein-
genommen/ bemuͤhen ſich ſehr dem Hertzogen die Proviandt abzuſchneiden/ Der
Koͤnig in Dennemarck iſt wider nach Hauß verreißt/ 6000. Denen vnd 6000.
Schweden herauß zu fuͤhren/ denen wird man ſo viel moͤglich auff den Dienſt
warten/ vnd obwoln deß Hertzogs Vnderthanen verhofft/ weil ſie ſo viel ſchatzung
geben/ wuͤrden mit dem Vffbott verſchonet werden/ ſo wird doch jetzt der fuͤnffte
Mann vffgebotten.

Auß Magdeburg vom 29. Dito.

Nun in 6. Tagen vnd faſt ſeithero deß letzten General ſturmbe iſt Braun-
ſchweig nicht mehr ſo ſtarck beſchoſſen worden/ die Vrſach weiß man nicht/ vnnd
hat man jetzt gruͤndliche nachrichtung/ daß vff deß Hertzogen ſeiten 7. oder 8000.
Mann darunder viel fuͤrnehme Capitain vom Adel/ vnd ingenieur/ in der Statt
aber 1500. Mann/ vnnd Weibs Perſonen vnd 30. fuͤrnehme Burger geblieben/
Heut vernimbt man daß Vorgeſtern nach Mitternacht/ in einem groſſen Ne-
bel vber 1000. Mann zu Roſſz vnd Fuß/ von der Stadt Volck/ gar ſtill in die
Statt Braunſchweig kommen ſeyn/ das Bremer vnd ander Volck haben vmb
Hanouer herumb/ in deß Hertzogen Landt bald alles gepluͤndert/ hinder ſich weg
gebrannt/ auch zu Newſtatt in 2000. zu Fuſz/ vnnd 600. Pferd in ein Moraſt
verſchantzt/ die Veſtung Stoltenaw gantz zerſchleifft/ vnnd jetzt die Veſtung
Steinbruͤcken 2. Meil von Wolffenbuͤttel eingenommen/ Jn Summa es wird
das gantze Landt gantz verhergt/ Obwol der Hertzog 2. hohe Pattereyen vor den
Wall ſetzen laſſen/ haben doch die in der Stadt den andern Wall dermaſſen erhoͤ-
het/ daſs es wenig nutzet. Vnd referiren verſuchte Soldaten/ ſo auf dem Schar-
muͤtzel entloffen/ ſie haben jhr Lebtag keinen gefaͤhrlichern Krieg/ alſs fuͤr Braun-
ſchweig geſehen/ dann wer ſich nur auſſer der Schantzen wagt/ der wird von der
Stadt darnieder geſchoſſen/ Allehie wird noch ein Faͤhlein zu Fuſz/ vnd eins zu
Roſſz geworben/ dann die Hanſe Staͤtt dieſen Krieg/ auf Gluͤck vnd Vngluͤck

außzufuͤhren gemeynt ſeynd/ die haben vnder Graff Friederichen zu Solms/ ꝛc.
6000. zu Fuß vnd 1000. zu Roſſz in Holl- vnd Buͤcherlandt geworben/ Obri-
ſter Stemborn hat 1000. zu Roſſz vff den Polniſchen Graͤntzen zuſammen
bracht ſind lauter Confœderanten.Die Statt Bremen 1000. zu Fuß vnd
500. zu Roſſz nach Zell geſandt. Magdeburg 700. zu Fuß/ vnd 300. zu
Roſſz auch allbereit nach Zell geſandt. Die Statt Luͤnneburg 1000. vnd
die Statt Hamburg 500. zu Fuß nach Zell geſandt/ thut das Volck zu Zell
12000. Mann zu Roſſz vnd Fuß.

Prag vom 2. Octob. Anno. 1615.

Vor dißmal von newem wenig beſonders/ als daß am nechſt verſchienen
Dienſtag zu Nachts Herꝛ Wentzel Kinßky auß ſeiner alten Cuſtodi kom̃en vnd
in juͤngſt angedeutes Hauß neben dem guͤlden Poſthorn/ am AltStaͤtter Ringk
gefuͤhrt vnd geſetzt worden/ doch hat er daſelbſten nicht mehr als eine Stuben vnd
Kammerinnen/ welche allenthalben mit eyſſrnen Ruͤgeln/ Schloͤſſern/ Gattern
vnd Thuͤren dermaſſen verwahrt vnd vermacht worden/ alſo daß er lieber het
auff dem Rathhauß bleiben ſollen/ dann er wenig vortheils auſſer daß er vff den
Marck ſehen kan/ vnd ſoll er nun alda ſo lang ſitzen/ biß vff nechſt kuͤnfftig Mitt-
faſten Recht/ vnd erwarten was jhm daſſelbig mitbringen wird/ ſein Gemahl iſt
ſtets bey jhm/ wann man zu jhm will/ muß man allzeit durch drey Thuͤren gehen/
ehe man zu jhm kompt/ vor deren jede ein Schildtwacht ſtehet/ vnd muͤſſen jhn al-
lezeit Tag vnd Nacht 24. Mußquetirer verwachen/ was es nun fuͤr ein Auſz-
gang mit jhme gewinnen wird/ das wird die Zeit gebn.

Unſer Landtag ſoll auff kuͤnfftige Wochen gewiſz geſchloſſen werden/ vnd
ſagt man daß Jhr Mayeſt. dem Schluß ſelbſt meyg er Perſon beywohnen vnd
darbey ſitzen werden/ vnd ſo viel man vernimbt/ ſollen an jetzt Jhre Majeſt. mit
den Herꝛn Staͤnden/ wegen deren gethanen bewilligung allergnaͤdigſt content
ſeyn/ ſo haben ſe der juͤngſten Jhre Kayſ. Majeſt. den Herꝛn Staͤnden weiter fuͤr-
tragen laſſen/ daß ſie ſich wegen der Keyſerin Kroͤnung eines gewiſſen Termins
vnnd Tags entſchlieſſen ſollen/ vnd wie man ſagt/ ſoll die Kroͤnung vmb die H.
drey Koͤnig Tag hinauß beſchehen/ vnd ein ſonderlicher Landtag darzu auß ge-
ſchrieben werden.

Wien vom 26. diß.

Vonieran erſt [nichts][alsdaß] Geſtern der lang gefangen Negroni, wel-
cher Keyſ. Ambaſſator zu Conſtantinopel geweſen/ in ſeiner Cuſtodi allhie todts
verſchieden/ iſt gar geſchwollen vnd Gelb im Geſicht worden/ Heut hat man jn
weg vnd wie man ſagt/ nach Crembs gefuͤhrt.

Auß deß Graffenhaage vom 19. Otob. 1615.

VOn vnderſchiedlichen Orthen hat man auß Franckreich/ daß der Printzen
Volck an zweyen Orthen/ vber der Loine paſſirt/ ſich nicht allein vieler
Staͤtte in Normandia, vnd Piccarda verſichert/ ſondern auch die gantze
Landtſchafft Campagne vnd eingelegene Staͤtt vff jrer Seiten gebracht/ die Statt
Orllens in Piccardey hat ſich anfangs gegen gehalten/ als aber 80. Schuͤß
darauf beſchehen/ auch ergeben/ die Beſatzung welche der Marcheſe d'Ancre
in Perona geſchickt/ haben die Buͤrger außgeſchafft/ vnd ſich: wie gleichfals die
von Chaſtelet (vneracht ſelbiger Gub. von dem d'Ancre 8000. Cronen em-
pfangen) zu den Fuͤrſten geſchlagen/ vnd ſoll deß von Eſpernons Sohn mit theils
ſeines Volcks auch zu den Printzen getretten ſeyn.

Die Hugenotten haben den Duc de Roan zu jhrem FeldObriſten er-
nennt/ inwillens ſich mit etlich 1000. Mann zwiſchen Bordeaux vnd Bayonna zu-
laͤgernden Paß zubewahren. Der Printz von Conde hat mit 300. zu Roſſz/
vnd 1500 zu Fuß/ eine Conuoy ſo nach deß Mar. du bois Dauphin Laͤger ge-
woͤlt/ geſchlagen/ vnd groſſe Beuth erlangt / vnd war der Conte de S. Paul mit
einer Anzahl Volcks vff eine impreſſa außgezogen/ die Printzen fuͤhren in jhren
Fahnen vnd Cornetten ein Hertz vnd ein inhanden faſſendes Meſſer/ zur Anzeig
daß ſie deß Koͤnigs Todt rechen wollen/ vnd muͤſſen die Statt/ ſo ſie einbekom-
men/ ſchweren/ deſgleichen zuthun/ haben auch etlich Volck vff den Jtalianischen
Graͤntzen verordnet/ auff das Spaniſche Volck acht zuhaben. Der Obriſten
von Wittgenſtein Genth/ vnnd andere Reutter ziehen taͤglich mit Trouppes
nach Franckreich. Weilen die Tuͤrcken Barbaren vnd Mohren in 30000. ſtorck
die Veſtung Larache noch belaͤgert halten/ hat ſich die Flotta ſo zu Lyſabona,
vnd in andern Spanniſchen Seehaͤfen fertig gelegen/ wie auch die auß Flandern
deſtinirte Spannier dahin begeben muͤſſen. Der Haͤnſee Staͤtt Obriſten ſeynd
bereit im Werck 1500. guter Soldaten dieſer Orthen zu werden/ ſonſt iſt im Teſ-
ſel ein Moſcawitiſche Botſchafft mit ſtattlichen Præſenten ankommen/ dero ſind
etliche Deputirte von den Herꝛn Staden entgegen gereißt vmb hieher zubegleiten.

Vorgeſtern iſt Sein Excel. vnd dero Herꝛ Bruder im Collegio bey den Herꝛn
General Staden zu Rath geweſen/ man eracht/ weilen allen Rittmeiſtern vnnd
Capitainen ſo ernſtlich befohlen worden/ jhre Reutterey in bereitſchafft zuhalten/
moͤchten ehiſt einen Zug hinauff thun.

Auß Coͤllen vom 29. Octob. 1615.

Mit Juͤngſten Brieffen auß Amſterdamb wird bericht/ daß etliche De-
putirte der HaͤnſeeStaͤtt im Haag angelangt/ vnd bey den Staden in continen-
ti Audientz gehabt/ deren Werbung ſoll ſeyn/ daß man den Haͤnſee Staͤtten vffs

nem erlauben woͤlle/ etlich Volck zu Roſſz vnd Fuß iniu den vereinigten Landten zu
werben/ welches jnen von den Staden nicht allein bewilliget / ſondern auch von den
Deputirten der Staͤtt Campen/ Deuenter/ Schwoll/ Nimwegen/ Arneh[in]/ ꝛc.
vnd jetzo zu Luͤbeck beyſammen/ die alte Lega mit den Haͤnſee Staͤtten zuernew-
ren/ vnd alſo in obgemelten Staͤtten jhres gefallens werben ſollen. Sonſt hat man
daß die Frantzoͤſiſche Capitain vnd Soldaten wider der Staden Verbote auß
jhren Quartiren/ nach Franckreich gezogen/ vnd ſich in deß Printzen von Conte
Dienſt begeben/ welche alsbald von S. Excel. caſſirt/ vnd jhre Comp andero vber-
geben auch ein Seargant ſampt 2. Mußquetirer ſo auch nach Franckreich lauffen
woͤllen vffhencken laſſen.

Von Artrecht wird gemeldt/ wie auch von Ryſſel geſchrieben worden/ daß
die MalContenten bey Esdan ein Caſtell vff welchem deß Koͤnigs Volck gelegen/
auffgefordert / vnnd endlich mit den Soldaten gehandelt/ daß ſie mit Sack vand
Pack Wehr vnd Waffen abziehen ſollen/ als ſie nun vermeynt alle Sachen weren
juſt/ ſeynd ſi doch alle auffgehenckt worden/ waruͤber 1500. gemelter Printzen
Volck erzoͤrnet/ in verwegung/ daß man den Soldaten gelait zu geſagt/ vnd nicht
gehalten/ vnd alſo aͤrger als Tuͤrcken vnd Barbari mit jhnen gehauſet/ vnd jhr Vr-
laub genommen vnd von jhnen abgewichen/ ob nun ſolche zu dem Kriegsvolck ge-
ſchlagen oder gantz abgezogen/ gibt die Zeit. Sonſten wird von Challon geſchrie-
ben/ weilen der Conte di S. Poll. ſich bey dem Koͤnig reconcilirt/ vnd der Duca di
Langouille geblieben/ daß der Printz von Conde ſich abſentirt/ vnd niemand weiß
wo er anzutreffen/ doch woͤllen etliche ſagen er ſey bey Pariß vbergezogen/ aber mit
geringem Volck/ vnd ob wol man von jhme begert/ er ſolle durch die Statt ziehen/
hat er doch deſſen nicht begert/ ſondern abgeſchlagen/ vnd ſich deſſen bedanckt.

Von Poictiers wird gemeld/ daß der Koͤnig von Franckreich noch zu Bor-
deau ſich vſſhielte/ vnd als ſeine F. Mutter ſampt der Princeſſin ſein Schweſter
vnder dem Schutz deß Duca di Guiſa nach Bayona gezogen/ wie dann der Duca
di Lerma ſich mit der Princeſſin von Spanien auch befinden ſolle/ vnd zu beyden
theilen das Beylaͤger zu halten/ iſt der Koͤnig vff die Jagt gezogen/ deme der Printz
von Pernone mit 500. Pferdten/ vff den Dienſt gewart/ Jn meynung denſelben
zuertapffen/ weilen aber der Vatter deß Printzen von Pernon ſolches vermerckt
hat er den Koͤnig nicht außziehen laſſen/ iſt alſo der Anſchlag vergrblich geweſen/
Jnmittelſt wird vor gewiß gehalten/ daß den 25. oder 26. dieſes vnfehlbarlich die
Heyrathen vor ſich gangen/ vnd daß der Koͤnig ſampt ſeiner Geſpons inner Mo-
nats friſt ſich zu Pariß wird befinden den Effect gibe die Zeit.

Von Hildeßheimb wird bericht/ daß den 18. Dito die von Braunſchweig
drey mal in einem Tag außgefallen/ vnd viel Volcks erſchlagen/ auch etlich ſtuͤck
Geſchuͤtz vnd darzu gehoͤrige Munition erobert/ vnd in die Statt gebracht/ die fal-

len taͤglich auß vnnd thun groſſen ſchaden/ vnd ſolle der Hertzog den 20. die Statt
erſuchen laſſen/ vnd mit jnen zu accordiren/ vnnd nichtsdeſtoweniger hat gleich-
wol die Statt vndergraben laſſen/ vnd vermeynt dieſelbe zuſprengen/ als die in der
Statt deſſen jnnen werden/ ſeynd ſie herauß gefallen/ vnd alles was ſie in der erſten
Schantzen gefunden/ nieder gehawen/ auch wider etliche Geſchuͤtz vnd Faͤhnlein
mit ſich in die Statt gebracht. Woruͤber die Burgerſchafft ſehr gefrolocket/ vnnd
dbsTe Deum landamus geſungen/ auch ſolle der koͤnig in Dennemarck in groſ-
ſer Gefahr ſeines Lebens geſtanden haben.

Von Antorff wird gemelt/ daß daſelbſt alle Munition Pferdt vnd Wagen
durch vnnd nach Bruſſel gepaſſirt/ vmb deß Spinolæ Bagage nach Duͤſſel-
dorff zufuͤhren/ welcher (wie man ſagt) Sequeſtration der Guͤlgiſchen Landen
in Namen Jhrer Keyſerl. Mayeſt. einnehmen/ vnd den verſtorbenen Fuͤrſten be-
graben laſſen ſolle/ zu welchem End alle Newburgiſch Soldaten ſo wol zu Roſſz
vnd Fuß abgedanckt/ vnnd welche weiter luſt zu dienen gehabt/ wider angenom-
men worden/ welche vnder ander Company ſollen geſteckt vnd dieſelbige ergaͤntzt
werden/ vnd wie verlaut/ ſoll das beſchehen das Gelt uerſparen/ welches man den
Oberſten vnd BefelchsLeuthen geben muß/ vnd ſolle man willens ſeyn alle Com-
pany in 4. oder 500. ſtark zu machen.

Von Luxenburg wird geſchrieben/ daß derſelbige Gubernator von Bruſſel
allda angelangt/ vnd einen Kunſtreichen Bawmeiſter mit ſich gebracht/ welcher
die Statt vnangeſehen ſie vorhin ſtarck genug/ noch mit drey Bollwercken beve-
tigen ſolle/ welches vff aller Frontiren in den Staͤtten beſchehen [w]ad/ weilen die
ſachen in Frankreich ſo ſeltzam ſtehen.

Aus Rohm vom 10. Octob.

Allhie ſeynd etliche Jeſuiter auß der Jndy ankommen/ die berichten/ daß die Ca-
tholische Religion deroenden ſehr zunehme/ die Brieff ſo ſie mitbracht/ ſeynd auff
Rinden von Baͤumen geſchrieben/ Der Koͤnig in Spania ſolle beym Hertzo-
gen von Mantua anhalten laſſen/ daß er ſich mit der Wittib von Sauoia vermaͤh-
len woͤlle/ / der hat ſein Cardinalat dem Bapſt renuncyrt.

Auß Venedig vom 16. Ditto.

Von Meylandt hat man/ der Hertzog von Savoja laſſe mit demſelben
Gubernat handeln daß er an ſtatt der Schweitz 3. Compag. Valeſaner vnder
halten moͤge/ ſonſten werden beyderſeitts alle außlaͤndiſche Soldaten abgeſchafft/

Vom 6. Paſſato wird auß Conſtantinopel bericht/ allda befinde ſich ein
Perſianer Geſandter/ vnd werde auch noch ein anderer erwartet/ vmb den Frieden
zu tractiren/ deſſen doch vngeacht kompt Bericht/ die Perſianer/ die Staͤtt Riual
vnd Badel bey Ormus eingenommen/ vnd ſehr gehauſt/ derwegen dem Baſ-
ſa von Babylonia befohlen worden/ alles Kriegsvolck zuverſamlen/ vnd nach Per-

ſia zuſenden. Es iſt ein Vaſel auß Leuante herkommen/ mit bericht die Spa-
niſche Galleren ſeyen im Porto zu Mayna eingelauffen/ denſelben Voͤlckern
huͤlff zuleiſten. Die Galleren ſo juͤngſt von Genua nach Corſia außgefahren/
haben ſich wegen boͤſes Wetters im Golfo della ſpetie begeben/ vnd biß noch zu
aufhalten muͤſſen/ die Unruh in ſelbiger Jnſul laͤſt ſich zuvergleichung anſehen.
Gleichjetzt wird ſpargirt/ daß Heut vnſer Hertzog Todts verfahren ſey.

Auß Leiptzig vom 8. Ditto.

Auß Braunſchweig hat man/ daß der Hertzog von BraunschweigBraunſchwerg allbe-
reit die zween Waͤll an der Statt jnnen/ auch etliche hundert Bergknappen bey-
ſammen welche den Wall vndergraben/ vmb zuſprengen/ vnd darvff die Mauren
zufaͤllen/ dieſe haben ſich mit Wollſaͤcken verſchantzt/ daß jhnen auß der Statt
kein ſchaden geſchehen kan/ S. Andres Thurn iſt allbereit nieder geſchoſſen/ dar-
durch groſſer ſchaden geſchehen/ ſo ſeynd auch drey Statt Thor gefaͤllt/ daß man
biß auff den Marck in die Statt ſehen kan/ es wird alles verwuͤſt. Mittwochen
hat der Hertzog all ſein Landtvolck muſtern/ vnnd 3000. Mann daraus erwehlen
laſſen/ welche dem Graffen von Solms der die Statt mit 8000. zu Fuß/ vnnd
2000. Pferdt entſetzen will/ entgegen ziehen ſollen/ jhme den Paß zuverlegen/ ſtehet
alſo jetzt mit der Statt am aller gefehrligſten.

Auß Pariß vom 19. Septembris.

Der Printz von Conde/ fuͤhret in ſeinem Fahnen abgemahlet/ wie der nechſt verſtor-
bene Koͤnig erſtochen worden/ vnd die Divna Vindicta, Vindicta:Jhr Mayeſt. iſt noch zu
Poictiers, vnd iſt groſſe Thewrung daſelbſt/ daß ein Pfund Butter 40. Schil gilt: Jhr
Mayeſt. Guardi Reutter ſterben faſt hungers/ wegen daß nichts zu eſſen vorhanden/ haben
auch kein Gelt/ iſt eine ſeltzame Kranckheit vnder jhnen eingeriſſen.

Hingegen der Fuͤrſten Volck wol auff iſt/ iſt gute Anordnung vnd Bezahlung. Vnder
dem Adel folgt jeder ſeiner Partey/ vnd fallen viel vom Koͤnig zu den Fuͤrſten/ davon iſt ein
Regiment vffgericht worden/ heiſt Le Roy di Navarra:deß Koͤnigs Schweſter befindet
ſich vbel/ aber doch ſeyn nichts deſto minder jhre Kleyder vorgeſtern wol begleit fortgan-
gen/ die werden vff 15000. Francken geſchaͤtzt/ man beſorgt/ daß es der Fuͤrſt von Conde an-
treffe/ der werde es nicht paſſiren laſſen. Die zu Soyſon haben ſich an den Mareſcal de An-
cre ergeben wollen: Als aber der von Mayne ſo bald vermerckt/ hat er ander Volck in die
Statt verordnet/ vnd die Jnnwoner außgejagt. So iſt auch entdeckt/ daß ein Myna mit
Pulver vnter deß March. du Bois Dauphin Cammer gelegt worden/ welche jhn in Lufft
ſpringen machen ſollen. Man vernimbt gleich jetzt/ daß die Koͤnigin habe den Duca di Gui-
ſa zu den Fuͤrſten geſandt/ ſie zu befriediget/ darzu ſie aber nicht verſtehen woͤllen/ er macht
dann etliche groſſe Herꝛn vmb die Koͤpff kuͤrtzer.

Auß Hamburg vom 11. October.

Dieweil dem Hertzogen von Braunſchweig nun ſein meiſtes Volck erſchlagen/ als
hat der Hertzog den 4. Mann in ſeinem gantzen Land auffgebotten/ welche taͤglich im Laͤger
erſcheinen/ vnd leſt der Hertzog vffs new wider allenthalben Volck werben.

Auß deß Graffenhaage vom 26. Octob. Anno/ 1615.

ZV Rotterdamb iſt ein Schiff in 9. Tagen von Bordeaux angelangt/ mit
aviſo, daß der Koͤnig ſampt die Koͤnigin/ vnd ein groſſer Heerzug (daren ſich
die Vnirte Printzen/ nicht zu opponiren getrawt) daſelbſt vff 9. dieſes ſollen
arriuirt ſeyn/ dahin die Spanniſche Braut vnd Jhre Suyte von Bourges durch
die Riuier beyſeyts Bayona (weilen ſelbige Statt vnnd Gubernator ſich zu den
Printzen geſchlagen) kommen ſolte/ dis von Rochelle vnd andere aber wolten jhnen
den Paß verlegen.    Jnmittelſt ſollen vngefehr 3000. von deß Marq. de Bois
Daulphin Soldaten ſo deß Koͤnigs Trouppes ſtoſſen wolten/ von der Printzen
Volck angeſprengt/ vnnd in die Flucht geſchlagen worden/ geſtalt daß beyderſeits
in die 1600. todt geblieben/ vñ waren 600 Brandenburgiſche Reuter in Compag.
auch kommen/ Inwillens mit der Printzen Volck foͤrter auff Pariß zu ziehen/
den Erfolg gibt die Zeit.    Montags Abends hat die Moſkowitiſche Bottſchafft
mit vielen Kutſchen vnd Waͤgen/ allhier jhren Einzug ſtattlich gethan/ dero
S. Excel. ſampt dem Herrn Bruder/ vnd viel vornehme Herrn vnd Kriegs Ob-
riſt vff 2. Meil zu Kutſchen entgegen gezogen/ vnnd ſtattlich empfangen/ hat fol-
genden Donnerſtag bey den Herrn Staden vnd S. Excell. Audientz gehabt/ vnd
die Proposition gethan/ ſollen in drey Wochen die Reiß aus Moſcau hinder Nor-
wegen vnd Dennemarck gethan/ vnnd den Sund nicht gebraucht haben/ dahero
man jetzo mit jhnen tractiren ſolle/ daß man dieſer ſeits gleichfals denſelben vmb-
weg ſolle brauchen moͤgen.    Wie verlaut ſollen ſie dieſen Landen eingeſeſſene drey
Seehaffen in jren Landen (daſelbſten frey zu handlen vnd wandlen. Weil ſie dero
Orthen noch alemahln geweſt) præſentirt habe/ ſampt andere vortheilafftige
Anbietungen mehr.    Die angenommene Soldaten hie zu Lande vor die Haͤn-
ſeeſtaͤtten ziehen taͤglich nach Muſterplatz/ darzu S. Excell. noch andere
Soldaten vnd Werckmeiſter erlaubt/ ſich mit gebrauchen zulaſſen/ vñ moͤchte jh-
nen ſonſt noch mehr Aſſiſienz auß dieſen Landen geſchehen/ deſto mehr weilen ver-
lauten will/ als ſolle der Ertzhertzog im Laͤger vor Braunſchweig heimlich etliche
Befehlshaber vnd Jngenieri geſchickt haben/ ſonſten reiſt Jhrer Durchl. Kriegs-
volck/ vnerachtet alle gegenwoͤhr ſehr auß/ vnd lauffen dem Kriegsweſen in Franck-
reich zu/ wie dann von vnſern Frantzoſen auch ziemlich viel dahin gelauffen.

Vorgeſtert haben S. Excell. vom Koͤnig auß groß Britta. eilende ſchrei-
ben bekommen/ welcher geſtallt vff den Engliſchen Seeleuſten etliche 18. oder 20.
groſſe Spanniſche Schiff mit Kriegsvolck auß Spannien kommende geſchen
wordedn/ man vermutet daß die jenige ſeyn/ ſo man zu Duynkuͤrchen gewertig.

Auß Coͤlln vom 5. November 1615.

Newes von dieſer Orten gar wenig/ denn
daß man zu Duͤſſeldorf mit fortificirung ſelbiger Statt taͤglich continuiren thut/ ſonder-
lich an ſeiten des Rheins/ vnd thut man die Straßen vertieffen vnnd weiter machen/ ſonſten

gehet das Geſchrey/ daß der Ertzhertzog Albertus dem Churfuͤrſten von Coͤlln die Statt
Rheinberg wider reſtituiren woͤllen vnnd hergegen die Statt die Statt Orßaw befeſtigen/ damit ins
kuͤnftig die Spaniſchen den Paß vber Rhein haben moͤgen.

Weillen der Rittmeiſter Gendt etliche Reuter hin vnnd wider geworben/ vnnd dieſelbige
nach Franckreich dem Printzen von Conte zufuͤhren woͤllen/ als haben die Staaden den-
ſelben als jren vnderthanen davon abgemahnet/ damit Er nit gegen den Koͤnig von Franck-
reich/ mit welchem Sie verbunden/ dienen ſolle.

Auß Paris vom 24. Octobr. hat man/ daß der Koͤnig zu Bordeaux den 18. ſeinen
Heyrath vollenbracht/ den Montag iſt der Duca die Guyſe mit des Koͤnigs Schweſter nach
Baiona gezogen/ vnd 8000. Mann zu Fuß vnd 1500 Pferdt/ ſampt 4. Stuͤck Geſchuͤtz mit
ſich genommen/ damit allem Unheil ſo jhnen etwan von den Confœderirten Printzen be-
gegnen moͤchte/ abzuwehren/ vnd thut man den Koͤnigs ſampt ſeiner Geſponß den 18. die-
ſes zu Pariß erwarten/ vnd ſolle daſelbſten die Hochzeit ſolleniter gehalten werden/ Jnn-
mittelſt hat der Mareſchal de Bois Daulphin vernohmen/ daß die Printzen zu Guay vber die
Reuier Dyone geſetzt/ darauff er alsbald dem Monſ.de Praslin mit 3500 Mann zu Fuß
vnd 800. Pferdten nach geſchickt/ der den Printzen de Dingri zu Dentle anderhalb Wetl
von Goigny mit 200. leichte Pferdt vnd 300. Carpiner Reuther angetroffen/ vnd weil er
ſein Vortheil geſehen/ hat er ein engen Curier/ nach Monſ.de Bois Daulphin geſandt/ daß
er jhme 2. Petarden an ſtund ſchicken ſolle/ welches auch beſchehen/ darvff alsbald der Printz
di Dingri belaͤgert vnd 4. Schuͤtz mit den Stuͤcken vff das Caſtel gethan/ die ſich alsbald
ergeben/ vnd mit Condition daß ſie jhr Lehen behalten moͤchten/ mit weiſſen Stecken abgezo-
gen/ vnd geſchworen/ nimmermehr die Waffen gegen den Koͤnig zufuͤhren/ Die Obriſten
vnd Befelchshaber alle gefenglich behalten/ auch 500. Pfert/ ohne die andern Beut/ ſo
ſich vber 100000. Cronen wert erſtrecken thut bekommen/ beyweil dem der Printz de Tin-
gri allein ſeine Perſon vber 50000 Cronen verlohren/ nemblich 4000. fuͤr ſeinen Vn-
der halt/ 12000. fuͤr ſeine Soldaten/ den Reſt an andern ſachen wie nun dieſes geſchehen/
kompt der Duca die Mayna mit ſeiner Caualaery ein halb ſtund hernach/ vnd wuſten nicht/
daß dieſe mit deß Printzen Volck alſo gehauſet/ als er aber ſolches vernommen/ hat er ſich
wider recirirt zu der Principalen Laͤger/ vnd will man ſagen/ daß beyde deß Koͤnigs vnnd
der Printzen Laͤger/ ein treffen auffeinander gethan/ bey welchem der Duca di Longouille
ſolte geblieben ſeyn.

Von Liſabona wird gemeldt/ daß die Flota aus OſtJndien bey der Jnſul S. Luca/
gluͤcklich angelangt/ vnd hat der Koͤnig von Spanien/ 3. Million vff Milano remittirt, mit
welchem ſelbiges Kriegsvolck ſolle abgedanckt vnd bezahlt werden.

Von Antorff wird geſchrieben/ daß zu Duͤnkirchen vor gewiß ſollen in 3. oder 4000.
Spanier ankommen ſeyn/ welche vnder andern Compagnien ſollen geſtocken/ vnnd damit
geſterckt werden.

Von Bruͤſſel wird gemelt/ daß der Spinola alles Kriegsvolck/ wie auch die Muni-
tion Pferdt hat muſtern laſſen/ zu was end iſt vnbewuſt. Der Moſcawittiſche Geſandter ſo
in Hollandt ankommen/ ſolle ein Hertzog von Archangilo ſeyn/ vnnd ſolle Befelch haben/
eine newt Capitulation mit den Staden zuſchlieſſen/ auch Rath zubegeren/ mit welchen
Mitteln der Koͤnig von Schweden vnd ſein groß Fuͤrſt/ moͤchte der Moſcau halben vergli-
chen werden/ was er nun erhalten wird gibt die Zeit.

Von Braunſchweig hat man/ daß der alte Graff Johann von Naſſaw/ wegen der

Correſpondirenten Fuͤrſten/ wie auch der Staden von Holland Deputirten daſelbst ange-
langt/ vmb zuverſuchen ob ſie zwiſchen dem Fuͤrſten vnd der Statt ein Vergleichung tref-
fen moͤchten/ welches aber ſchwerlich geſchehen wird/ weilen die Staden auch Glieder der
Haͤnſeeſtaͤtt ſeyn wollen/ wegen daß ſie Campen/ Dettenter/ Schwoll in Haͤnden haben/
Sonſten gebet der Krieg dapffer fort/ die in der Statt ſallen taͤglich auß vnd erſchlagen viel
Volcks/ derowegen der Hertzog den 4. Mann in ſeinem Land vffgebotten.

Auß Rohm vom 17. Octob. 1615.

Auß der Marck wir bericht vmb Aſcoli habe der groſſe vnverſehene Regen nich allein
groſſen Schaden gethan/ ſondern es wehre darvon auch ein Bergk vberhauffen gefallen/
dardurch Monte Gallo gantz ruinirt worden/ es alsbald vnten an dieſem Berg ein newer
Fluß halb Manns tieff entſtanden/ welcher mit groſſem Gethoͤn bey Aſcali hin/ vnder den
Fluß Trando fleuſt/ ob nun dieſer Fluß ſtetigs wehren wird/ oder ob es nur ein zuſammen ge-
lauffenes Waſſer/ kan man nicht wiſſen/ zu deme iſt ein Erdbuͤden geweſen/ vnd zu Fortia
hat der Regen das groß vnd ſtattliche Muͤnſter zu S. Saluator gantz verderbt.

Auß Venedig vom 23. Ditto.

Maylandiſche Brieff meldten anders nichts/ als das von deß Pietro di Toledo her-
auß kunſſt vnderſchiedlich diſcuriret wird/ wie auch daß das Kriegsvolck nicht gantz abge-
danckt/ ſondern wider etliche angenommen werden ſollen.

Von Turino hat man/ wegen der Vnruh in Franckreich habe derſelbe Hertzog die
Abdanckung ſeines Kriegsvolcks zum theil wider eingeſtellt/ biß er ſiehet wo es hinauß wil.
Hieſigt Herrſchafft hat alle abgedanckte Capitain/ vnd Befelchshabern vffs new beſchrie-
ben vnd befelch geben jhre Compagnien wider aufzurichten/ vnd ſolche in Dalmatia zuſen-
den/ vnd hat man das von Trieſte 400. Teutſchen nach Jſdria vff den Raub gezogen/ de-
nen ein gute Anzahl Conſt/ vnd andere vnſers Volcks begegnet/ mit einander ſcharmuͤtzirt/
endlich aber die Teutſchen in die Flucht geſchlagen/ vnd etliche erlegt/ ſo haben die Vſcochi
bey Mugia etliche vnſere Reutter/ Albaneſer erlegt. Von Nanci wird confirmirt/ daß der
Printzen Volck in Franckreich der Koͤnigiſchen 400. erlegt/ thun ſonſt groſſen Schaden/
vnd haben einen Polniſchen Herrn/ der Jhrer Mayeſt. eine Anzahl Reutter zufuͤhren woͤl-
len abgeſetzt. Die Statt Lion hat 500. Fußknecht nach Pariß zu erſterckung der Statt
geſandt/ vffgefangen worden/ ſonſten fallen noch viel Herrn vom Parlament dem Printzen
von Conde zu/ deſſen Volck das Schloß Thiemi beſchoſſen/ vnd hernach das Staͤttlin
Eſpernon/ ohne ſondern widerſtand eroͤbert/ beyde Laͤger befinden ſich jetzt faſt in gleicher An-
zahl nur 3.Meil von einander/ Der Hertzog von Luxenburg aber [t]hut mit 2000. Mann
zu Fuß/ vnd 500 Reutern vff den Burgundiſchen Frontirn groſſen Schaden/ die Koͤnigin
will den Monſ. de Roan zum Printzen von Conde ſenden/ ein Accord mit jhm zu tractiren.

Auß Leiptzig vom 26. Dito.

Auß Wolffenbuͤttel hat man/ weile Graff Friederich von Solms mit ſeinem Kriegs-
volck vff deß Hertzogen Frontirn ankommen/ als hat der Hertzog all ſein Kriegsvolck auß
den Schantzen genom̃en/ die Paͤß zuuerlegen / hingegen das Landvolck in die Schantzen ge-
[l]egt/ es ſind beyde Theil noch nicht zuſammen kommen.

Der Koͤnig in Dennemarck ſolle wider etlich 1000. Man fuͤr den Hertzogen im An-
zug haben/ die Kayſ. Commiſſarien ſein im Laͤger ankommen/ vnd haben beyder ſeits einen
Stillſtandt mandirt.

Es iſt wider ein Corporal allhie geweſt/ der begert fuͤr den Hertzogen mehr Volck zu

werben. vff den Straſſen iſt es ganz vnſicher reiſen/ vergangene Wochen ſeyn wider etli-
che Bremer angriffen worden/ der Thaͤter zween nach Magdeburg gefuͤhret ſeyn.

Der Churfuͤrſt von Brandenburg hat ein Mandat publiciren laſſen/ daß ſich nie-
mand von Jhrer Churfuͤrſtl. G. angehoͤrigen in frembde Kriegs Beſoldung einlaſſen/ ſon
dern ſich zu Hauß/ vnd alſo ferig halten/ damit man deren vff das erſte Auff gebott mechtig
ſeyn kan.

Auß Hamburg/ vom 24. Octob.

Der Graff von Solms hat ſich mit 1800. Pferden
vnd 4000. zu Fuß zwiſchen Hanower vnd Braunſchweig gelaͤgert/ vnd verſchantzt/ haben
200. Waͤgen mit allerhand viemalien/ vnd 400. Ochſen bey ſich/ vnd ſolle die Statt Ha-
nower ſich an die Staͤtt ergeben haben. Als der Hertzog von Braunſchweig das Waſſer
geſtembet/ daß es Elen hoch in der Statt geſtanden/ ſeind die in der Statt mit gantzer Macht
herauß gefallen/ mit den Hertzogiſchen ſcharmuͤtzirt/ in 400. Mann erlegt/ 3. ſtuͤck Geſchuͤtz-
eobert/ vnd auch vber 300 Mann verlohren.

Die Henſeeſtaͤtt befinden ſich jetzt wider zu Luͤnenburg beyſammen/ ſonſt iſt der Statius
von Muͤnchſhauſen mit 3. vornehmen vom Adel zu Zell beym Hertzogen von Luͤneburg
geweſen/ vnnd begert/ der Hertzog ſolle der Haͤnſeeſtaͤtt Volck in ſeinem Lande nicht dulden/
aber ſchlechte Antwort bekommen/ iſt alſo nach genommenem Abſcheidt durch deß Hertzo-
gen Landt begleitet/ hernacher aber von 30. der Haͤnſeeſtaͤtt Reuter gefangen/ vnnd dem
Graffen von Solms zugebracht worden/ ſollen 1300. Ducaten bey ſich gehabt haben.

Auß dem Landt zu Braunſchweig/ vom 24. ditto.

E. E. Rath allhier hat mit 100. Soldaten/ vnd 50 Reutern/ die zu Wendorff durch
Herzog Frantzen angehaltene Guͤter/ mit Gewalt holen vnd alhero bringen laſſen

Der Koͤnig in Dennemarck
iſt mit 13000. Mann zu Roß vnd Fueß/ der Haͤnſeeſtaͤtt Volck biß nacher Zell entgegen ge-
zogen/ vmb mit dem Graffen von Solms ein treffen zuthun/ weilln ſich aber der Graff nach
Giffhorn begeben vnd ſich dapffer verſchantzt/ doch vber 5000. Mann nit bey ſich hat/ iſt der
Koͤnig vnverricht wider ins Laͤger kommen. Mit der Statt Braunſchweig ſtehet es nicht
nach dem beſten/ beyde theil ſchieſſen ſtarck vff einander/ vnnd laͤſt der Hertzog das Geſchuͤtz-
vff den Wahl ziehen/ hat wider 4. Fahnen friſchvolck ins Lager bekommen/ deſſen folgt noch
taͤglich mehr/ vnd wird das gemuſtert Landt Volck vff 20000. ſtarck geſchetzt/ weilen die
Wachten vmb der Statt verdoppelt/ kan niemand mehr auß noch in die Statt kommen/
haben alſo gute Hoffnung ſolche bald zu eroben. Die Keyſerl. Commiſſarien haben in
die Statt begert/ aber nicht eingelaſſen/ ſondern jhnen zur Antwort worden/ ſie weren jetzt
nicht mechtig/ vnd ſie an die ſaͤmptliche Haͤnſeeſtaͤtt gewieſen.

Auß Wolffenbuͤttel vom 26. Dito.

Vnſer Volck iſt ſo wol auff dem Wall als die
in der Statt/ duͤrffen nur der zween Schantzkoͤrb hinuͤber/ ſo koͤnnen ſie ſich mit einander
ſchlagen/ man bawt jetzt ein Patterey hinauff vmb Preſſa zu ſchieſſen/ daß man gar hinein
lauffen kan/ beyde Theil koͤnnen mit Schieſen nicht viel außrichten/ ſondern thun einander
mit Steinen/ Bechkraͤntzen vnd Treſchſchlaͤgeln groſſen Schaden

Auß Prag/ vom 24. October/ Anno 1615.

Man erwartet allhier mit verlangen
Herrn Haͤggemuͤllers/ welcher vnlaͤngſt an die 3. Geiſtliche ChurF geſchickt worden/ deß
vorſtehenden Reichstags halben/ was derſelbe verrichtet/ dann allhie darfuͤr gehalten wer-
den will/ es werden Jhre ChurF. G. zu Meyntz in Namen der Catoliſchen/ vnd Fuͤrſt Chri-
ſtian von Anhalt/ wegen der Correſpondirenden wie auch Herr Biſchoff Cloͤſel wegen Jh-
rer May. in kurtzem zu Bamberg zuſammen komen/ vnd alda einen Compoſition Tag halten.

Auß Coͤlln vom 23. Novembris Anno 1615.

NEwes dieſer Orten wenig/ dann daß der Ertzhertzog Maximilian Samb-
ſtags Abend zu Aachen angelangt/ vnd mit groſſem Triumpff von dem
Rath vnnd der Buͤrgerſchafft empfangen/ der ſoll deß Montags ſein
Reiß auff Bruͤſſel genommen haben/ wie man vernimbt ſoll er Sich ſehr fort ey-
len/ dann ſein Commiſſion die Guͤlgiſchen Sachen betreffen ſolle/ etliche wollen
er ſolle im namen Jhrer Keyſerl. Mayeſt. den verſtorbenen Fuͤrſten begraben laſ-
ſen/ vnd die Sequeſtration der Guͤlgiſchen Fuͤrſtenthumben vffnehmen/ vnd den
Brandenburgiſchen/ wie auch den Stadiſchen gebieten/ daß ſie alle eingenom-
ment Staͤtt vnd Veſtungen Jhrer Mayeſt. einraumen/ vnnd ſich von dem
Reichs boden begeben ſollen/ endlich durch Rath der Chur- vñ Fuͤrſten deß Reichs
wie auch deß Ertzhertzogen Alberti der Sachen ein Außſchlag machen/ damit die
Landen/ vnd Vnderthanen in vorigem ruͤherigem Standt geſetzt moͤgen/ vnd von
ſchweren laſt deß Kriegs Volcks enledigt werden.

Man hat allhie Auiſo daß die Stadiſchen/ nach dem ſie wie man geſage
nach Braunſchweig gezogen/ vnder wegen die Graffſchafft Ravenſpurg/ vnd de-
ren Zugehoͤrigen Staͤtt/ wie auch das feſte Haus Spornberg/ Billenfeldt/ vnd
andere/ in Poſſeſſion ohne ſonderlichen Widerſtand genommen/ vnd in theils
40. theils 20. theils. 10. Soldaten eingelegt/ vnd nunmehr wider zuruͤck kommen/
bey hieſiger Statt vber Rhein ſetzen/ vnd das Stifft Coͤlln brand ſchetzen woͤllen/
zu welchem End ſie auß jhren Compag. ſo ſie noch in Holland haben/ etliche
Soldaten herauß genommen vnnd ſie bey einander verſamblet/ welche diſſeits
Rheins herauffer kommen ſollen/ Jm ſall man jhnen die Schiffung diſſeits
Rheins verſperren/ vnd ſie nit vber laſſen wolten/ damit ſie dieſelbige loß machen/
vnd das auß Weſtphalen kommende Volck mit gewalt vberfuͤhren moͤchten/ den
Effect gibt die Zeit.

Von Hildeßheimb wird geſchrieben/ daß der Hertzog von Braunſchweig/
von der Statt abgezogen/ ſeinen Vnderthanen abgedanckt/ ſein Kriegsvolck in
die Statt Wolffenbuͤttel quartirt/ Jnmittelſt iſt zu Halberſtatt durch die Herrn
Keyſerl. Commiſſari ein Zuſammenkunfft angefullt/ Worben die Churfuͤrſten/
Meyntz/ Trier/ Coͤlln/ Pfaltz/ Sachſen jhre Geſandten haben werden/ vmb zuver-
ſuchen/ ob ſie die Sachen zwiſchen dem Fuͤrſten vnd der Statt vergleichen moͤch-
ten/ Interim bleibt der Haͤnſeeſtaͤtt Volck beyſammen/ pluͤndern deß Hertzogen
Land auß/ vnd machen gute Beuthen/ entzwiſchen muͤſſen die gefangene Bawren/
ſo ſie noch in der Statt haben die zerſchoſſene Waͤhll wider aufbawren/ darzu ſie

dann die nechſtgeſeſſene Bauren auch zwingen/ was endlich darauß werden wird
gibt die Zeit.

Verzeichnus was fuͤr Obriſte dem Hertzogen vor Braunſchweig vmbkom-
men/ vnd beſchedigt worden.
Der Obriſte Guſtrau/ Hauptmann Bredenbach/ Obriſte Leutenampt
Brendel/ Hauptmann Langenbach/ Hauptman Schwerin/ Hauptman Sperr/
Hauptmann Pfankuch/ Hauptmann Roͤder/ Hauptmann Fuͤrſtenberger/ Frie-
derich Sonnenberger/ Fendrich Otto aus Dennemarck/ Friederich Rauch-
haupt/ dieſe ſind alle geblieben. Beſchaͤdiget ſind dieſe: Hauptmann Gans/
Hauptman Brand/ Hauptmann Goͤrger/ Hauptmann Fitzner/ vnnd Mons.
Turin. Bey dem Hertzog ſeyn noch: Der Koͤnig in Dennemarck/ Hertzog Vi-
rich aus Holſtein/ Hertzog Frantz von NiederSachſen/ ein Hertzog aus Pom-
mern/ Graff Wolff von Mansfeldt/ Graff Philps von Stolberg/ Graff von
Ortenberg/ Graff von Gleichen.

Von Pariß wird vom 14. diß geſchrieben/ daß man den 8. a S. Iean de
Luz groſſe præparation gemacht/ den Koͤnig ſampt ſeiner Koͤnigin daſelbſt zu-
empfangen/ vnd daß Mons. di Guiſe ſich gantz nicht mehr foͤrchtet mit dem Koͤ-
nig nach Pariß zu ziehen/ weilen der Mareſchal du Bois Daulphin Jhre Ma-
yeſt. mit 25000. Mann entgegen gezogen/ vnnd ſolle der Monſ. Deſpernon
10000. Mañ zu Fuß vnd 2000. Pferdt bey ſich haben/ moͤchten alſo die Printzen
welche ſich bey Caſtelleraut befinden/ entweder zum Frieden oder zur Schlacht
gezwungen werden.

Von Bruͤſſel wird geſchrieben/ das der Ertzhertzog Albertus groſſ. præpara-
tion vff die Ankunfft ſeines H. Bruders Ertzhertzogẽ Maximiliani, den er in vie-
len jaren nit geſehen/ machen thut/ auch laſſen Jhre Fuͤrſtl. Durchl zu Mecheln
gewaltig viel Geſchuͤtz gieſſen vnd fertig machen auch alle darzu noͤttige muni-
tiones beſtellen das alſo zu beſorgen/ das es ohn Krieg nicht werde abgehen/ dann
wo ſich die Staden werden weigern aus den Guͤlchiſchen Landen zu ziehen/ vnnd
dem Keyſer dieſelbige nicht einraumen woͤllen/ moͤchten ſie wol daraus getrieben
werden.

Aus Rom vom 7. Novemb.

Der Giaponiſche Amb. hat Dienſtag nach dem Eſſen beym Papſt offent-
liche Audientz gehabt/ vnd allda ſein Credenz Schreiben welche in Japaniſcher
Sprach mit guͤldenen Buchſtaben/ ſamt einer Lateiniſchen interpretation
geweſen/ præſentat/ vnd dieſes Jnhalts das man jhm etliche Prælaten vnd Fra-
tres des reformirten Franciſcaner Ordens zuſenden ſolle/ vmb ſein Volck zu be-

kehren/ begert auch etliche Muſicanten/ Mahler Goldſchmied vnd andere Kuͤnſt-
ler/ ſolche zu erbawung der Kirchen zu gebrauchen/ verſpricht benebens ſolche nit
allein ehrlich zuhalten/ ſondern auch reichlich zu belehnen.

Allhie iſt von allen Obriſten eines jedweden Ordens eine Congregation
gehalten/ welche wegen jhrer Priuilegien tractirt vnd geſchloſſen/ das bey ſtraff
des Banns kein Orden/ einigen Ort/ welche einem andern Orden zuſtehet ſich
fehig machen ſolle/ vnd ſolches aus ſolchen Urſachen/ das im Churfuͤrſtenthumb
Coͤlln die Jeſuitter/ den Franciſcanern ein Orth hinder gangen haben/ welche jetzt
die Reſtitution ſtarck ſuchen.

Auß Venedig vom 13. Dito.

Von Genua hat man/ die Flotta zu S. Luccar[…]ere 10 million 129000.
vnd 721. ſtuͤck/ der Reſtaber particularen zuſtendig ankommer/ vnder dieſer Sum-
ma vff 2. million 185000. vnd 484 Realen an vnderſchiedlichen Kauffmanns
Wahren/ das vbrig aber an Golt vnd Plaiten.

Auß Dalmatia wird bericht/ der enden wehren abermahls etliche Schar-
muͤtzel fuͤrgangen/ vnd ſonderlich bey Magia groſſe Beuth vom Viehe gemacht
werden.

Aus Levante wird aviſirt/ die Mainotti wehren von den Tuͤrcken zu Land
noch verſtrickt/ vnd beſchehen faſt taͤglich ſtarck ſcharmuͤtzel/ vnd wehre des Paſſa
Sohn welcher vber das Tuͤrckiſche Heer commandirt gefangen/ vnnd terquirt
worden/ der hat bekant/ das der Gros Turck befohlen/ dieſelbe Voͤlcker auszurot-
ten/ vnd keinen der 7. Jahr erreicht hette/ zuverſchonen/ derwegen ſie ſich reſoluirt/
bis vff den letzten Mann/ zu defendiren. Ob wol die 41. Montags zu der Wahl
geſchritten/ weiſz man doch noch nicht/ wer zum Hertzog allhie erwehlt werden
wird.

Aus Prag/ vom 15. dito.

Mann vernimbt daß Jhr Keyßl. Maytt. auff der Jagt ſich ſehr luſtig erzeigen/ vnnd
vor etlich tagen ein Wildſchwein mit einem ſchuß gefaͤllt worden/ vnd in die hoͤhe 7. Spann
in der laͤngen aber 11. Spannen geweſen/ vnnd man vermeint/ daß Sie ſchwerlich vor dem
Aduent herein kommen werden/ bevorab weiln in den Zimmern vnnd ein newer Gang ob-
dem andern langen Gang vber den Hoff gebawt wird/ interim wirdt von den Herrn Raͤh-
ten was zur Signatur gehoͤrt/ Jhrer Maytt. hinauß geſchickt.

Der Conte di Buquoy iſt/ ſampt deß ErtzHertzogen Alberti Agenten vnnd andern
in der ſtill allhier verreiſt/ ſoll der Guͤlchiſchen Landen halber ſonderbare Commiſſiones ha-
ben/ etliche melden/ daß er vom Koͤnig in Spanien vnnd Franckerich/ wegen ſelbiger Vn-
ruh gefordert worden.

Demnach dem Churfuͤrſt von Sachſen wegen Seiner Guͤlchiſchen Prætenſion eini-
ge verlaͤßliche Reſolution bey Hoff noch nicht erfolgen will/ ſondern damit je lenger je mehr

auff gezogen wuͤrd/ als hat Er ſeinen allhier gehabten Agenten wider nacher Hauß gefor-
dert. Sonſten haben zwar Jhr Maytt dero Reichs HoffRaͤth die Guͤlchiſche einge-
brachte Sachen ſchleunig vorzunehmen befohlen/ weilln auch dißfalls/ wie juͤngſt gemelt/
niemand als Sachſen Hauptſachlich einkommen/ doch ſol zu weiterer vnd Summariſ der
verfahrung ferner Termin ehiſt angeſetzt werden. Ertzhertzog Albertus ſich erbeten/ wo-
fern ein Sequeſtration von jhr May: biß an ort entlicher ſucceſſor declarirt verordnet wer-
den ſolte/ das Er/ ſo fern es von den Staaden auch beſchehen/ von ſeinen Jnhabenden Or-
ten abtreten/ vnd ſo viel an Jhme an Frieden nichts erwinden laſſen wolte.

Es verlaut/ daß Jhr Maytt. eheſter Tag vnderſchiedliche Schreiben an alle Chur
vnnd Fuͤrſten deß Reichs abgehen laſſen vnnd errinnert werden/ daß ſie ſich deß Braun-
ſchweigiſche weſens mit ernſt interponiren wolten/ damit nicht ein groͤſſer Fewer im Roͤm.
Reich darauß wachſen moͤcht.

An ſtatt deß Herrn von Dhona wirdt der alten Statt Prag Hauptmann/ Herr
Dionis von Tſchirin/ Neben der Tuͤrckiſchen Bottschafft in Tuͤrckey geſchickt werden/ dem
ſoll man vff 6. Monat 20000. vnnd wenn er darvber auſſen bleiben muſte/ alle Monat
hernach 1000. Thaler bewilligt haben/ Es ziehen viel vornehme Herrn vnd vom Adel auff
jhren eigenen vnkoſten mit nach Conſtantinopel.

Die nun lang allhier anweſende Sibenbuͤrgiſche Geſandten ſeind in der ſtill zu
Dreßden geweſen/ vnd vmb Euangeliſche Prediger nach Siebenbuͤrgen gebetten/ fragen
auch nach/ ob ſich gelaͤhrte Leut/ Schreiber/ Muſicanten vnd dergleichen Perſonen in Kir-
chen vnd Regimenten zubeſtellen/ hineyn begeben wolten/ welche ſie mit jhnen hineyn neh-
men vnd darinnen mit guten Beſoldungen verſehen woͤllen.

Von Graitz haben wir Nachrichtung/ daß die Venediger abermahl in Oeſterreich
eingefallen bey Triſt etliche Doͤrffer abgebrandt/ dem Ertzhertzogen ſein newen Wein an-
grieffen/ zum theil außgetruncken/ den vbrigen haben ſie den Faͤſſern die Boͤden außge-
ſchlagen vnd ſonſt groſſen Schaden gethan.

Herr Biſchoff Cloͤſel ſampt dem Oberſten Canzler vnd andere Land Officirer ha-
ben in der Boͤhmiſchen Cantzeley des Kinßky arreſtirte vnnd auff ſeinem gut/ befundenen
Truhen vnd geheime Sachen geoͤffnet vnd durchſucht.

Auß des Graffenhaage vom 23. Novemb. 1615.

VOn vnderſchiedlichen Orten hat man auß Franckreich/ daß die Printzen
da ſie mit jhrem Volck durchgezogen/ noch mehr Anhang bekommen/ ſol-
en mit dem Laͤger vor Bordeaux ſeyn/ vnd alle P[a]ͤs verlegt haben/ Jn-
mittelſt wenden die Engliſche/ Spanniſche vnd andere Geſandten allen F[r]iſt an/
den von Conde zum Accord zubringen/ ja der Koͤnig vnd Koͤnigin ſollen [vrbi eig]
ſeyn/ die verklagte Perſonen von den hohen Aemptern zu ſchaffen / vnd die andere
Sachen zu reformiren/ die Printzen auch ſo viel moͤglich zu contentiren.

Auß Engellandt wird bericht/ daß ob ſchon der Frantzoͤſiſche Amb. daſelbſt
deß Herrn von Boncurs/ als der Printzen abgeſandten Vorbringen/ ſtark wider
ſprochen/ hette ſich der Koͤnig doch endlich dahin erklaͤrt/ daß er/ wann die Spani-
er in Franckreich wuͤrden den Meiſter machen/ (die Printzen vnd Religions ver-
wandten ſamt deren Priuilegien zu vnderdruͤcken) den Printzen mit gantzen
Macht beyſpringen wollen.

Die Herrn Staden haben gedachten Koͤnig viel geheime wichtige entde-
ckte ſachen/ wie auch/ was ſie zum Braunſchweigiſchen Kriegshilfflei-
ſtung/ vnd dann occupation der Graffſchafft Ravenſpurg bewegt/ vnnd was vor
Practicken dahinden ſtecken/ ſo wol als andern Fuͤrſten zugeſchrieben/ vñ entdeckt.

Vorgeſtern iſt Graff Ernſt Caſimir von Naſſau allhier kommen/ mit
den Herrn Staden vnd S. Excell wegen deß Kriegsweſens zu communiciren/ ſo
iſt ein junger Hertzog von Holſtein auch angelangt/ der zeugt nach Engellandt/ die
Laͤnder zubeſchen/ vnd ſagt man jetzt/ der Koͤnig in Dennemarck ſolle alle dieſer
Landen Schiff in Sundt arreſtirt haben.

Der Ertzhertzog Albertus ſolle wider vbel auff ſeyn/ vnd ſeyn die Span-
niſche Guarniſon daſelbſt/ vnd an der Maaſen allen halben gemuſtert/ auch dem
Caſtell zu Antorff in 50. Waͤgen mit Kraut vnd Loth zu gefuͤhrt/ vnd die geſetzte
Pfaͤrd auß Flandern nach Mechel entbotten/ ſolle die Guͤlgiſche Segueßtration
antreffen.

Auß Duͤſſeldorff vom 28. Dito.

Newes nichts/ als was von der Stadiſchen Occupation wider verſprochen/
Neutralitet/ der Graffſchafft Ravenſpurg juͤngſt gemelt/ darbey bewend es noch/
liegen jetzo ſtill/ vnd verharren in jhrem Vorhaben.

Demnach die Printzen von Brandenburg/ den Geiſtlichen in der Guͤlgi[-]
ſchen vnd angehoͤrigen Landen etliche Stewer gefordert/ jnen derentwegen gant[z]
betreulich zugeſchrieben/ vnd jhnen zuerlegung dieſer gewoͤhnlichen Steur eine

Termin von 3. Wochen angeſtellt/ als hat der Fuͤrſt von Newburg durch ein
offentlich Mandat allen Amptleuten vnd Raͤhten gedachter Fuͤrſtenthumben
bey hoͤchſter ſtraff gebotten/ daß ſie des Marggraffe Forderung vnd Befelchen
ſich nit beypflichten/ den Geiſtlichen an jhren gefaͤllen keine eintracht thun noch
einige Ex[cem]ion dieſes halb zugeſtatten/ viel weniger darzu befuͤrderlich erſcheinen
ſondern der gleichen vnzimlicher vornehmen mit allen Mittel abſchaffen/ vnd die
Geiſtlichkeit ſchuͤtzen vnd handhaben ſollen.

Auß Coͤlln vom [2]9. Dito.

Dieſen Morgen ſeyn des Ertzhertzogen Maximiliani Kutſchen mit ſtatt-
lichen Preſenten von Keyſ. Mayeſt. vmb die Infanta zu verehren/ wie auch deß
Conde de Bucquoy Bagage von hier nach Bruͤſſel gefahren.

Auß Coͤlln vom 3. Octob.

Seither meinem juͤngſten/ iſt ſonderlich nicht viel Schriftwuͤrdigs vor gefallen/
allein daß das Stadiſch Kriegsvolck ſo noch im Land zu Braunſchweig liegen/
die Statt Stoltenaw vnd mehr andere Orth ſo dem Hertzog von Braunſchweig
zugehoͤrig/ eingenommen/ vnd wie verlaut/ woͤllen ſie nicht von dannen ziehen/ biß
die Sachen mit dem Hertzogen verglichen/ zu welchem End/ viel der Fuͤrſten vnd
Herrn Geſandten zu Halberſtatt bey einander geweſen/ aber vnverrichter Sa-
chen wider von einander gezogen/ dann die Propoſition alſo vorgetragen/ daß ſie
der Statt Braunſchweig/ noch den Haͤnſeeſtaͤtten nicht annehmlich/ dann weilen
die Haͤnſeeſtaͤtt mercken/ daß ſie ſtarck genug von Volck/ dem Hertzogen wider-
ſtandt zu thun/ werden ſie jhren Vortheil in der Hand behalten/ vnd nichts bewil-
ligen/ es ſeye dann der Statt Braunſchweig zum groſſen Vertheil/ ſonſten leſt
der Hertzog die Statt Wolffenbuͤttel ſtarck befeſtigen/ vnd viel Schantzen vnnd
Bollwercken darvor auffwerffen/ foͤrchtent/ der Haͤnſeeſtaͤtt Volck moͤchten jhn
dann belaͤgern/ derwegen er newe Geſandten an die Statt Braunſchweig geſchickt
vnd einander Zuſammenkunfft begert hat/ worzu dann die Statt Bremen/ Ham-
burg/ Luͤbeck/ Roſtock jhre Deputirten auch abfertigen ſollen/ ob es etwas fruch-
ten wird/ gibt die Zeit.

Von Bremen wird geſchrieben/ daß die Haͤnſeeſtaͤt im geringſten Pun-
cten dem Hertzogen nicht weichen woͤllen/ Er habe dann allen Koſten vnd Scha-
den/ ſo an der Statt Braunſchweig mit dieſer Belaͤgerung verdorben/ Ja was
vor 9. Jahren von ſeinem Herrn Vatter fuͤr Schaden gethan/ außgericht vnnd
bezahlt/ woͤllen derhalben von keiner Zuſammenkunfft hoͤren/ laſſen ſich alſo duͤn-
cken/ daß ſie den Vorſprung haben.

Man gibt auch auß/ daß ſie wider newe Patenten außgetheilet/ vnnd noch

mehr Kriegsvolck zu Roſſz vnd Fuß werben laſſen/ wie dann allbereit der Graff
von Eyſſenburg/ auffs new viel Reutter geworben/ vnd noch werben laͤſt.

Von Hamburg wird geſchrieben/ daß das Volck an allen Orten hauffen-
weiß nach Braunſchweig zeucht/ vmb zuſehen/ wie die Statt ſo jaͤmmerlich mit
ſchieſſen verdorben/ vnd kein eintziger KirchthurmKirchthurn bald gantz blieben/ geſchweigen
der Waͤhll vnnd Haͤuſer/ ſo auch verhalten muͤſſen/ melden ſie auch daß der Koͤ-
nig von Dennemarck daher wider nach Hauß gezogen ſey/ iſt aber niemandt der
kan ſagen/ das er jhn geſehen hat.

Zu Duͤſſeldorff iſt ein Schiff mit Habern angehalten/ ſo dem Printzen von
Brandenburg nach Cleeff ſoll gefuͤhret werden/ vnd weilen ſelbige Haber im Ampt
Wiedecken vnd andern Orten auffbracht/ vnd die Fuͤrſten ſich einmal vereinigt/
die Gefaͤll gegeneinander zutheilen/ hat man ſelbigen an Jhr Fuͤrſtl. Gnad. von
Newburg berichtet/ erwart man alſo Antwort wie es damit ſoll gehalten werden.

Der Churfuͤrſt von Coͤlln leſt zu Bohn groſſe Præparation machen/ wie
dann auch der Churfuͤrſt von Trier zu Coblentz thun wird/ gegen die Wider-
kunfft des Ertzhertzogen Maximiliani.

Auß Rom/ vom 14. Ditto.

Der Giaponiſche Ambaſſator hat dem Bapſt einen gantzen Habit / vnnd
alle Ornamenten einen Bapſt zuziehen/ neben andern ſtattlichen Preſenten ver-
ehret/ ſoll vor Oſtern nicht verreyſen/ wirdt Koſtfrey gehalten.

Die Toſcaniſche vnd Sicilianiſche Galleren haben in Levante 14. Tuͤrcki-
ſche Fuſten/ eine Bregantin/ vnnd eine Bertan mit vielen Sclauen vnnd Kauff-
mannswahren gefangen bekommen.    Sontags hat der Cardinal Delfino zu
S. Marco allhier einen reichen Venetianiſchen Juden getaufft.

Aus Vendig vom 20. Dito.

Vom 3. Octob. hat man/ ob wol der Hertzog von Modena bis noch zu/
Kriegsvolck angenommen/ vernimbt man doch jetzt/ das er mit den Herrn von
Corregio durch vermittelung des Maylaͤndiſchen Gub. vergleichen/ vnnd zuruhe
gebracht seyen.

Aus Conſtantinopel hat man/ der Gros Fuͤrſt woͤlle gantz nicht zu dem
Perſianiſchen Frieden von ſieben/ ſondern leſt noch ſtarck zum Krieg zu ruͤſten ent-
gegen aber raͤhtet der General Vezier zu ruhe/ mit fuͤrwenden / koͤnte des Perſia-
ners Macht mit ſ[ey]nem vbel abgerichtem Volck nicht widerſtehen/ ſonſt haben die
Coſſagen im ſchwartzen Meer abermahls viel Tuͤrcken erlegt/ vnd hat der Gene-
ral per Mare 2. ſchuͤtz bekommen.

Zu Genua ſeynd 3. Toſcaniſche Gall[erer] mit 300. Ballen ſeyden an kom-
men vnd weren vff 14. bis 2. Galleren von dannen mit dem Spaniſchen Ambaſ.
vnd 2. von de[r] ſelben Herrſchafft vnd andern fuͤrnehmen Herren nach Finale ge-
fahren/ den Don Pietro di Toleto zu empfangen.

Die Wahl des newen Hertzogen iſt noch nit beſchehen/ die Illuſtr. Corgo-
do vnnd N[a]ni haben die meiſte Stimmen/ Montags ſeynd die auff dem Eccleſ.
Collegio an der verſchloſſenen Pforten gangen/ vnd ein Form eines Proteſt er-
innert/ das ſie die Wahl befoͤrdern ſollen.

Auß Kiehrmond vom 9. Novemb.

Unſere hieſige Tractation iſt vff etliche Tag verſchoben/ dann von Keyſerl.
Majeſt. noch keine Reſolution kommen/ ſo reiſt vnſer Tuͤrckiſcher Commiſſa-
rius heimb/ niemandt weiß die Urſach/ derwegen will man wenig vom Frieden
halten.

Aus Wien vom 19. Dito.

Die 3 NiederOſterreichiſche Euangeliſche Staͤndt/ ſeind dieſe wochen vnder-
ſchiedlich mal zu Rath geweſen / eine vergleichung der Caſſa zu Hernalſt mit dem
Herrn Jeorg[er]n zuſchlieſſen/ werden auch abgeſandte zu Jrer Key: May: nach
Prag/ vnd andere auff den Landtag in Maͤhren verſchicken/ mit was ſachen iſt
noch vnbewuſt Herr Euſebius Kuhn Freyher ſoll an ſtatt Herrn Graff Traut-
ſams alhie Statt halter werden/ vnnd Herr Seyfriedt Bruner Freyherꝛ/ Landt
Marſchalck.

Auß Prag vom 21. Dito.

Kuͤnfftige wochen ſoll Herr Obriſter Luckhan vnnd Herr Secretari Arnoldin
wegen deren vor dieſem gemelten jnen vffgetragenen Commiſſion ins Reich fort-
reiſen.

Herr Tzſchierin als Keyſ: Orator vnnd Ambaſ: nach Conſtantinopol/
Ruſtet ſich ſtarck zu ſeinem Vortzuck/ vnd warthet der Tuͤrckiſche Bottſchaffter
mit fleiß auff jhne/ dan der ſelbe getraut ſonſt nie ohne groſſe gefahr durch die Cron
Hungarn zu kommen/ die weil die Hungarn gar ſchwierig auff jhn ſeyn ſollen/
daß er ſie vor dieſem bey Keyſer: May: mit allerhand ehrnruͤhrigen worten an-
getaſt. Jhr Keyſerl. Maytt. vnd die Keyſerin ſein noch vff etlichen Keyſeri-
ſchen Herrſchafften/ vnd ſollen ſie von einer zur andern vff die Jagte ziehen.

Auß deß Graffenhaage vom 30. Novemb. 1615.

AVß Franckreich ſeynd ſeithero juͤngſt wider allerhand Auiſen kommen/
alſo daß jetzt nicht allein die von der reformirten Religion daſelbſt/ ſonder
auch faſt alle die vornehmſten Haͤupter/ ſo wol von derſeben Religion
als Paͤbſtiſch ſich an Seiten der Vnirten Fuͤrſten declarirt vnd begeben hetten/
machten nun allerhand Bereitſchafften zum Krieg/ vmb jhr Vorhaben mit
Gewalt zu manuteniren vnd durch zu dringen/ dahero dañ ſo wol der Koͤnig als
die Koͤnigin alle Edicta vnd Priuilegien ſo der Koͤnig Henry le grand ehege-
gachten Religions verwandten verlichen in ſurſeance oder vffſchuͤitzung gezo-
gen/ in willens wo ſie ſich nicht zu Ruhe begeben allerdings zu caſſiren/ wie dann
auch alle Officirer ſo in hohen vnd nieder Aemptern vnnd nicht Paͤbſtiſch/ da-
ſelbſten ſollen abgeſetzt werden/ leſt ſich alſo zu einem gefehrlichen Weſen anſe
hen. Die Vnirten Printzen ſollen mit der gantzen Macht rings vmher
Bordeaux liegen bleiben/ gebrauchen aber noch zur Zeit kein Gewalt/ ſondern
trachten auff alle Mittel/ wie ſie den Koͤnig in der guͤte zu jhn bekommen moͤch-
ten. Von Accord im oder Vergleichen war noch kleine Apparentz/ weilen die
Printzen ſo ſchwere Puncten auff die Bahn bringen/ etliche geben auß/ daß ſie
dieſe vier Puncten ſollen fuͤrgeſchlagen haben.

Erſtlich daß die alte Koͤnigin auß dem Regiment ſoll ſcheiden/ ſich in ein
Kloſter oder Schloſſz begeben/ dahin man jhr genugſamb vnderhalt ſolle ver-
ſchaffen/ jhres Standts gemeß zu leben/ vnnd ſich keiner Regiments Sachen
mehr annehmen. 2. Daß die geklagte Hauptperſonen/ ſo an deß Koͤnigs Hen-
rico 4. Todt ſchuldig von ſtund ſollen executirt werden. 3. Dann nach eine ge-
rechte Reuanſche deßwegen allenthalben zu thun. 4. Endlich alle frembde Per-
ſonen auß den Aemptern zu caſſieren/ vnd hinfuͤro keine andere als Frantzoſen
mehr zu admittiren.

Sonſten waren die Brandenburgiſche Reutter vnangeſehen der Mar-
cheſe du Bois Daulphin jhn an allen Paͤſſen fuͤrwarten laſſen/ eben wol durch
vnd bey dem Printzen von Conde im Laͤger ankommen/ vnnd ſtattlich empfan-
gen worden vnnd doͤrffte er du Bois Daulphin noch die andere Koͤnigſche der
Printzen Volck weilen ſie jetzt ſo mechtig/ nicht mehr angreiffen/ immittelſt ſolle
die Koͤnigin verſcheidene Patenten außgetheilt haben/ vmb eheſt in die 15000.
Mann an zu nehmen.

Die juͤngſt auß Londen melden/ daß durch die verhafftung deß Graffen
von Sommerſet noch taͤglich mehr ſelzame Sachen entdeckt werden/ vnd ſolle

in ſeinem Hauß ein groſſer Geltſchatz/ etlich ſchreiben wol von 100. Tonnen
Golts gefunden worden ſey/ darvon man eheſt weitere Vmbſtaͤnde gewertig.

Als Herr Graff Ernſt Caſimir von Naſſaw deß Braunſchweigiſchen
Weſſen halben mit Jhrer Printzen Excell. vnd den Herrn Staden eins vnnd
anders abgered/ iſt er kurtz darnach eylents fort auff Wolffenbuͤttel zu ſeinem
Herrn Schwager verreyſt/ man verhofft daß daſelbſt ein guter Accord ſoll ge-
troffen werden. Interim haben die Harn Staden auch in eyl ein Curir zum
Printz Heinrich Friederichen geſchickt/ jhnen zue ruck zu fordern.

Kuͤnfftigen Mittwochen iſt in dieſer Vnirten Landten ein allgemeiner
Bet vnd Faſtag zu halten beſtimbt vnnd mit groſſem Ernſt menniglich anbe-
fohlen worden/ darnach ſollen die Hollaͤndiſche Landſtaͤndt allhie wider zuſam-
men kommen von allem zu zutractiren.

Vor wenig Tagen iſt die Moſcawitiſche Bottſchafft wider von hier
nach Franckreich verruckt vmb daſelbſt jhre Werbung auch abzulegen/ wird
aber jetzto in einer vnbequemen Zeit dahin kommen/ ſcheint nit daß ſie hier auch
viel außgericht haben.

Auß Coͤlln vom 10. Decemb. 1615.

Wir haben mit vnſerm Juͤngſten vermeld/ wie die Statt Braunſchweig von dem
Hertzogen wider verlaſſen/ vnd wie die Stadiſchen/ die Veſtung Stoltenaw eingenom-
men/ Jetzt haben wir Zeitung/ daß ſie etliche Ampthaͤuſſer ſo zu dem S[ti]fft Hildeßheim
gehoͤrig/ aber in deß Hertzogen Hand geweſen/ auch eingenommen haben/ bleiben alſo
noch der Orthen liegen/ laͤßt ſich anſehen/ als wann ſie jhr Winterlaͤger daſelbſt halten
wo[ͤllen] Willen der Hertzog vermerckt/ daß die Haͤnſeeſtaͤtt naher Halberſtatt nit folgen
woͤllen/ hat er ein newe Zuſammenkunfft vff Helmſtatt angeſtellt/ in Hoffnung ſie wer-
den dahin erſcheinen/ damit ein endlicher Vergleich moͤchte getroffen werden/ Wie ich
aber auß Braunſchweig bericht/ wird es ſchwerlich geſchehen koͤnnen/ weilen die Con-
fœderirte Hanſeeſtaͤtt Deputirte ſich in der Statt Braunſchweig befinden/ ſich mit dem
Hertzog von Luͤnnenburg/ vnnd Graff Friederich von Solms als jhre Obriſten zu be-
Rahtſchlagen was jhnen weiters gegen den Hertzogen vorzunehmen dienlich/ auch jhr
Noffurfft auffs Papier zu bringen/ was ſie gegen den Hertzogen in dieſen Kriegsleuff-
en weiters vorzunehmen.   Auß Hamburg. Von newem dißmal wenig/ als daß der
Koͤnig in Dennemarck gar vnrichtig auff die Haͤnſeeſtaͤtt/ weiln ſie J. M. durch je volck
ſo groſſen deſpect in abnehmung ſeiner Bagagien/ bewieſen haben/ wan jme ſolches nit
wider reſtituirt/ wil er ſich wider rechen/ wo er kan oder mag. Die ſaͤmptliche Haͤnſeeſtaͤtt
ſampt der Herrn Staaden abgeſandten/ befinden ſich noch zu Braunſchweig beyſam̃en
ſollen dem Hertzog ſcharpffe puncten vorhalten/ wo Er ſolchem nicht nachkommen wuͤr-
de/ doͤrffte es wider zum offentlichen Krieg kommen. Der Hertzog befuͤrcht ſich/ es moͤchte
Wolffenbuͤttel belaͤgert werden/ es liegen zu Riemershauſen 20. Fahnenvorck/ wie auch
in Marmoroth 18. Fahnen/ Der Haͤnſeeſtaͤtt vnd deß Hertzogen volck ſtreiffen bißweilen
zuſam̃en/ thut aber kein theil dem andern nichts/ ſondern alles einer dem andern paſſirn.

Der Rittmeiſter Quadt von V[…]ſengarten/ ſampt mehr andern Capitainen ſo in
des Hertzogen Beſtallung/ vnd doch eine geraume Zeit im Bergiſchen Land ſich auffge-
halten/ ſeynd mit jhrer Reutterey nach Wolffenbuͤttel […]etirt worden/ vnbewuſt aber zu
was End/ doch ſoll es wegen der Bezahlung ſeyn/ andere aber meynen/ der Hertzog
ſoll was anders mit jhnen vorhaben/ weilen ſie viel zu lang außgeblieben/ den Effect gibt
die Zeit. Auß Franckreich hat man/ daß ſelbiger Koͤnig gewiß vff S. Thomas Tag zu
Pariß wird ankommen/ vnd wil man auch vor gewiß halten/ daß der Koͤnig alle Buͤnd-
nuſſen ſo er mit allen Außlaͤndiſchen Potentaten/ ſo wider die Catholiſche Religion ſeyn
gehabt/ auff gekuͤndigt habe/ Derowegen er nachmals an die Staden geſchrieben/ daß
ſie jhme die 2. Frantzoͤſiſche Regimenten ehiſt wider zu ſenden ſollen/ was nun der Tuͤr-
ckiſche Keyſer/ die Venetianer/ die Staden vnd andere hierzu ſagen werden/ gibt die Zeit

Sonſt will auch verlauten/ daß der Duca di Longouille mit dem Koͤnig ſich ver-
glichen/ daß es daran ſtehe/ daß ſich die andern auch wol in den Gehorſamb werden ein-
ſtellen/ zu welchem End/ der Koͤnig von Engelland groſſen Fleiß angewendet/ damit hin-
fuͤrs vnſchuldig Blut moͤchte verſchonet werden.

Auß Engellandt hat man/ daß daſelbſt in den Staͤtten hin vnd wider viel geſchri-
den Zettel auff den Gaſſen außgeſtrewet worden/ welche die Gemeine auffruͤhriſch ge-
macht / vnnd gegen den Koͤnig ſtarck rebelliert/ daß alſo ein groſſer Tumult entſtanden/
welchen der Koͤnig nicht wol ſtillen koͤnnen/ wie daſſelbe nun ablaufft gibt die Zeit. Son-
ſten hat man vor etlich Tagen etliche Conſpiranten/ gefaͤnglich eingezogen/ wie es denen
ergehen wird/ werden ſie vernehmen.

Weilen der Koͤnig von Dennemarck vor Braunſchweig hat muͤſſen vffziehen/
ſoll er den Staden/ wie auch der Statt Luͤbeck offentliche Feindtſchafft habe zugeſchrie-
ben/ derwegen er ſich deß Sund befoͤrchte/ daß die Staden jhme denſelben moͤgten ab-
ringen vnnd einnehmen/ derohalben hat er die vor zwey Jahren mit den Koͤnig von
Spanien angefangene Buͤndnuß nun concludirt/ daß alſo der Koͤnig von Spanien
dem von Dennemarcken jhme in Zeit der Noth/ wie auch der Koͤnig in Engellan mit
Schiffen gegen der Hollaͤnder Vornehmen beyfallen werden/ vnd alſo mit dieſer Gele-
genheit die beyde Koͤnigen Spanien vnd Engellandt noch beſſerer Freundſchafft ma-
chen werden.

Von Bruͤſſel wird geſchrieben/ als der Ertzhertzog Maximilian da angelangt/
hat man Jhrer Durchl zugefallen/ allerhand Frewdenfewer angeſtellt/ die Papagay
geſchoſſen/ 2. Compag. Soldaten gegen einander ſcharmuͤtziren laſſen / folgendts das
Geſchuͤtz vberall loß gebranndt. Etlche Tag hernacher iſt Ertzhertzog Albertus ſampt
der Infantin mit dem Ertzhertzogen Maximiliano nach Antoff verreiſt/ das Caſtell vnnd
vas allda ſonſt denckwuͤrdiges zu beſehen/ Wie verlaut/ ſolle Jhre Durchl. auch ſ[…]o
nach Oſtenden vnd Flandern reiſen/ ſelbige Orter auch zubeſichtigen/ vnd dann wider-
umb vff Bruͤſſel kommen/ Wie man vernimpt/ ſoll die Reiß nur den Ertzhertzogen Al-
bertum zu beſuchen angeſehen ſeyn. Der Comte du Boucquoy aber ſolle von Jhrer
Majeſt. befelch haben/ gegen kuͤnfftigen Fruͤhling Volck zu werben/ weilne Jhre Fuͤrſtl.
Durchl. Jhrer Kayſerl. Majeſt. allbereit verſprochen/ alle Staͤtt vnd Veſtungen ſo dem

Spinola in die Guͤlchiſchen Fuͤrſtenthumben eingenommen/ widerumb als Sequeſtra-
torn ſelbigen Landten einzuraumen. Vnd da die Brandenburgiſchen oder Stadiſchen
ſolches nicht guͤtlich thun wollen/ wird es vnfehlbar kuͤnfftigen Sommer mit Gewalt
werden. Zu Duͤſſeldorff hat man dieſe Wochen wegen deß jungen gebornen Herrn zu
Newburg groſſe Freudenfeſt angeſtellet/ zwey fuder Wein auff den Marckt gefuͤhrt/ vnd
den Soldaten vnd Buͤrgern zum beſten geben/ daß Geſchuͤtz 3 mahl loß gebranndt/ wie
auch die Soldaten 3. mahl jhre Mußqueten loß geſchoſſen/ vnd alſo wegen deß jungen
Herrn/ viel Freud im ganzen Land iſt.

Auß Rom vom 21. Novemb.

Sontags iſt deß Giaponiſchen Ambaſſators Secretari allhie zu S.
Johan Laterano getaufft/ welchen der Cardinal Borcheſe im Namen deß
Pabſt auß der Tauff gehoben/ jhme ein ſtattliche guͤldene Ketten und ein Creutz
mit Diamanten verſetzt gegeben worden/ Montags hatte gedachter Ambaſ.
den Sig. Franc. Borcheſe Dienſtag den Venediſchen Ambaſ. vnd Donner-
ſtag den Conſtable Collonna beſucht vnd von jhnen ſtattlich banchetirt.

Auß Venedig vom 27. Dito.

Meylaͤndische Brieff bringen/ derſelbe Gub. Heute vom Senat vnnd
Magiſtrat allda ſeinen Abſchied genommen/ vnnd erſtes Tags zuverreiſen/
dann der Don Pietro di Toledo vff 19. diß zu Finale ankommen deme werden
faſt alle Jtalianiſche Herrn auff den Weg beſuchen.

Auß Leuante hat man daß 2. groſſe Vertoni von Thuͤnis bey Modon
vnd Corron ſich ſehen laſſen/ welche vff den Gallion Narenzer ſo auß Soria
reich geladen hiehero kommen/ gewartet denen aber ſeynd hieſige groſſe Gallern
entgegen gefahren/ Die Mainotten hetten in 20. Tag nach einander mit den
Tuͤrckiſchen Scharmitziert/ deren in 300. erlegt/ deß Generals Baſſa Vetter
vnd Secretari gefangen/ vñ alſo die Tuͤrcken gezwungen von dañen zuweichen.

Auß Conſtantinopel wird geſchrieben der Perſianiſch Amb. werde jentzt allda
gleichſamb gefangen gehalten/ vnnd habe der groß Tuͤrck demſelben auch 40 Ballen
Seyden arreſtiren laſſen/ will gantz keinen Frieden tractiren/ habe denn alle eingenomme-
ne Orther wider/ entgegen geſtehet jhme der Perſianer nichts/ vnder deſſen iſt der Frie-
den mit dem Koͤnig in Polen beſtettiget/ vnd dem Baſſa von Offen befelch geſandt wor-
den/ die Differenz zwiſchen Keyſ. Majeſt. zu vergleichen/ der Primo Vezier befind ſich
in Alepo/ erwartet allda des Tributs vmb die Soldaten zu bezahlen.

Aus Prag vom 28. Ditto.

Vorgeſtern nach Mittag ſeyn Jhre Kayſerl. Majeſt
vnd die Keyſerin wider anhero gelangt/ ſollen aber nach dem H. Drey Koͤnig Tag wann
die Kroͤnung mit der Kayſerin fuͤr der nach Oeſterreich vnd Praͤßburg vereyſen/ daſelbſt
einen Hungariſchen Landtag zuhalten/ Herr Secretari Arnold iſt dieſer Tagen ins
Reich forth gereiſt/ Herr Obriſter Lucan wird erſt kuͤnfftige Wochen forth.

Auß deß GraffenHaage/ vom 8. Decembr. 1615.

DJe juͤngſte ſeithero letzt auß Franckreich kommen/ melden daß zu Font Arabia
in Biſcaya die Eſchange oder abwechſelung der Koͤnigl. beyden Hochzeyceri-
nen mit groſſem Pracht beſchehen/ Vnd wie jetzo verlaut/ ſolle der Hertzog von
Buiſe mit dero von Spania ſchon vff dem Frantzoͤſiſchen Boden arrivirt ſeyn/ vmb wo
moͤglich nach Bordeaux zum Koͤnig zukommen/ Die Printzen aber hatten inmittelſt zu
Bayona vnd andern orten darnechſt gelegen/ ſtarcke beſatzungen gelegt/ Wie dann deß
Duca de Roans Bruder ſich mit in die 6000. Mann von der Religion zwiſchen Ba-
yona vnd Bordeaux gelegt/ die dahinkunfft deß von Guiſe mit der Spanniſchen Prin-
ceſſin/ wo muͤglich/ zuverhindern/ waran beyderſeits viel gelegen.

Der Mareſchal du Bois Daulphin war mit ſeinem volck der Printzen Heer ziemblich
genaͤhert/ derffte aber nichts dargegen anſahen/ noch mit jnen einig treffen halten/ ſon-
dern biete ſich immer zu in ſeinem vortheil/ vnd weiln ſeine Leut ſpuͤrten/ daß die Printzen
ſo maͤchtig werden/ vnd alle Staͤtt vnd oͤrter ſo ſie einbekommen/ beſetzten/ vnd theils ver-
ſtaͤrcken theten/ lauffen alſo viel von jm ab/ vnd jenen zu. Der Duca de Vendoſme war
auch im werck/ etlich 1000. Mann anzunehmen/ man wuͤſte aber nit eygentlich/ obs vor
den Koͤnig oder vor die Printzen war. Der Mareſchal d'Ancre hatte an etlichen Staͤt-
ten/ vnd vornemblich an die von Paris eine Gelthilff erſucht/ vmb Kriegsvolck anzune-
men/ aber ſchlechte vertroͤſtung bekommen.

Man ſagt auch der Koͤnig zu GroßBritannia habe newlich wider an die Herrn Sta-
den geſchrieben/ vnd de nouo ſtarck vff effectuirung des Sandiſchen Vertrags drin-
gen thete weiln Jhre Maytt. ſich darbey ſo ſehr grauirt befinden thete/ dan weiln die Spa-
nier darauff ſtehen/ daß die Herrn Staaden erſt die Guͤlchiſche Landt ſolten verlaſſen/
vnd daß ſie darnach deßgleichen zuthun auch willens/ dachte Jhre Maytt. vmb alle ferr-
nere vnheil vorzubawen/ daß man dieſer orten ſo viel wolte zugeben/ vnd die erſte ſein/ ge-
lobend/ daß die Spanier darnach es auch thun ſolten/ Sollen aber das contrarium er-
weiſen/ vnd derwegen dieſer vnd anderer vrſachen halben ſehr bedencklich ſolches jetziger
zeit einzugehen. Auß Brabandt haben wir/ daß der Marquis Spinola ſich widerumb
zum Eheſtandt begeben/ wie er dann das Beylaͤger mit der Tochter des Duca d'Aumale
zu Bruͤſſel ſtattlich gehalten/ alldar auch ErzHertzog Maximilian mit groſem Pracht
iſt ankommen vnd empfangen worden.

Der Hollaͤndiſchen Ritterſchafft vnnd Staͤtte deputirte/ ſeind jetzt in ſtarcker Anzahl
allhier erſchienen/ kommen taͤglichs zu Rath/ ſollen wichtige ſachen zudelibetiren haben/
von der heraußkunft des Printzen Henrichen/ mit ſeinem vnderhabenden Kriegsvolck
auß dem Lande zu Braunſchweig/ Der Bett: vnd Faſtentag allhier zu Lande iſt mit groſ
ſem eyffer vnnd andacht gehalten worden/ wobey man im gebet ſonderlichen der benach-
barten betraͤngten Landen von Cleve eingedaͤchtig geweſen/ die Kirchen ſein gedrungen
voller volcks geweſt. Jn Engelland iſt ein Schiff von Ambſterdam auß OſtJndien ein-
geloffen/ welches die ſalvirte Guͤter geladen/ ſo auß den letzten Schieffen bey der Jnſul
St. Helena geblieben/ noch errettet worden/ dieſes Schieff hatte vnderwegen auch groſſe
gefahr auß geſtanden/ dann die Maſtbaͤume ſchon niedergehawen geweſt.

Auß Coͤlln vom 17. Decemb. 1615.

Newes dißmal gar wenig/ weilen es dieſer Orten ganz ſtill/ allein haben wir daß
das Staadiſch Kriegsvolck wider von Braunſchweig zu ruͤck kompt/ vnd allbereit vmb
Hanouer vnnd Stifft Paderborn liegen/ thun vberall groſſen Schaden/ wie verlaut hat
der junge Printz Graff Henrich Friedrich mehr als 4. Tonnen Golts werth auß dem
Braunſchweigiſchen Zug bekommen/ ſo jhme theils an guͤlden Ketten vnnd anders ver-
ehrt/ theils von den Edelleuten/ Staͤtten vnd Bawren/ vnd ſtehet zu beſorgen/ daß ſie
es darbey nicht werden bleiben laſſen/ ſondern das gantze Land Branndtſchaͤtzen vnnd
außmaͤrgeln werden/ wie es dann allbereit im Werck/ daß ſie etlich tauſendt Mann in
das Landt von Berg einquartiren/ vnd das Winterlaͤger darinn halten werden/ vnd alſo
vnder dem Prætert die eingenommene Orth ſo wol in der Graffſchafft Ravenſpurg als
andere zubeveſtigen/ haben auch ſchon alle Schiffung mit welchen man an allen Fah-
ren vber Rhein fuͤhrt/ ſo diſſens Rheins halben abgefordert/ daß mans zu jhren Dien-
ſten vff die Bergiſche Seith fuͤhren ſoll/ Wie dann die von Cuͤlsdorff allbereit etliche vff
diſſeits Rheins mit Gewalt genommen vnd dorthin gefuͤhrt/ damit ſie jhres Gefallens
vber Rhein ſetzen/ vnd den Kauff- vnd Wandersleuten hin vnd wider auff den Dienſt
warten/ wie ſie in dem Braunſchweigiſchen Zug auch gethan/ daß kaum ein Haußman
ein par alter Schuh an Fuͤſſen behalten koͤnnen/ laͤſt ſich anſehen als wann die Staaden
ſich ein Monarch der gantzen Welt machen woͤllen/ dann daß Guarniſon von Guͤlch ſich
vnderſtehen das gantze Landt vnder Jhr Joch zu bringen werden des Nachts außgelaſ-
ſen rauben vnd pluͤndern dermaſſen/ daß kein Edelmann oder Bawer ein Kuh/ Kalb/
Schaaff/ Huͤner oder Gaͤnß behalten koͤnnen/ muß gleichwol heiſſen daß es daß Span-
niſch Kriegsvolck gethan hette/ Jſt aber doch gewiß/ weilen ſie wol bezahlt werden/ daß ein
ſolch ſcharpff Regiment daruͤber gehalten wird/ daß keiner auß ſeinem Quartier ohne
Erlaubnuß gehen muß.

Weilen das Geſchrey erſchollen/ daß das Staadiſche Kriegsvolck die Ampter
Blanckenburg/ Windeck ſtarck beſetzen vnd beveſtigen woͤllen/ vnd alſo nichts mehr auf
die Neutraliter geben/ wie dann der Augenſchein bey der Graffſchafft Rauenſpurg ge-
ben thut als hat man nicht allein zu Maſtricht ſondern auch zu Aachen Duiren vnd al-
len andern Orthen/ wo Spaniſch Kriegsvolck ligt/ die Guarniſonen theil herauß ge-
nommen/ vnnd allernechſt dem Rhein da es von noͤthen/ als Duͤſſeldorff vnnd andern
Orten ein ſuriert in Meynung da die Staadiſchen etwas weiters attentiren wuͤrden/ de-
nen den Kopff zu bieten/ daß man alſo nicht zweiffelt/ es wird kuͤnfftigen Sommer ohne
Krieg nicht abgehen

Von Bruͤſſel hat man daß der Ertzhertzog Maximilian nicht allein von Jhrer
Fuͤrſtl. Durchl. Ertzherzogen Alberto vnd der Infantin ein groſe Ehr bewieſen/ ſonder
auch allenthalben in Staͤtten beſchicht/ vnd ſolle Jhre Fuͤrſtl. Durchl. ſich wider auff
die Reiß begeben woͤllen/ vnd den Churfuͤrſten von Coͤlln zu Bohn beſuchen / zu welchem
End groſe Præparation gemacht wird/ vnnd helt man nicht darvor/ daß dieſelbige auff
Duͤſſeldorff kommen werden/ wie vor dieſem geſchrieben.

Auß Franckreich hat man/ daß die Infantin auß Spanien zu Bordeaux ange-
langt/ vnangeſehen die Printzen in Berrii vnd andern Orthen ſich gelaͤgert/ vnnd wie ver-

laut ſoll der Printz von Conde bey den Hugenotten ſo viel erhalten haben/ daß ſie den
Duca de Roan zum Felt Obriſten gemacht/ vnd ſich alſo zu jhm geſchlagen/ vnd ſolle ge-
melten Roans Bruder Monſ. di Saubiſi allbereit 6. Regiment Fußvolcks beyſammen
haben/ vnnd willens ſeyn/ damit vber die Garone zuſetzen/ moͤchte es alſo wol ſeltzam ab-
lauffen wo nicht der Mangel an Gelt ſeyn wird.

Von Braunſchweig wird mir geſchrieben/ daß die Sachen in bonis terminis ſte-
hen/ vnd moͤchten die Haͤnſeeſtaͤtt im Namen der Statt Braunſchweig / wol ein ewigen
Frieden erhalten/ oder ſonſten ein ſtattlichs/ daß ſie alſo ins kuͤnfftig keines Kriegs zube-
fahren werden haben/ verrichten.

Auß Giffhorn vom 7. Decembr.Demnach der ſamtlichen Haͤnſeeſtaͤt depu-
tirte von den Buͤrgern in der Statt Braunſchweig mit 3000. Mann eingeholt worden
haben ſie einen Trommeter nach Wolffenbuͤttel geſandt/ endliche Reſolution vom Hert[o]-
gen [z]uvernehmen / ob er ſein volck gar abfuͤhren/ zum Frieden verſtehen wolle oder nicht/
im widerigen/ jhr volck Jhne zu Wolffenbuͤttel heimſuchen werde/ Jhr F. G. aber haben
ſich zum Frieden erklaͤrt/ auch alsbalt das volck ſo zwiſchen der Statt vnd Wolffenbuͤttel
in der groſſen Schantz vnd zu Rittershauſen gelegen/ ab vnd nach Hanower vnd ander
orten ſeines Lands fuͤhren laſſen/ vnd ſeine Geſandten in das Cloſter eine halbe meil von
der Statt Braunſchweig/ allda der anfang zur tractation gemacht/ ſolle auch bereit der
Hertzog etlich vorgeſchlagene Puncten eingangen ſein/ dahero man hofft es ſolle alles
zum guten frieden kommen. Die Schantz ſo der Hertzog vor der Statt auffwerffen laſſen
befeſtigen die in der Statt zu jhrem Vortheil/ iſt ſonſt ein groſſer Jammer in der Statt
zuſehen/ wie Thor/ Thuͤrn vnd Haͤuſer ſo zerſchoſſen/ ſeynd jetzt viel Reutter vnd Fuß-
volck darinn/ vnd zimblich muttwillig/ vnd ob woln jhnen vnter der Tractation ſehr ver-
botten iſt/ nicht mehr auß zu fallen die Leut zu beſchaͤdigen vnd zu brennen/ Reitten ſie
doch taͤglich hauffenweiß auff die Futterung hinauß/ vnnd nemmen mit was ſie bey deß
Hertzogen Vnderthanen bekommen/ welches man jhnen nicht wehren kan/ dann fuͤr
eine ſolche groſſe Anzahl Pferdt in der Statt mangel an Futterung iſt/ vnnd iſt im
Landt ein groß Elend/ etliche Doͤrffer ſeynd gar oͤd/ theils auch wie der Flecken Wending
gar biß auff die Kirchen abgebrandt/ nit weniger thut auch daß Stadiſch Volck ſchaden
ſo auch nicht wider zuruͤck wolle/ es ſey dann beſtaͤndiger Frieden gemacht.

Auß Wolffenbuͤttel/Den 22. diß/ iſt der gefangene Graff von Solms in der
Kirchen in einem gar ſtattlichen Habit/ vnd zween ſeiner Diener hinder Jhm her/ gewe-
ſen wird gantz nicht mehr bewacht/ ſondern taͤglich mit 16. Eſſen/ auß ſilbern Schuͤſſeln
geſpeiſt.

Auß Rohm vom 20. Novemb. 1615.

Allhie iſt ein Boͤhmiſcher Herr ankommen/ wegen Keyſerl. Majeſt. mit dem Bapſt
wichtige Sachen zu tractiren/ der ſoll gleichfals in Spania verreyſen.

Von Bordeos hat man/ dieſelbe Statt/ vnd der Mareſchal de Roccalaura haben
der Koͤnigin in Franckreich jedweder 200000. Kronen præſentirt/ vmb 12000. Mann
zu Fuß/ vnd 2000 zu Roſſz zu werben/ damit allbereit ein Anfang gemacht/ dem Duca di
Vandome das Commando vber 6000. dem Condi 2000. Duca di Rez 2000. Conte
di Candal 2000. Monſ. della forza 2000. Mann geben worden/ das Geſchrey gienge/

es werden 30000. Mann geworben werden/ vnd deren 1000. in Bordeaux gelegt werden
das vbrige ſolle mit nach Franckreich ziehen/ vnd gegen die Printzen zu dienen/ dann Jh-
re Mayeſt. ſolten biß dahero von keiner Vergleichung haben hoͤren woͤllen.

Auß Venedig vom 4. Decemb.

Mittwoch Morgens iſt von den 41. der Excell. Sig. Gio Bembo Procurator
von S. Ma[r]x zum Hertzogen allhie erwehlt/ vnd Geſtern mit den gewoͤhnlichen Ceremo-
nien gekroͤnt worden/ jetzt wird man in der gantzen Statt allerhand Frewdenfeſt anrich-
ten/ ſonſten werden 2000. außlaͤndiſche Soldaten geworben/ welche neben noch andere
10. Compagnien/ mit allerhand Nothwendigkeiten nach Terra ferma geſandt worden.

Von Genua wird bericht/ der Duc Pietro di Toleto waͤre vff 21. Novemb. von
Finale nach Meyland vffgebrochen/ der hab ſich erklaͤrt gantz keine Præſenten anzuneh-
men/ wie er denn allbereyt zu Oneglia gethan/ bringt Wechſelbrieffen/ vnd bar 30000.
Kronen mit/ ſolche allein dem Stado zu nutz außzutheilen.

Von Palma kompt Auiſo, die Ertzhertzogiſchen wehren vnder dem Conde di
Sdrino vnd Baron Petazzo 3000 zu Roſſz vnd 600. zu Fuß in das Nanfalcaniſch Ge-
biet eingefallen die 5. Doͤrffer/ Selz, Vermino, Ranedis, Redepaito, vnd Polazzo ab-
gebranndt/ vnd ſich mit einer ſtattlichen Beuth nach Hauß begeben/ ſollen vff den Gren-
tzen bey Iſtria auch groſſen Schaden gethan haben

Auß Wien vom 29. Novemb.

Geſtern ſeynd die Keyſerl. Herrn Commiſſarien in vergleichung Herrn
Collonitſchen/ vnd Obriſten Tieffenbach beyſammen geweſt/ jhr verrichten iſt
vnbewuſt. Jetzt vernimbt man die Herrn geheime Keyſerl. Raͤth hetten die Com
miſſarien von Kiehrment (So inmittelſt weilen die Tuͤrcken mit Vnwillen dar-
von gezogen: nichts tractiren koͤnnen.

Auß Prag vom 6. Novemb. Hertzog Wolffgang Wilhelm von New-
burg hat Jhrer Mayeſt. auiſirt/ daß er einen jungen Herrn bekommen/ Es ver-
laut Jhre Kayſerl. Majeſt. die Keyſerin/ Koͤnig in Spania vnnd andere hohe
Potentaten zu Gevattern erbetten ſeyn/ vnnd wird hieſige Spaniſche Bott-
ſchafft ein Geſandten daſelbſt abfertigen.     Herr Secretari Arnoldin iſt von
hier/ theils Staͤndten in Fraͤnkiſchen vnd. Rheiniſchen Kreyß die alten Reſtan-
ten der vorigen Reichs Contributionen einzubringen.

Auß Newburg/ Sontag iſt hieſige Kindtauff gar ſtattlich gehalten/ das
Geſchuͤtz vff den Paſteyen loß geſchoſſen/ vnd 2000. Mann in Ruͤſtung mit
ſtehenden Fahnen vffgefuͤhret worden.    Herr Biſchoff zu Dillingen hat den
Jungen Printzen getaufft/ welcher Philip Wilhelm genannt/ vnd Jhme vom
Koͤnig in Hiſpania/ bis er 10. Jahr alt/ jaͤhrlich 6000. Cronen durch wechſel ver-
ſprochen worden.    Der Biſchoff von Anſtatt/ der alte Hertzog Wilhelm in
Beyern/ haben ſich auch alhier befunden/ Aber Hertzog Maximilian nicht/ doch
ein gantz guͤldene Gießkandel vnd Becken/ der Hertzogin ins Kindbeth verehret.

Auß deß Graffenhagen vom 22. Januarii 1616.

MJt jüngſten auß Pariß wird jetzt geſchrieben/ daß vff inſtändig forttrei-
ben/ der groß Britanniſchen/ Päbſtiſchen vnd anderer Geſandten/ bey
dem Printzen von Conde die Sachen ſo weit gebracht ſeyen/ daß er ent-
lich ſeine Geſandten vff beſtimbtes Ort/ da der König auch die ſeinige haben
würde/ geſtallt daß man nun nicht zweiffelt/ Es würde beyderſeits zum Ac-
cord kommen/ doch die Printzen tringen eben wol ſtarck auff die ab- vnnd weg-
ſchaffung der angeklagten Perſonen/ vand daß die jenigen/ ſo an deß Königs
Henrici 4. Todt ſchuldig/ geſtrafft möchten werden/ vber welche Puncten man
jhnen verheiſen/ in ob gemelter Beyſammenkunfft alle mögliche Satisfaction
zugeben/ dann Jhr Mayeſt. nun ſonderlich zum Friden geneigt/ die Printzen
aber wolten mit keinen verdächtigen Commiſſarien/ ſondern mit den ältiſten auß
Jhrer Mayeſt. Raths Mittel/ von dieſer Sachen handlen/ worzu dana Jhre
Mayeſt. den Herrn Villeroy vnd Præſident lanni benannt.

Auß Engellandt verlaut/ daß neben dem Sommerſet/ als vornembſte
Complicen/ vff 19. diß/ ſollen examinirt worden ſeyn der Obriſt Schatzverwal-
ter Vice Admiral vnd andere/ Interim war Jhre Mayeſt. etliche Meylen ins
Landt verruckt/ vnnd begerte der Execution obgemelter Perſonen nicht beyzu-
wohnen/ vnd weilen Jhre Mayeſt. de nouo an die Herrn Staden vnd Seine
Excell. geſchrieben/ ſeynd dieſelbige vor etlich Tagen wider lang im Rath bey-
ſammen geweſen/ vnd darüber gerathſchlagt/ man meynte daß die Parlamen-
ten ſo erſt Tags zu Londen erſchienen vnd gehalten ſollen werden/ ſich auch ei-
nes andern reſoluiren möchten/ der Leutenampt von Flieſingen/ ſolle dieſer Vr-
ſachen halben nach Engellandt geholt ſeyn/ weilen er die Brieff ſo Sommerſet
Jhme von Brüſſel zuſchicken/ zugefertigt/ dahin ſpedirt hette.

Vergangenen Donnerſtag iſt alles das Kriegsvolck in dieſen Landten
wie auch Jhrer Excell. Guardia allhie gemuſtert worden/ worauß erſcheinet
daß wider etwas obhanden ſeye/ vnd hat ſich der junge Fürſt von Holſtein (da-
von vor dieſem gemelt) auch ein Zeitlang an Jhrer Excell. Hofe begeben.

Die Herrn Staaden haben jetziger Zeit gar viel Kupffer auß Schwe-
den vnd andern Orten her zu Lande bringen laſſen/ diß vorhabens in die 3000.
Stück gieſſen zulaſſen/ deren 1000. in den Stätten vnd Veſtungen/ vff die
Gräntzen 1000. in die Zeughäuſer vnd der Reſt fort vff die Schiff/ vnnd ins
Fellt ſollen vertheilt vnd gebraucht werden.

So ſeynd die vorige Wochen auch von Delfft etliche Schiff mit Ha-

cken Schuppen/ vnnd andern Bereitſchafften/ hinauff nach Emmerich vnnd
Reeß geſchickt/ nicht allein ſelbige Stätt noch mehr zubeveſtigen ſondern auch
die Schantz gegen Rieß vber auffzumachen.

Sonſten ſeynd ohn längſt zu Ambſterdam/ vor den von Brandenburg
in die 400000. Reichsthaler durch Wechſel vbergemacht.

Jn Oſt Frießlandt ſeynd durch jüngſte Tempeſten etlich Teichen durch-
gangen/ viel Menſchen vnnd Vieh erſoffen/ vnd vnwiderbringlichen Schaden
beſchehen.

Auß Rom vom 9. Januarii/ 1616.

Mittwochs hatt man den Japoniſchen Geſandten mit ſieben ſeiner
fürnembſten Herrn offentlich geadelt/ vnd zu Römiſchen Bürgern vff Bewil-
ligung deß Raths angenommen/ vnd wird künfftigen Donnerſtag von hinnen
verreiſen/ vnnd ſeinen Weg vber Florentz nehmen/ der iſt auff die Raiß zur
Zehrung/ mit Gelt gnugſamb verſehen/ auch von dem Papſt ſchöne Præſen-
ten/ als etliche ſilberne Creutz mit reliquien auch ſonſten ſchöne gemahlte ſtück
vnnd dergleichen vnd wegen des Königs in Hiſpanien ein Stück vom heiligen
Creutz in einem ſchönen Geſchirr verehrt worden.

Auß Hiſpania hat man/ deß Doriæ Galleren weren für den Spinola
700000. Cronen abzuholen/ nach Barceilonam abgelauffen.

Auß Venedig vom 15. ditto.

Zu Genua iſt ein Weib gefangen eingebracht worden/ die dem Savoyer
den Portum Mauritium vnd Vinci Onegliam verrahten wöllen/ demnach ſie
die Schlüſſel zu denſelben Caſtelen gehabt/ derwegen ein Galleern abgeordnet
worden/ die ſo damit intereſſirt gefangen zunemmen.

Der Hertzog von Sauoia/ hat den Conte di Riuigliaſco nicht allein
hinrichten/ ſonder alle ſeine Güter confiſciren laſſen.

Von Palma hat man/ daß der General Parmerigo zu Cormons ſich
befinde/ allda den Muſterplatz zuhalten/ deſſen Volck daſelbſt herumb liegt/ ſo
iſt der Conte Sauargano mit 1000. Soldaten gegen den Paß Caurin paſſirt
die Ertzhertzogiſchen ſo mit 500. Soldaten daſelbſt liegen/ zu vertreiben.

Dienſtags hat man von Jſtria Auiſo bekommen/ daß 800. Ertzhertzo-
giſche Soldaten nach dem Territorio Tignan gezogen/ vnd ein groſſe Beuth
von Viehe bekommen/ vnnd am zuruck ziehen/ ſeynd ſie von 300 Corſis vnnd
vnd den Obriſten Leutenampt Attilio Zecchini angetroffen/ mit einander ge-
ſcharmützelt/ Dem Ertzhertzogen 180. geblieben. 20. gefangen/ 2. Fähnlein
der eroberten Beuth wider abgenommen/ vnnd ſeynd der vnſern gar wenig ge-

blieben/ nach erobertem Sieg/ haben die vnſern Trimin ein kleines Schlößleiu
auch ein genommen. Der Galbion Naranzer iſt mit reichen Wahren von So-
ria allhier ankommen/ der bringt Auiſo/ daß der General Vezier ſich nochin
Alepo befinde/ Sonſten ſey der Tartar Yſenbeck/ dem König in Perſia einge-
fallen vnd groſſen Schaden gethan.

Auß Prag vom 17. Januarii.

Weil die Venediger an Ertzhertzogen Ferdinandum ſtarck ſetzen/ auch
die Türcken jhnen aſſiſtiren/ ſolle J. K. M. auch Volck werben/ bevorab/ wei-
len ſich der Türck gegen Siebenbürgen vnd Lipps mit ſtarcker Macht zube-
geben/ vorhabens/ weilen die Polen jhnen Schaden gethan/ in Polen einzufal-
len: man beſorgt aber ſein Jntent vff ein anders angericht ſey/ vnd ein vornehmer
Ungeriſcher Herr gefangen auff Neuheuſel gebracht worden/ welcher zwiſchen
den Türcken vnnd Siebenbürgen groſſe Practicken angeſtellt haben ſolle/ So
iſt man auch im Werck mit den Stauderiſchen 4. Fähnlein zu accordiren/ vnd
zubezahlen/ hernach dem Hertzog zu Hülff zuſenden/ viel aber beſorgen/ weil man
mit der perſecution der Religion ein Anfang gemacht/ ob es nicht dahin ver-
meynt ſey.

Es verlaut Jhr Majeſt. werden bald wider nach Wien verrucken vund
Ertzhertzogen Maximilianum zum Statthalter allhie hinderlaſſen/ damit Sie
dem Ungerlandt/ vnd Ertzhertzog Ferdinando etwas näher ſeyn möchten. So
tractirt man zu Wien wider mit der Türckiſchen Bottſchafft/ das Gräntzwe-
ſen gar zu erörtern. Jnterim bleibt der Keyſerl. Abgeſandt/ vnd die Deputirte
noch allhie.

Weilen Nachrichtung kommen/ daß ein Portugäſiſcher Jud von Ham-
burg auß/ ein Anzahl Eiſenwerck/ Bley/ Pedarten/ vnnd dergleichen Kriegs-
munttion/ vnder einem Frantzöſiſchen Panier am Schiff/ dem Soldan nach
Conſtantinöpel zuführt/ Als hat man von Hof auß deßwegen einen Currir
nach Hamburg geſandt.

Auß Lawingen vom 12. Ditto.

Heut iſt ein Trommeter von Newburg
mit Mandaten anhero kommen/ welche er vnter werender Predigt/ an die Kir-
chen thür/ hernach an das Rathhauß geſchlagen/ vnnd obwoll der Rath darfür
gebetten/ darmit ſo lang einzuhalten/ biß jhre abgeordnete Herrn vom Landtag
wider zu Hauß kommen/ hat er doch darauff ſcharpffe Mandaten auffgezeigt.
Darwider aber der Raht proteſtirt/ in welchen Mandaten Jhre Fürſtl. Gn. die
Catholiſche/ neben der Euangeliſchen Religion alhie auch einzuführen begert.
Aus Newburg/ Vnſern Landtag betreffendt/ ſeyndt die Ständt noch

beyſammen/ vnd wil J. Fürſtl. Gn. keine Schrifft mehr von den Ständen an-
nemen/ ſondern handln jetzt miteinander durch die Rähte. Die Mandata ſeind
allenthalben in das Fürſtenthumb außgeſandt/ vnnd angeſchlagen/ auſſer was
die Herrn Gebrüder/ vnd Fraw Mutter betrifft.

Von Hamburg vnd andern orten auß Dennemarck/ wirdt der Schad
ſo der jüngſte Sturmwind gethan lenger je mehr beſtettigt/ daß nicht allein im
Land zu Holſtein vnd Dietmarſen vber die 45. Dörffer ſambt etlichen Marck-
Flecken in grund hinweg geführt/ wie man bereit vber die 800. Menſchen ohne
Roß vnd Vieh ſo auch ein groſſe anzahl ſoll gefunden worden ſeyn.

Auß Grätz vom 6. Januarij. 

Allhie iſt vorige wochen ein Fähnlein
Knecht geworben/ vnnd wider die Venediger fortgezogen/ darvber Graff von
Orttenburg Hauptmann/ vnd Herr Bartholomeus Keffenhüller Fendrich.

Auß vnſerm Läger haben wir/ daß die Venediger etlich 1000. zu Roß vnnd
Fueß werden laſſen/ vnd gegen Görtz etwas tentiren wöllen/ Aber der Herr von
Trautmans Dorff auff ſie außgefallen/ in die Flucht gejagt/ vnnd biß hinder
Palmam nachgeſetzt/ vnnd hat Herr Graff von Terſatz/ ſo gar ein Begiriger
Herr/ welcher mit eigner Handt 7. Venediger/ ſo Er gefangen/ nidergelegt/ vnd
dardurch ſich deß Schadens/ ſo ſie Jhme vor dieſem gethan/ zurächen.

Auß Wien/ vom 9. Ditto. Geſtern vnd heut/ ſein die Euangeliſche

Ständt/ im Landthauß beyſammen geweſt/ vnnd Keyſerl. Mandat/ wegen der
Euangeliſchen/ ſo Jhnen von den allhier hinderlaſſenen geheimen Rähten zu-
geſtellt/ berahtſchlagt/ wie ſolches wieder durch Jhre Mayeſtätt möchte auff
gehebt werden.

Auß deß Graffenhaage vom 8. Februarij. 1616.

DJe Brieff vnd Aduertentien ſo die vergangene Wochen auß Franckreich kom-
men/ lauten jezt gar diſferenter/ die eine meldten/ daß auff zween Monat An-
ſtlandt gemackt/ vmb jnnmittelſt die Vnruh daſelbſten zu ſtillen/ Andere aber
daß alles wider zurück gangen/ vnd daß des Königs Volck 6. Compag. Reut-
ter der Printzen vberfallen vnd geſchlagen/ Wornach der Duca de Roan alsbald 6000.
Kronen außgezehlt/ eylents wider ſo viel Reutter zuwerben.

So iſt vor Geſtern auch ein Edelmann vom Herrn Printzen von Vranien all'
hero gelangt mit Zeitungen/ daß die Sachen in Franckreich ſchon ſo viel als verglichen/
vnd ſollen die Officiter/ da die Printzen ſich ſo ſehr vber beklagen/ nemblich Duca de E-
ſpermon, Marſ. de Ancre der Cantzler vnd andere von Jhren Aemptern abgeſetzt wer-
den/ mit andere Sachen mehr/ Aber von beyden vorigen Puncten iſt noch keine feſte
Sicherheit zu melden/ diß wiſſen wir aber daß beyder theilen Kriegsvolck noch dapffer
auff ein ander ſtreiffen/ vnd Abbruch thun/ den rechten Grunde von allem/ erwarten wir
täglicks zuvernehmen.

Die Jüngſte auß Engellandt verlauten allein/ daß der Viceadmiral daſelbſten
nun auch gewiß gefangen ſey/ Aber von des Sommerſets vnd anderer außſage wird
noch nichts gemeldtet.

Dann wir auß Brabandt vnd ſonderlich von Breda geſchrieben wird/ ſolle ge-
gewiß ſeyn/ daß der Conte de Bucquoy in die 7. oder 8000. Wallonen annimbt/ vnd daß
neben denen/ dero Orten noch tauſend Pferdt ſollen geworben werden/ jnnwillens da-
ſelbſten imgleichen die Compag zuverſtrecken/ vnd theils Complet zu machen/ worzu
dann eine ſonderliche Kriegs Ordnung gemacht/ damit die Bezahlung hinführo etwas
richtiger beſchehe/ vnd meynte man vor gewiß/ daß die Spanniſche willens die Oert
in den Gülgiſchen Landten ſo die Staadiſche beſitzen Jhme mit Gewalt abzunehmen/
vnd alſo conſequenter zu brechungen der Tregua gnugſame Vrſach zu geben.

Die Spanniſche Soldaten ſo vor dieſem zu Dünzkürchen angelangt/ wahren
wol vber die halbſcheid verſtorben/ geſtallt daß man zu Antorff in die 600. Kleydungen
offentlich vor ein gar geringes verkaufft gehabt/ der halben dann in Hiſpanien neun
Volck geworben wart/ vmb nach Flandern zu ſenden.

Jhre Excell. ſampt die vom KriegsRaht haben alle ab- vnd außweſende Obriſte
vnd Capitainen bey groſſer Pen geſchrieben/ ſich eylendts wider nach Jhrer Compag.
vnd Guarniſonen zu begeben/ vnd ſtehet darauff daß alle der Herr Staaden Campag.
ehiſt auch ſollen verſterckt vñ in voller Anzahl gebracht werden/ möchte alſo das Schaf-
ſcheren dermahlen bald wider angehen.

Auß Coͤlln vom 18. Februarij.

Vor dißmal haben wir ſonderlich nicht viel Schrifftwürdigs/ als man gentzlich
verhofft/ daß die Strittigkeiten zwiſchen dem König in Franckreich vnd dem Printzen
gentzlich vergliechen ſeye/ mit der Condition daß der König den Marquis de Ancre von

ſeinem Ampt vnd auß dem Landt ſchaffen/ auch alle Gubernamenten reformiren vnnd
erſetzen ſolle.

Auß Seelandt wird geſchrieben/ daß daſelbſten 6. Kriegsſchieff außgefahren/
vnnd nach Rochelle ſich begeben/ Jn meynung da die Spaniſchen etwas vff ſelbige
Statt attentiren möchten/ derſelben mit aller müglichen Hülff bey zu ſpringen. De
Duca de Eſpernon ſambt ſeinem Sohn dem Printzen von Candale ſollen ſich von
Hof begeben haben/ die Vrſachen ſeyn vnbwust.

Von Antorff wird gemeldt/ daß daſelbſt extraordinari ein groſſe Partida von
Baarſchafft nemblich 4. million Goldt vom König aus Spania vber gemacht worden/
vnd ſolle auch allhie dergleichen Summa rewittirt welden/ denn auff der Spanniſchen
Seiten ein groſſe Beſtallung vorhanden/ vnd 100. Patenten Volck zu werben verfer-
tigt ſeyn/ deßgleichen ſoll man täglich viel Obriſten auß Jtalien erwarten/ welche Reui-
ter vnd Füßvolck werben ſollen/ zu dem werden zu Lüttig etliche hundert Soldaten Kley-
nungen/ wie auch allerhand KriegsMunition verfertigt/ daß alſo nicht zu zweiffeln.
es werde künfftigen Sommer ſeltzame Händel geben.

Von Branſchweig wird geſchrieben/ daß vergangeren Dienſtag der Hertzog
daſelbſt ſolle eingeführt ſeyn/ vnnd daß die Burgerſchafft ſampt dem noch habenden
Kriegsvolck ſelbigen Fürſten gar ſtattlich eingeholt/ vnnd ſolle/ wie man vermeynt/ zwi-
ſchen dem Hertzogen vnd der Statt ein guts Vertrawen ſeyn vnd bleiben.

Auß Engelland wird geſchrieben/ daß daſelbſten ſo wol als in Schottlandt vnder
den Ständten ein reformation beſchehen/ vnd daß der König ſeinen Ambaſſat. auß
Spanien abgefordert/ vnnd einen andern an ſeine Stell dahin geſandt hatt/ vnnd helt
mans darfür/ daß beyde Königen hinführo gutliche correſpondentz vnd Freundſchafft
halten würden/ weilen der König in Dennemarck ſich mit dem König in Spania auch
vereiniget.

Von Hamburg wird gemelt/ daß der König von Dennemarck auch ſich zum
Krieg rüſten ſolle/ aber vnbewuſt wo ers angreiffen wird/ etliche meynen er ſolle die
Statt Lübeck mit Krieg angreiffen wollen.

Von Doſſeldorff wird gemelt/ daß man deß Fürſten von Newburg daſelbſten in
kurtzen Tagen erwarten wird/ vnnd deſſen Gemahl ſolle erſt nach Oſtorn nachfolgen.
Der Junge Printz von Brandenburg ſolle nach Berlin verreiſen/ von dannen auff
Heydelberg/ Hochzeit halten mit deß Churfürſten Schweſter.

Auß Rom vom 30. Jenner.

Auß Spania hat man/ allda ſeye mit den Kauffleuthen eine Partida von 3.
Million vnd 300000. Kronen/ nemblich zwo Million für den König/ der Reſt aber nach
Nieder. vnd Meylandt getroffen. Jm Arſenal zu Neapoli iſt die newe Patron Gale-
ra ganz fertig/ ſoll erſtes Tages vnd vor Oſtern noch 8.andere Galleren ins Waſſer ge-
worffen werden/ allda iſt ſonſt ein köſtlicher Befelch publicirt/ daß ſich keiner in anderer
Fürſten Dienſt begeben ſolle.

Auß Venedig vom 5. Februarij.

Auß Meylandt wird bericht/ die Princeſſin auß Franckreich ſeye allda
glücklich angelangt/ deroſelben der Printz in Spania biß auff die Gaſſen/ Jhre
Mayeſt. aber biß an das Thor des Saals entgegen gangen/ vnnd ſie gantz
freundlich empfangen/ darauff viel Frewdenfeſt angeſtellt/ vnnd der Eintrid
vffs ſtattlichſte gehalten worden/ dergleichen nicht bald ſo herrliche geſehen.

Mayländiſche Brieff meldten/ die Abdanckung des Kriegsvolcks beru-
he allein darauff biß Gelt aus Spania kompt/ vmb ſie zu bezahlen/ vnd weilen
die güldene vnnd ſilberne Müntzen hoch ſteigen/ iſt dem Magiſtrat befohlen/
vff mittel zubetrachten/ wie ſolchem auſſer des Stado ſchaden für zu bawen
ſeyt.

Auß Friaul wird geſchrieben/ daß die Ertzhertzogiſchen vnd vnſer Kriegs.
volck ſtarck auff einander treffen/ ſeynd ſeythero Jüngſtem bey Vipalzano St.
Martino von Cruſca vnd Gradeſca vnderſchiedliche treffen beſchehen/ vnnd
beyderſeyts viel Soldaten vffm platz blieben/ ſo haben die vnſ rige eine groſſe
anzahl Munition vnd Victualien/ welche nach Gradiſca geſandt worden/ be-
kommen/ vnnd berichteu 6. Gefangene/ daß jetzt in ſelbiger Statt vbir 1000.
Soldaten wären/ vnd ſich noch täglich mehren.

So wird auß Görtz auiſirt/ der Obriſte Trautmannsdorff habe des
Enden daß Vffbott aller Mansperſonen vom 16. in 60. Jahren alt ergehen
laſſen/ daß ſie jnner drey Tagen bey verluſt Leibs vnd guts nach Görtz erſchei-
nen ſollen/ ſelbiges Ort vnd Gradiſca zu defendiren/ ſo haben die Ertzhertzogi-
ſchen bey Gramignano 4. vnd hingegen die vnſerigen auch 3. Dörffer geplün-
dert/ jetzt ſeynd drey Galleren vnd etliche Vaſellen fertig/ vmb Victualien vnd
Munition nach Jſtria zuführen.

Auß Conſtantinopel kompt Bericht/ der Baſſa welcher gegen die Mai-
notten geſandt worden/ muß jetzt mit ſeinem Volck nach Aſia/ vmb mit dem
General Viſier ſein Heyl gegen Perſia zuverſuchen/ vnd hat der Perſianer
befohlen/ keine Ländter/ dahin das Ottomaniſche Kriegsvolck herkommen
möchte zubeſehen.

Auß Görtz vom 16. Jenner.

Den 6. Diß iſt der Obriſte von Trautmansdorff/ mit dem Windi-
ſchen Gräntzen vnd Craineriſchen Güldpferdten 3. Meil von Görtz ankom-
men/ vnd weilen Jhr Gnad. berichtet worden/ daß der Feind ſchon gar an hieſi
ger Statt/ vnd weilen die Vnderſtatt gar ein offenes Weſen/ vnd ſolches in we-

nig Stundten inn haben können/ vnd alſo Görz vnd Gradiſea zugleich bekon
men/ alſo hat er ſich mit ſeinem bey ſich habenden Volck gemelten 6. diß alhe-
ro begeben/ darauff er vmb 12. Vhrdie Crabatiſchen vnd Cärntiſchen Grän-
tzen genommen/ vnd vber das Waſſer geſetzt vnd dem Feind zu geeylt/ vnd auß
ſeinem Quareir verjagt/ auch biß gen Palma zu getrieben/ hernach hat ſich der
Obriſte in Gradiſca begeben/ die Teutſche Knecht/ Wachtmeiſter/ Zeugwart
vnd dergleichen Jhres Ampts erjnnert vnd Ordnung geben/ wie ſie ſich verhal-
ten ſollen/ ha nach wider allhero gelargt.

Auß Labach vom 23. Dito.

Im Landt Jſtria Kariſckt vnd Friaul gehet es leyder vbel zu/ die Vene-
diger thun mit rauben plündern vnd brennen groſſen Schaden/ welches jhnen
von den vnſern auch nicht geſchenckt wird/ ſonderlich läſt Herr Obriſter von
Trautmannsdorff mit ſeiner vndergebenen Ritterſchafft vnd Fußvolck täglich
auff die Venediger ſtreiffen vnd groſſ. Beut holen.

Auß Wien vom 27. Jenner.

Von hier wenig newes/ als daß vor acht Tagen/ wie Jüngſt gemelt deß
Sigmundts Pallas Gemahl allhier ankommen/ vnd in der Vorſtatt vor dem
Kärner Thor loſirt/ hat 6. feine Kinder bey Jhr/ welche Heut nach Hof gefah-
ren/ in was Sachen/ iſt noch vnbewuſt.

Herr Obriſter von Tiefenbach iſt noch nicht allhero kommen/ wird aber
ſambt dem Pallas täglich allhero erwarth/ Sonſten iſt zu Stein vnd Krembt
vnlängſt publicirt worden/ daß man hinführo dieſer Orthen keinen zum Bur-
ger auffnehmen ſolle/ er ſeye dann Catholiſch/ ſo iſt auch den hieſigen Buchfüh
rern vnd Buchbindern aufferlegtworden/ daß welche Lutheriſche Bücher hat
ben/ dieſelbe jnner 6. Wochen zuverkauffen/ oder aber man wird ſie Jhnent
verbleibung deſſen gar hinweg nemmen vnd verbrennen/ gleichwol aber dörffen
an jetzo die Luteriſchen Predicandten/ wider allhero in die Statt ein vnnd auß-
gehen wie vorhin/ ſonſten ſolle nach Oſtern der Nieder Oeſtreichiſche Landtag
gehalten werl.

Aus Erfurdt vom 11. Februarij.

Man will ſagen der Hertzog von Lünneburg will ſeinem Volck noch nie
abdancken/ er habe dann ein endlichen Beſcheid wegen Einräumung deß Für-
ſtenthumbs Grubenhagen/ welches Keyſal. Mayſt. vbergeben wor-
den/ darinnen den Außſpruch zuthut

Auß deß Graffenhaage vom 15. Februarij. 1616.

Vß Franckreich können wir allnoch nicht eygentlich vernehmen/ daß
beyderſeyts Deputirte in der Friedenshandlung etwas fruchtbarliche;
verricht/ ſondern vielmehr geacht wirdt/ daß man mit ſolcher Tractation
wegen eingefallener harten Winterlichen Zeit nur verlängerung vnnd gewin-
nung der Zeit ſuchen thut/ vnd daß gegen prima vera der Bock erſt recht an-
gehen möchte. Wiewol andere deme zu wider geſchrieben/ daß zum Frieden
noch gute apparentz vorhanden ſeye/ vnd der König mit ſeiner Suyte in kurtzem
zu Pariß anlangẽ würde/ ſonſten war warhafftig/ daß wegen obgemelter Hand-
lung ein Anſtandt vff etliche Wochen gemacht ſeye/ das Kriegsvolck aber von
beyden Parteyen theten einander noch täglichs Abbruch/ vnnd an ſtatt das 6.
Compag. der Printzen Reutter ſollen erſchlagen ſeyn/ befind ſich jetzo das ge-
genſpiel/ daß nemblich der Printzen Volck dem Duc de Cuyſe etlich Volck
abgeſchlagen/ vnd guten theils ſeiner Bagagie erobert/ nun wie demallem/ gibt
die Zeit.

Sonſten verlaut daß vor wenig Tagen die Herrn Staaden Schreiben
vom Printzen von Conde bekommen/ vnnd daß ſie mit ſampt Jhre Pr. Excell.
derohalben ſo offter in Conſilia geweſt/ vnd ſich wie einer gebührlichen Antwort
darauff zugeben ſollen/ reſoluirt haben/ kan aber davon noch keine rechte Vmb-
ſtändigkeiten vernehmen.

Die Bireff ſo lich Vorgeſtert auß Londra bekommen/ meldten/ daß der
Sommerſet mit ſeinem Weib nach beſchehener Examination (dabey man be-
funden daß ſie beyde an deß verſtorbenen vnd vergebenen Ritters Todt vnd in
mehr andere wichtige Sachen ſchuldig) durch die 12. Juratores oder dar zu ver-
ordnete Herrn von der hohen Juſtitz zum Todt/ daß ſie beyde mit dem Strang
ſollen hingericht werden/ vervrtheilt worden ſeyen/ jedoch vorbehaltens/ wo ſie
etwas darwider vor zubringen wüſten/ daß jhrnn ſolches bevor vnd frey ſtehen
ſolte/ ſolten aber der Sententz ſchwerlich entgehen können.

Sonſten war der Viceadmiral/ wie auch der Conte Arondell (ſo vor die-
ſem gebunden/ vnd ebenwol wider ins Landt kommen) auch wichtiger Sachen
halben gefangen/ alles aber ward noch all verborgen gehalten/ Jhr Mayeſt.
war vom Podagra an einem Fuß etwas vbel auff geweſt/ doch nun wider friſch.
vnd geſund.

Vorwenig Tagen iſt ein Kriegsſchieff naher Engellandt abgefahren/
vmb den newen Ambaſſ. von dannen vff allhero abzuholen.

Jn dieſen Landten werden noch immerdar mehr KriegsPreparationes
vnd Kungſtreiche Feldtgereitſchafften gemacht/ vnd wie verlaut/ ſollen nicht al-
lein die Compagn. zu Fuß erstreckt/ ſondern noch in die 12. Cornetten Reutter
vffs new ehiſt geworben werden/ vmb alſo ein mächtigers Kriegsheer als jemals
zuvor ins Feldt zubringen/ weilen man genug ſpuͤrt daß die Spaniſche keine
ruhe haben/ vielweniger die Guͤlchiſche Landte außraumen/ oder den Xanti-
schen Vertrag vollziehen wollen/ den Erfolg gibt die Zeit.

Inmittelſt ſeynd die Soldaten ſo auß hiehiger Guardi deen Haͤnſeeſtaͤt-
ten vor Officirer gedient/ allhie wider zu ruͤck kommen.

Es ſeynd nicht allein zu See vnd zu Landt vornemblich Oſtwartz durch
juͤngſte Tempeſten vnd Jmundationes viel Schieff/ Leuth vnd Viehe ertrun-
cken/ ſondern es ſeynd vergangene Wochen auch verſchiedene Schieff ſo auß
Franckreich/ Engellandt vnd Seelandt in den Golfo der Maſen vermeynten
ein zulauffen/ durch den groſſen Eyßgang vberwältigt vnd in Grund getruckt
worden/ geſtallt daß man vff den Niederlaͤndiſchen Seeueſten taͤglichs ſtuͤcken
von Schiffen vnd deren eingehabten Guͤtern findet/ vnd ſeynd Vorgeſtert nit
weit von hinnen/ zwiſchen den Seedoͤrffern/ Scheueling vnnd Heyden vffm
Strand in die 18. Faß Fränſche Weinen/ zwo Tonnen Tartern ſampt andern
Guͤtern mehr gefunden. Gott verhuͤte ferner Unheil/ vnd woͤlle die Jntereſſir-
te in andern ergoͤtzen.

Auß Coͤlln vom 25. Februarij.

Wir haben ſeyter meinem Juͤngſten nicht viel Schrifft wuͤrdiges dann
daß der Junge Printz von Brandenburg dem Gubernatorn Puͤdthan zu
Guͤlch befohlen/ daß er bey dem Dechant vnd andern Geiſtlichen daſelbſt ſolle
anhalten/ daß ſie machen ſolten/ daß das offentiich Exercitium reformatæ
Religionis moͤchte reſtituirt werden/ im widrigen fall wuͤrde man verurſacht/
an ſolchen Orten/ da die Staden jhr Guarnison liegen haben/ vnnd sonderlich
zu Guͤlch/ den Catholiſchen jhr Excercitium auch abzuſtricken/ vnnd jhre Ein-
kommen oder Gefaͤll/ ſo lang verarreſtiren vnd anhalten darauff der Dechant
vnnd das gantze Capitel ſollen geantwort haben/ Sie hetten mit Muͤllheimb
nichts zuthun/ verſehen ſich derwegen/ der Capitain Puͤdthan wuͤrde ſich der
beyder Fuͤrſten Befelch gemeß halten/ darauff der Capitain geantwortet/ Er
wolle es den Herrn Staaden zuſchreiben/ vnnd deren Reſolution erwarten/
jnmittelſt aber ſolten ſie embſig daran ſeyn/ weilen es Gemel. Printz von Bran-
denburg also begert/ vnnd bey dem Capitain Pippais zu Muͤllheim anhalten/
daß er gemelte Religion daſelbtſten zulaſſen wolte/ darauff alsbald zween auß

Jhren Mitteln dahin abgefertigt/ welches dem Capitain dieſes obgermeit
vorgetragen/ als er aber Jhre gäntzliche Meynung verſtanden/ hat er Jnen
zur Antwort geben/ Er hette zu Müllheim kein andere Religion als Catholiſch.
gefunden/ da aber der Capitain Püdthan etwas weiters begeren thete/ müſte er
ſolches zu Bruſſel bey Jhrer Ertzhertzogiſchen Durchl. ſuchen/ dann er keinen
Gewalt in der Religion etwas zuändern habe/ dann ſolches der Hohen Obrig
keit gebüre/ wie nun dem Capitain Püdthan dieſe Reſolution iſt vorgebracht
vnd reſerirt worden/ hat er zur Antwort geben/ Er wolte der Standen Befelch
erwarten/ iſt alſo biß Dato an den beyden Orten keine Mutation in der Religi-
on vorgecommen worden/ was aber beſchehen möchte/ gibt die Zeit/ ſonſten
hat gemelter Printz von Brandenburg den Caualier Seyck nach den Staa-
den abgefertigt/ mit denſelben von vnderſchiedlichen Sachen zu communiciren/
was nun derſelbe für Antwort mit bringen wird/ haben wir alsdann zuver-
nehmen.

Von Breiſtel haben wir/ daß der Conte von Bucquoy von dannen nach
Spanien verreiſt/ vnd inner 5. Wochen widerumb allda anlangen ſolte/ vnd al-
ſo ſelbigen Königs endtlichen Willen vnnd Meynung mit bringen werde/ jn-
mittelſt fehrtman in den Wilſchen Landten mit den Werbungen deß Kriegs-
volcks dapffer fort/ vnd helt mans vor gewiſz das es gegen künfftigen Frühling
gute Kappen geben wird/ welches deſto glaublicher/ weilen der König ſolche groſ-
ſe Summa Gelts/ wie in meinem vorigen gemelt/ dieſer Orten remitirt hat.

Auß Engellandt wird gemeldt/ vnangeſehen daßauß Hollandt das Widerſpiel
geſchrieben wird/ daß der Graff von Sommerſet von den Iuratoribus ſambt ſeinem
Weib/ in immerwmehrender Gefängnuß jhres Lebens condemnirt worden ſeyen.

Zu Wiſell/ Düyßburg/ Xanten vnd mehr andere Orthen/ ſeynd etliche hundert
Spanierze theilt worden/ dann die Compag ziemlich ſchwach weilen deren allenthal-
ben viel geſtorben/ vnnd thut man deren täglich noch mehr ereirten/ dann man vor
3000. Mann Kleydungen beſtellt zumachen/ dann dieſe wo lbekleidt mit wenig Tuch ge-
weſen.

Auß Franckreich hat man/ weilen der König bewilligt/ daß man zur Handlung
der patiſication ſchreiten ſolle/ daß alle Printzen/ Fürſten pairres officiers im gantzen
Königreich/ ſo wol Catholiſchen als Vncatholiſchen ſollen zu Londun den 10. diß/ der
Tractation ein anfang machen/ wie es dann auch beſchehen Jnmittelſt wird zu beyden
Seiten mit der hoſtilitet im gantzen Königreich eingehalten/ vnd alle gefangene Sol-
daten wider loß gelaſſen/ auch ſollen von keinem Theil newe hortificationis gemacht/
noch auch kein Kriegsvolck weiters angenommen werden/ vnd ſoll kein Theil Kriegs-
volck off 8. Meilen von Londun ſich finden laſſen/ auſſerhalb was das Guarniſon be-

langen thut/ Jmgleichen des Printzen von Conte Läger/ ſich auch vff 6. Meilen bey der
Statt Polcurs noch in der Prouintz de Aniou, oder Bretagnia ſich finden laſſen/ vnd
ſollen in die Statt Londun 800. zu Fuß vnnd 400. Pferdt zu verſicherung eingelegt
werden.

Von Vitrecht wird gemelt/ daß die Staaden auch Patenten außgetheilt/ dre
Regiment zu Fuß werben zulaſſen/ weilen ſie ſörchten/ daß ſie dem König in Feanckreich
die zwey Regimenter Frantzoſen müſten folgen laſſen.

Auß Prag vom 14. Februarij.

Vor acht Tagen iſt ein Catholiſck er Münck von ſeiner Religion ab vnd zu der
Augſpurgiſchen Confeſſion getreiten/ iſt auch ein anderer vnd allbrreyt wolbetagter
Münch ebens Vorhabens.

Der Krieg zwiſchen Erthertzoren Ferdinand vnd den Venedigern ſolle offent-
lich publicirt ſeyn/ man hat gewiſſe Aviſo/ daß der König in Spania dem Mayländi-
ſchen Gubernatori Beſelch geben/ mit 16000. Mann den Venerigern ſchaden zuthun/
ſo will der Pabſt auch Jhrer Durchl. 6000. Mann vnd erhalten/ ſo laſſen die Länder
Steyer/ Kärnten vnd Wien/ ohne das zuvor geworbene Volck noch zwey Regiment
werben/ ſo iſt man auch allhie vnnd anderswo im Werck, zwey Re giment vnnd 1000.
Pferdt vff Spaniſche Bezahlung zuwerben/ vnd wider die Venediger zugebrauchen/
man will allhier außgeben/ als watn die Frantzöſiſche Fürſten mit den Venedigern ein
heimlichen Verſtandt haben ſollen/ weilen der König von Spanta vnd Franckreich
dem Ertzhertzogen Ferdinand mit Hülfferſcheinen

Morgen hat der Keyſerl. Ambaſſ. nach Conſiandinopel fortziehen ſollen/ diewe
aber Heut ein Ey/ Cutir vom Gratian auß Wien allhero angelangt/ vnnd allbereyt
Diſſieniteten fülauffen ſollen/ möchtt er nach länger verbleiben.

Auß Polen hat man/ daß der Feied mit den Moſcowiten vnd Polen auff 10. Jar
getreffen/ vnnd Stilſtandt gemacht/ als erfolgt gibt die Zeit. So iſt der König von
Warſchaw einer jungen Printz ſin gewerdig.

Auß Görtz vom 6. Februarij.

Heut ſeoynd dem Herrn Obriſten von Trautmansdofff Schreiben zukommen/
wie daß Geſtern ſpat die Veneriger zu Dabra im Ecken/ auß deß Herrn Colloreto
Keller 12. Faß ſoſſen ein auffladen laſſen/ inwillens denſelben weiter zuverführen/
ſo waren vnſere Zinger vnd Vſcochen mit was wenig Reutter ins Mittel kommen/ jh-
nen den Wein abgedrungen/ die Ochſen hinweg genommen/ vnd bey 172. Venediger
auff dem Platz gebliebdn.

Sonſten hat ſich Heut der Feind mit 14. Compag. Reutter nahent bey Lutſchey
ſehen laſſen, ob Jhnen nicht getrawt zu vns zu kommen/ nichts deſtoweniger wird das
Landt dero Orthen ſambt den Vnderthanen von dem Kriegsvolck alles verderbt/ vnnd
der arme Maynn alles entgelten muß

Auß Coͤlln vom 3. Martij 1616.

Eil es dieſer Orthen gar ſtill/ vnd nur allein bloſſe Difeurſen gibt/ kan man
nichts ſichers davon ſchreiben/ allein wird von Roan geſchrieden daß der
Treues in Franckreich wider vffs new einen Monat prolongirt worden/ wei-
len der Duca de Bullion ſich am Podagramb ſehr ſchwach befindt/ vnd der
Tractation nicht ſtetigs beywohnen kan/ man helt gleichwol für gewis/ daß die Sachen
endlich accomodirt vnnd verglichen/ aber mehr in fauor der Printzen als des Königs.

Sonſten wird von Pariß geſchrieben/ daß der König noch zu Tours/ vnnd viel-
leicht noch ein Zeitlang allda verbleiben wird/ jnnmiteiſt haben Jhre Majeſt. auß der
Baſtiglia etliche Stück Geſchütz ſambt zugehöriger Munition vnd Bereitſchafft her-
auß führen laſſen/ wo nun dieſelbige ſollen gebraucht werden/ kan man noch nie wiſſen/
dann vnderſchiedlich darvon geſchrieben wird.

Von Bruſſel wird geſchrieben/ daß der Conte de Bucquoy noch zu Bergen in
Hennegau/ vnd von dannen naher Spanien/ der Conte de Sore aber ſolle nach Franck-
reich verreiſen beyde die Königinnen/ wegen des Ertzhertzogen vnd der Infantin zu gra-
tuliren/ vnd zu ſelbigen angefangenen Heyrathen Glück zuwünſchen/ auch wegen Jrer
Durchl. vnd der Infantin ſtattliche præſenten zuverehren/ was wirts Jhre Werbur
ſeyn werden/ gibt die Zeit.

Von Bergen in Hennegau wird gemelt/ daß daſelbſten in 600. wolgemundirte
Mußquetirer durchgezogen/ gute alte verſuchte Soldaten/ vnd daß dero Orten/ die
Ordnung gemacht/ da es von nöthen ſeyn würde daß ſie in Monatsfriſt/ vnfehlbarlich
38000. Mann beyſammen bringen köndten/ warauff nun ſolches angeſehen/ gibt die
Zeit.

Von Vttrecht wird geſchrieben/ daß zwiſchen den Staaden vnd den Hänſeſtät-
ten in jetzigem Monat Martio eine Zuſammenkunfft iſt angeſtellt/ zuverſuchen ob ſie
köndten einen Vergleich oder Bündnuß ſchlieſſen/ ſollen aber nicht mehr als Lübeck/
Hamburg/ Bremen/ Magdenburg vnd Lünnenburg ſeyn.

Mirden Jüngſten Brieffen aus Spania haben wir/ daß der Seerauber Splei-
bergen von Rotterdamb mit 6. Schiffen in Weſt Jndien/ die Spaniſche Armada vn-
verſehens angetroffen/ vnd lange Zeit mit derſelben geſcharmützelt/ endlich den Admi-
ral in grund geſchoſſen/ vnnd folgendts drey andere Schieff gefangen bekommen vnnd
geplündert/ als er aber geſehen/ daß ſein Volck faſt alle Todt blieben/ vnd auch vernom-
men/ daß die Spaniſchen mit viel Galleren den andern zu Hülff kommen/ hat er die
Schiff verlaſſen vnd welchen müſſen/ daß alſo die Spaniſche wol das Feldt behalten/
aber Jhren Admiral verlohren.

Auß Franckreich wird ferrners gemelt/ daß der Duca de Vendoſmo mit 6000.
Mann im gantzen Landt herumb ſchwermen thut/ vnd ein groſſes Gelt ſamblet/ als
diß nun dem König vorkommen/ hat er ErJhn biß zum dritten oder vierdten mahl
davon abgemahnet/ vnnd daß er das Volck zu des Königs Volck führen oder aber ab-

dancken ſolle/ welches er geweigert/ Endlich ſolle Jhm der König haben betrawen laſ-
ſen/ da er das Volck nicht vervrlauben oder zu des Königs Lager führen würde/ wolte
er Jhn vberziehen laſſen/ als Er das vernommen/ ſolle Er ſich alsbald vmb mehrer ver-
ſchetung willen/ zu deß Printzen Volck geſchlagen haben/ vnnd alſo gegen den König
die Wapffen braucher

Weilen man zu Gülch den Catholiſchen betrowet/ die Kirchen vnd Jhre Ge-
fälle zuverſperren/ hat der Gubernator zu Weſel ſich verlauten laſſen/ Er wölle die Kir-
chen zu Wiſel auch verſperren/ vnd den Predicanten ſchwere Guarniſon auff den Halß
legen/ damit ſie von ſich ſelberdavon lauffen müſſen/ vnd alſo die Predigen vnder wegen
bleiben/ halte aber darfür/ es werde zu beyden Theilen nicht beſchehen/ oder es müſte ein
offener Krieg angefangen vnd außgeſchrieben werden.

Auß Venedig vom 19. Ditto.

Dienſtag ſpat iſt der Sig. Camillo Triuiſano Proueditor vber die Leichte Pferdt nach
Friaul verreiſt/ dahin ſind auch etliche Schiff mit Tuch für die Soldaten geſandt wor-
den/ Von Palma aber hat man 20. Stück Geſchütz/ wie auch viel Gezelten/ vnd andere
Bereitſchafften nach Gradiſca geführt/ ſelbiges Orth zu belägern/ vnd were der Capi-
tain Milliana vnd Philiperto mit 5000. Soldaten nach Mariano paſſirt.

AVff 13. diß/ haben ſich die vnſerigt mit 800. Pfert vnd 2000. zu Fuß nach Ser-
ra nechſt bey Gradiſca gelegen/ begeben/ daſſelbe eingenommen/ alle darumb hergelege-
ne Orter geplündert/ weil es aber nicht veſt/ nur 6. Stundt darin verblieben/ vnd her-
nach wider nach Matiano verruckt/ folgenden Tags ſich wider in groſſer Anzahl vnnd
ſchöner Ordnung an dem Fluß ſehen laſſen/ welches die von Gradiſca auch gethan/
aber nur mit Mußqueten auff einander geſchoſſen/ aber wenig verricht worden/ nacher
haben die von Gradiſca alles Vnnehrhafft Volck auß der Statt abgeſchafft/ dieſelbe
mit Trentſchen vnnd einem halben Mon beveſtiget/ kompt noch täglich mehr Volck
darinnen.

Auß Conſtantinopel hat man/ der General Vezier habt 13000. Janitſcharn in
Alepo gelegt/ dann dieſelbige Völcker wegen der groſſen Contribution ſehr ſchwürig/
ſo hat der General Vezier Beſelch empfangen/ daß er ſich mit gantzer Macht/ gegen
Perſia begeben ſolle/ welcher König ſeiner mit einem groſſen Heer erwartet/ der Perſia-
ner iſt ſonſt vff die Chriſten vbil zu frieden/ weilen die Portugeſer Jhme eine Veſtung
bey Ormus eingenommen haben/ der König in Spania aber ſchickt einen Auguſtiner
Münch hinein/ Jhne wider zuverföhnen/ Sonſt iſt der Emiro von Saida mit dem
Groß Türcken wider verglichen.

Geſtern iſt ein Compag. Fußvolch 100. Mann ſtarck ankommen/ welche neben
einer Albaneſiſche Compag bezahlt worden/ die werden in Porto vff die Armirte Vaſel-
len dienen/ vnnd erwart man hie einen Petartenmeiſter/ welcher dem Hertzogen von
Sauola im Jüngſten Krieg gedient.

Auß Wolffenbüttel vom 22. Februarij.

Demnach vnſerm Hertzog den 6. diß in der Statt Braunſchweig gehul-
digt worden/ vnnd alles wol abgangen/ haben hernach J. F. G. den Raht auff
das Altſtätter Rathhauß zur Taſel beruffen/ welche auch erſchienen/ aber kei-
ner/ als Herr D. Pretſprach an ſeiner Tafel ſitzen müſſen/ haben ſich beyder
ſeits luſtig erzeigt/ nach gehaltener Mahlzeit iſt auff dem Saal ein Dantz
gehalten worden/ dabey ſich J. F. G. deroſelben Gemahl/ vnnd Herr Bruder
Rudolphus/ auch Hertzog Joachim von Sachſen neben andern befunden/
welches biß in die Nacht vmb 9. vhrn gewerth.

Den 7. diß/ iſt Seine Fürſtl. Gn. ſampt dero Gemahlin/ vmb 7. Vhrn
in der Thumbkirchen zur Predigt geritten/ hernacher von E. E. Rath vffs
Altſtätter Rathhauß zu einem Pancket geladen/ vnd neben dero Herrn Brü-
der/ Hertzog Joachim von Sachſen vnd gantzen Adel erſchienen/ ehe man aber
zur Tafel geſeſſen/ iſt Jhre Fürſtl. Gn. wegen der gantzen Statt Braunſchweig
viel Wein/ Fiſch/ Habern/ vnd ein ſchönes grawes Pferdt/ mit einem mit Per-
len vnd Edelgeſteinen wolgeſtickten Sattel vnd Zeug/ auch köſtlichen Federbu-
ſchen geziert vff 10000. Thaler werth verehrt/ die 14. Zünfften aber einen vber
auß ſchönen groſſen Pocal/ vnnd die Geiſtlichen ein ſchönes in Sammet mit
Silber beſchlagenes Buch preſentirt/ vnd der Fürſtin ein vberauß ſchöner mit
Vhrwerck zugerichter vnd aller Notturfft gezierter Spiegel/ darinn man ſich
gantz von den Füſſen biß vber den Kopff hat ſehen können/ verehrt worden.

Nach gehaltenem Pancket/ darauff köſtliche Schaweſſen geweſen/ iſt
auff dem Platz ein Fechtſchul gehalten/ vnd biß in die Nacht gewerth.

Den 8. diß iſt S. J. F. G. von E. E. Rath wider auffs Rathhauß ge-
betten/ weilen aber dero Gemahlin nicht lenger verharren wollen/ als haben ſie
nur im Loſament gefrühſtückt/ vnd mit der gantzen Ritterſchafft wider allhero
gezogen/ vnnd nunmehr alles Volck auß dem Landt geſchafft/ vnd ſollen die in
der Statt noch liegende 4. Compag. zu Roſſz vnd Fuß dieſe Wochen auch ab-
gedanckt werden/ Als ſonſt vnſer Hertzog in der Statt eingeritten/ iſt alles Ge-
ſchütz/ ſonderlich die faule Magd/ ſo ein Kugel 775. Pfundt ſchwer führt/ loß-
gebrandt.

Geſtern haben S. F. G. den 14. Zünfften in der Statt jeder zu 50. vnd
60. fl. zugeſchickt vnd verehrt/ welches ſie mit Danck angenommen.

Weilen J. F. G. nunmehr täglich ab- vnd zu reiten möchten/ ſollen Sie
Willens ſeyn ein ſtattliches Hauß in der Statt zu erbawen/ vnd darzu einen ge-

legener Plas zu erlauffen/ die eingeſchoſſene Wäll/ Gräben/ Thürn vnd Häu-
ſer wird man chiſt anſahen zubawen/ darzu JF. G. allerley Vorraht auß dero
Landt verſchaffen.

Der Streit zwiſchen Lünneburg vnd vnſem Hertzogen/ wegen deß
Fürſtenthumbs Grubenhagen ſoll auff gutem Weg ſtehen.

Auß Dantzig vom 16. Ditto.

Zu Warſchau iſt die Bandition wegen der Statt Elbing (weil ſie nich
pariren vnd den Jeſuitern die Pfarrkirchen nicht einraumen wollen )publiciet/
vnd leſt der König ſolche zu belägern allerley præparatoria machen/ die S.
Dantzig/ Thurn vnd andere aber haben ſich gäntzlich reſoluirt/ der Statt El-
bing mit aller Macht bey zuſtehen.

Auß Goͤrtz vom 20. Dito.

Wegen deß groſſen Schate kan man dieſer Orthen mit den Venedi-
gern wenig vernehmen/ Jnterim ſtercken ſie ſich täglich/ vnnd wied der groſſe
Verluſt von Gradiſca mit den Vnſern in achtgenommen/ wir erwarten täg-
lich auß Oeſterreich vnd Böheimb etlich 1000. Mann zu Roſſz vnd Fuß/ ent-
gegen ſoll der Türck den Venedigern mit gantzer Macht beyſtehen/ Sonſt iſt
Vorgeſtern Ertzhertzog Maximilian Ernſt Todts verſchieden.

Auß Wien vom 24. Ditto.

Herrn Tſchirin Keyſerl. Ambaſſ. erwartet man Heut anhero/ alsdan
ſollen beyde Bottſchafften zugleich nach Conſtantinopei fortreiſen/ dann ſon-
ſten zubeſorgen/ der Türck den Venedigern hülff leiſten möchte.

Die zween Wallachiſche Fürſten befinden ſich noch allhier/ vnd verlaut
Herr Graff von Altheimb ſoll von Jhrer Keyſerl. Mayt. neben andern Heren
nach Venedig abgeordnet werden/ zwiſchen ſelbiger Herrſchafft vnd Ertzher-
tzogen Ferdinanden Frieden zu tractiren.

Auß Prag vom 27. Ditto.

Jm Landtob der Enß/ fährt man mit der Reformation der Religion
ſtarck fort/ wie dann Herrn Jönger zu Aſcha zwo Kirchen verſpert worden/ da-
hero man jetzt im Schloſſz prediget.

Für den arreſtirten Palaſſi ſeyng. Jnterceſſion Schreiben vom König.
zu Polen einkommen/ weilen auch deſſen Fraw mit Jhren Kindern einen Fuſa-
fall gethan/ auch eine Schrifft vberreicht hat man gute Hoff-
nung zu ſeiner Erledigung.

Auß deß Graffenhaage vom 29. Febeuarij/ 1616.

Jr können mit die Jüngſte auß Franckreich noch nicht vernehmen/ daß zum
Beſchluß deß Friedens eynige Apparentz ſeye/ Dann ob wol an ſeyten deß
Königs die Abſchaffung etlicher Officirer vnd Reformation des Standts
zum theil eingewilliget/ auch den von Conte/ daßer in ſeinem Vorhaben wöl-
le nachlaſſen/ vnd ſich von den Religionsverwandten wider ſepariren/ ein Fürſtenthumb
neben anders mehr zuſchencken verheiſſen/ hette Er ſich doch deſſen gäntzlich gewegert/
ſondern Er vnnd ſeine Mitallyrte dringen noch hefftig drauff/ daß auch deß entleibten
Königs Todt ſolte reuengirt/ vnd die ſo daran ſchuldig/ (welche Jhnen genugſamb be-
kandt) andern zum abſchewlichen Exempel geſtrafft werden/ neben andern Puncten
mehr/ davon ſie Satiſfaction begerten/ wie dem nun allem/ vnnd wie es ablauffen wird/
gibt die Zeit.

Die Brieff ſo Vorgeſtert aus Londra kommen/ melden/ daß viele von den Stän-
den hohes Standts aus Schott. vnd Jrrlandt/ daſelbſt vff begeren des Königs erſchie-
nen/ ſich vber des Sommerſets/ vnnd der anderer Gefangenen Sachen ferrner zu reſol-
uiren/ vnd wie man beſt damit verfahren/ vnd allem Unheil abwehren ſoll.

Andere ſagen/ daß auch Schreiben von Dannen kommen ſeye/ daß nicht deß
Spaniſchen/ ſondern desß Engelländiſchen Ambaſſ. in Spanien Secretarius (welcher
von demſelben nach Engellandt abgefertiget/ vmb wegen ſeiner zu rück forderung dem
König eins vnnd anders anzu deuten/ wie auch von deme davon das Geſchrey gienge/
daß er mit bezüchtiget ward/ Jhme vffs mügligſt zu excuſiren) zu ſeiner Ankunfft appre-
hendirt worden ſeye. Sonſten werden ſeltzame Dinge von gedachtem Engelländi-
ſchen Ambaſſ. außgeben/ was er in Spanien ſoll tractirt vnd practicirt haben.

Auß dem Sundt vernehmen wir mit friſchen Brieffen/ daß der König in Denne-
marck ſich noch immer zum Krieg rüſten ehete/ hette allbereit viel Kriegsſchieff fertig
liegen/ vnd obwolſtar die Vermutung/ daß eovff Lübeck angeſehen/ ſcheinet doch daß
Er villeicht der Hollender vnd anderer Außfahrt vff den groben Fiſchfang bey Grien-
landt/ darzu er allein Gerechtigkeit pretendiren ſolte/ mit Gewalt zu verhindern/ vnnd
ſich ſelbſt zu Nutz zu machen gemeynt ſeye. Doch man iſt erſten Tags Geſandten auß
Dennemarck allhie gewertig/ deren anbringen verlangt menniglich zu vernehmen/
Wiewol etlich meynen/ daß ſie mit den Herrn Staaden tractiren ſollen/ wegen deß neu-
wen Havens/ ſo derſelbe König im Sundt zu laſſen machen/ willens/ damit dieſer Lan-
den Schiff vnd andere bey Winters vnd Eyß Zeit daſelbſt frey vnd ohn Gefahr ſollen
liegen/ vnd ſich ſalviren mögen.

Es erfolgt ſich noch daß der Holländiſche Admiral Spilbergen mit ſeinen Schif-
ſen in der Sundter Ste bey dem Manilles 8. Spaniſche Schiff angegrieffen/ ſolche
vbermant/ theils zu Grundt geſchoſſen/ vnnd den Viceadmiral neben einer guten Beuth
trobert.

Wie die Jenige ſo auß Welſchlandt kommen berichten/ ſollen die newe angenom-

mene Soldaten von denen Orthen ſchon Hauſſenweiß nach der Maſſen zehen/ lieſſen
ſich offentlich verlauten/ daß ſie die Stätt vnd Otter ſo die Herrn Staaden dieſer Nie
derlandten dem H. Reich entzogen/ Jhnen ſolten heiffen abnehmen/ vnd daß der Conte
de Bucquoy zu dem End in die 2000. Reuter/ vnd 3 Regimenten Fußvolck in den O-
ber vnd Lüttigiſchen Quartiren annehmen thete.

So viel ich aber dieſer Orthen verſtehe/ ſolle die Trommel auch erſten Tags ge-
rührt werden/ vnd nach dem Landtag/ ſo nun bald angehen wird/ möchte Jhre Excell.
ſich mit dem gantzen Läger wol auffmachen/ dann darzu aller Orthen groſſer Vorrath
gemacht wird/ man hat auch ordiniret/ daß noch 12. Compag. Fußknecht zu verſter-
ckung der Guarniſon zu Gülch dahin ziehen ſollen/ vnd ſonſten aller Orten alle nötige
Anordnung geſtellt.

Auß Coͤlln vom 10. Martij 1616.

Von newem jetzt wenig vorhanden/ als daß die Burger zu Weſell vnnd andern
Orten vbel zu frieden/ daß man ſie mit newem Spaniſchem Volck beſchweret/ vnnd de-
nen nicht allein die Wohnung/ ſondern auch alles was ſie bedürffen/ neben Eſſen vnnd
Trincken geben müſſen/ vnnd nicht mit gemeyner Speiß wie ſie die Burger haben/ wöl-
len zu frieden ſeyn/ ſondern man muß es jhnen machen nach jhrem gefallen/ derowegen
der Burgermeiſter einer vff anhalten gemelter Burger nach Brüſſel verreiſt vmb zu
verſuchen/ ob er andere Ordnung bey Jhrer Hoch Fürſtl. Durchl. erhalten möchte.

Vnnd weilen das Geſchrey hin vnd wider ſpargirt wird/ als wenn die Staaden
mit Hülff der Hänſeeſtätten die Statt wolten belägern/ als iſt zubeſorgen daß man den
Burgern noch mehr Volcks auff den Halß legen wurde/ denn allbereyt der Gubernator
(ſo wol ein guter Burgersmann vor dieſem geweſen) ſich nunmehr deß Cleuiſchen
Hofs/ ſo biß dahero noch verſchonet worden bemächtiget/ vnd ſeine Hofhaltung darin-
nen angeſtellt/ auch weilen die Hollendiſche Kauffleuth von Alters hero jhre Güter zu
Schiff biß gen Weſell führen/ vnnd von dannen zu Landt nacher Franckfurth führen
laſſen/ vnnd alſo die Licenten zu Berg erſparen wolten/ als hat ſelbiger Licentmeiſter die
Leronten vff Waſel eransſerire/ vnnd alſo die auffkommende Schiff/ ſo gleichwol nicht
weiter als Weſell fahren wolten/ die Licenten auch bezahlen laſſen/ wie dann auch die je-
nige Schiff ſo den Lippſtrom aufffahren/ die Licenten auch bezahlen müſſen/ welches die
Kauff- vnd Schiffleut durch auß nicht eingehen wöllen/ vnd ſich deſſen bey den Herrn
Staaden beklagt/ vnd vmb abſchaffung deſſen angehalten/ alſo haben ſie an den Guber.
deßwegen geſchrieben/ ſolches abzuſtellen/ dann es dem Treuis gantz zu wider/ mit ver-
melden/ da er ſolches nicht thun wolte/ weren ſie vervrſacht/ die Schiff ſo vff Hertzogen
Buſch vnd Antorff fahren/ vmb bezahlung der Licenten zu Dort auch anzuhalten/ weil
aber nun dieſes den Stätten in Brabandt viel mehr ſchaden/ als daß zu Berg einbrin-
gen möchte/ helt mans darfür es werde an beyden Seyten bey dem Alten gelaſſen/ vnnd
keine Newerung gemacht werden.

Von Düſſeldorff wird vermelt/ daß daſelbſten anden Stattgräben vnd Wällen
auch die Rondelen zuerhöhen ſtarck gearbeitet wird/ auch die alte Caſamatten vmb die

Statt außgebrochen vnd mit Erden gefült werden/ welches ein böſes Zeichen zum Frie
den/ vnnd were zu wünſchen/ vnnd viel beſſer für die Burger/ daß die Statt in vorigem
Standt verblieben were/ dann man ſich nun zu befahren/ daß die Statt in ſtarcker Bi-
ſatzung gehalten werden muß/ welches den Burgern ein groſſe Beſchwernuß iſt.

Zu Reeß hat das Eyß vnd groß Gewäſſer an dem newgebawten Werck groſſen
Schaden gethan/ vnnd ein Theil hinweg getrieben/ welches dann die Stadiſchen auch
zu bawen vervrſacht hat/ vnd ob wol man vermeynt/ man würde den Röm. Catholiſchen
an denen Orten da die Staadiſchen Jhre Beſatzungen in liegen haben/ als Emrich/
Reeß/ Gülch ꝛc. vnd andere die Kuchen verſchloſſen/ Jhr Exercitium verbotten/ vnd
jhre Gefäll oder Einkommens an ſich gezogen haben/ wie es dann der Printz von Bran-
denburg zu Gülch begert/ iſt doch ſolches von den Staaden nicht Wein abgeſchlagen
ſondern ernſtlich verbotten worden/ dahero zu verhoffen/ daß der Religion halben keine
Verenderung in dieſen Landten von den Staaden wird geſtattet werden/ es müſte dann
zum offenen Krieg kommen.

Auß Franckreich ſchreibt man daß die Sachen ſich ziemlicher maſſen zum Frieden
ſchicken/ vnd ſolle Monſ. Sillery allbereit von Hof abgeſchafft ſeyn/ ſo ſolle Monſ. Biglion
auch gewichen ſeyn/ der Duca de Vendoſme hat ſein Volck in Brittanien/ will ſolches
nicht diſarmiren/ biß das Regiment reformirt/ der Præſident Jay ſo langt Zeit gefäng
lich geweſen/ iſt vom König wider ledig gelaſſen/ der ſolle zum Printzen von Conte ziehen
vnd demſelben mit Recht beywohnen die Gedeputirte vom König ſeynd/ der Marſchalck
Briſac. Monſ. de Villeroy vnnd Monſ. Pontchartrain/ vff Seyten der Printzen/ der
Printz von Conte/ Bullion vnd Sully/ man helt darfür/ weilen im Königreich wegen
beydentheil Kriegsvolck groß Jammer vnnd Ellend/ die Sachen werden ſich accomo
diren laſſen/ Obwol die Printzen in letzter Zuſammenkunfft begert haben/ daß des Kö-
nigs Deputirten/ deß Königs von Engellandt vnd der Staaden Abgeſandten im Rath
auch ein Sitz ſolten vergünſtigen/ vnd Jhr Kutduncken mit anhören/ iſt doch ſolches
durch den König wie auch durch Sein Fraw Mutter abgeſchlagen worden/ mit vor-
geben/ meilen dieſe Sacken das Kördareich allein betreffen/ vnnd allein zwiſchen dem
König vnd ſeinen Ständten muß angehört vnd vergliechen werden/ vnnd keine Auß-
ländiſche darmit zuthun haben/ alſo köndte man bey dieſen Einheimiſchen Sachen kein
frembde leiden.

Auß Rohm vom 20. Februarij.

Auß Lyon hat man/ daß die Huggenotten von den vier Prouintzen Lio-
neſi, Foreſt, Feanuoys vnd Dambas eine Verſamblung gehalten/ darauff beym
König ſupplicirt/ Jhnen zuvergönnen ein Parlament der Orten auffzurich-
ten/ dargegen wolten ſie Jhrer Mayeſt. 200000. Pfundt bar erlegen/ auch vff
ein Jahr 25000. Soldaten vnderhalten.

Donnerſtags ſeynd etliche Jeſuitter/ ſo nach Jndien reiſen mit Bollum-
nen zu Schiff gangen/ dero Orten die Religion fort zu pffantzen.

Der Pabſt hat zu mehrer Prouidierung dieſer Statt in 20000. Aubie
getreydt/ auß der Jnſul Sardegna allhor zuführen beſtellt/ vnd iſt zu Florentz die-
ſe Faßnacht eine Comædi gehalten worden/ aber der Saal eingefallen vnd in die
50. Perſonen geblieben.

Aus Venedig vom 26. Ditto.

Hieſige Herrſchafft hat vber den groſſen Gallion ſo künfftigen Auguſti
nach Leuante ſegeln ſolle/ dem Sig. Almenigo Balbi mit 8. Adels Perſonen 200.
Soldaten vnd 70. ſtück Geſchütz verordnet/ der darüber vffgehende Vnkoſten
aber ſolle geſchetzt/ vnd von den Jnecreſſirten Kauffleuten in vier Friſten alle 3.
Jahr bezahlt werden.

Der alte Gubernator von Majlandt iſt zu Madril wol ankommen/
vnd hat wider ſeiner Widerwertigen Willen gar genedige Audientz gehabt.

Auß Friaul hat man/ daß die vnſerigen etlich 1000. ſtarck nach Zara
auffgebrochen/ auch ſelbigen Porto bemächtiget/ von dannen das Geſchütz ge-
gen Gradiſca zupflantzen/ ſeyen doch dieſelbigen herauß gefallen/ vnd der Vn-
ſerigen ſonderlich deß Conte FranceſcoMartinengo Sohn hart beſchediget/ ſon-
ſten ſeynd 40. Cappelleti geſtreifft/ etliche Karren mit Punition ſo dahin fah-
ten wöllen bekommen. Sonſten ſeynd vnlängſt dem Ertzhertzogen 1000. Muß-
quetirer/ 500. Archibuſirer/ vnd 500. doppel Soldner zu kommen/ vnd erwar-
ten von Cromburg auch noch 1000. Mann.

Auß Jſtria hat man/ daß die Vſcochen der Orten groſſen Schaden ge-
than/ haben Nachtszeit in Porto/ Cigalla/ in der Jnſul Oſſana etliche Bar-
chen geplündert.

Auß Corſtantittopel wird vortwelt/ allda werd ſtanck die Trfernalstars
beitet/ eine mächtige Armada außzurüſten/ den vertriebenen Weywoda durch
den Sander Baſſa in die Moldaw ein zuſetzen/ welcher Weywoda dann bereyt
ein Caſtell in der Moldaw eingenommen/ darinn ſeinen Secretari neben an-
dern mehr ſo mit Polen ein Verſtandt gehabt nieder hawen laſſen/ vnnd wird
von Alepo deß Veziers Vffbruch nach Perſia beſtettiget/ weilen verlaut/ ſei-
biger König were wegen ſeiner groſſen Tyranney/ von den vornembſten
ſeines Hofs vmbbracht worden/ daher erwartet man mit
nechſtem mehr gewißheit.

Auß deß Graffenhaage vom 14. Martij 1616.

Jt die Jüngſte auß Franckreich haben wir Aviſo/ welcher geſtallt des Königs
natürlicher Bruder Duca de Vendoſme ſich nunmehr auff der Vnyrten
Fürſten Seyten erklärt/ vnd mit allem ſeinem Kriegsvolck ſo vngeſehr 12000.
zu Fuß vnnd Roſſz ſtarck/ zu denſelben geſtoffen/ vnd weilen Er de Vendoſme
ſich bißhero neuteral gehalten/ vnd ſich keinem Theil anhängig machen wollen/ auch de-
rohalben in gemachtem Anſtandt daſelbſten nicht begrieffen worden/ hatte derſelbe als-
bald nach beſchehener obgemelter Erklärung ſo vff der Reuirung von Rouan als vor
Bordeaux etliche Oerter einnehmen laſſen/ vnd die Päß dero Orten verſichert/ auch
etliche Compag. deß Duca de Guyſe Volck zertrennt vnd geſchlagen haben/ Wormit
die Friedenshandlung wol gar zurück gehen möchte/ dann ohne deß beyderſeyts petitio-
nes gar ſchwer vnd noch weit von einander/ den Erfolg gibt die Zeit.

Auß Engellandt haben wir dißmahls allein/ daß alle Sachen wegen der Geſan-
gene biß zur Ankunfft des Königs Ambaſſ. auß Hiſpanien beruhen theten/ Vnnd daß
nicht deſſelbigen/ ſondern deß vor dieſem geſtorbenen Obriſten Schatzverwalters Se-
cretarius apprehendirt worden ſeye/ weilen man an jetzo entdecket/ daß ſelbiger Verwal-
ter auch ſeltzame Sachen vor: vnd getrieben gehabt.

Man will allnoch für gewiß außgeben/ daß die Herꝛn Staaden mit Jhrer Majeſt.
zu Groß Brittania nun allerdings vergliechen/ vmb die Veſtung Fliſſingen/ Beiel/
vnd Rammekens gegen erlegung etlicher hundert tauſend Gülden bar/ vnd der Reſt in
zwey Terminen abzulöſen. Die Engelländiſche Soldaten ſollen noch für vltimo huius/
oder kurtz darnach von dannen ziehen.

Die Kriegswerbung vnd zugehörige Bereitſchafften in den Welſchen Quarti-
ren/ auch zu Lüttig/ in Flandern vnd Braband/ werden auß Antorff/ vnnd von denen
Orten jederzeit confimirt/ vnnd ſeyen die Spanniſche Willens/ ſo bald der Conte de
Bucquoy mit des Königs eygentliche Reſolution aus Spania wider zu rück kompt/
alsdann jhr Vorhaben ins Werck zuſtellen/ wie dann zu dem End zu Maſtricht noch
300. Pferdt geworben/ auch daſelbſt zu Mecheln/ vnd an andern Orten viel Wagen
vnd andere Feltbereitſchafften gemacht werden/ vnnd ſeyen in den Landten von Lützen-
burg vnnd Limburg auch allbereyt in 800. Reutter von den Spaniſchen auß Jtalien
arriuirt/ Die meiſte Vermutung allem anſehen nach/ ſcheinet/ daß ſie willens Bülch zu
belägern vnd ſich ſo weiters ſelbiger Landen zu bemächtigen/ werdens aber nicht ſo wol-
ſeyl bekommen/ als ſie villeicht vermeynen.

Weilen die Außſprach in cauſa Borckelo den Herrn Graffen von Stirumb ain
Geldriſchen Hof zu Arnheim zu gutem beſchehen/ ſollen die Geldriſche Ständ auch als-
bald Execution haben thun laſſen/ vnd zu dem End in 2000. zu Fuß/ vnd 4. Compag.
zu Roſſz neben 5. Stück Geſchütz vnd allenötige Zubehör dahin geſchickt/ die dann das
Stätlein vnd Schloſſz Borckelo ſo zimblich veſt/ vnd im Moraſt gelegen/ neben noch 3.
oder 4. andere Häuſer vnder ſelbige Herrſchafft gehörig/ alsbald erobert/ vnd den Graf-

ſen in völliger poſſeſſion geſetzt. Die Spanniſche von Groll waren auch 800. ſtarck zu
dem end außgezogen/ kamen aber eine Stundt zu ſpät.

Durch Geſterige vnnd Vorgeſterige Sturmwinden ſeynd nicht weit von hinnen
in dem Occcano widerumb verſchiedene Fiſchers: vnd andere Schiff mit Volck vnnd
alles geblieben/ geſtallt daß man die Leuth täglichs Todt auff dem Geſtad des Meers
findet.

Auß Cölln vom 24. Martij

Es will ſich je länger je weniger in dieſen Gülchiſchen Landen noch zu keinem gu-
ten End recht ſchicken/ damit die Vnderthanen deß ſchweren Laſts der Soldaten/ möch-
ten entlediget werden/ auch die Kauff- vnd Wandersltut gegen vorſtehender Franck-
furter Meß/ ſicher vff den Landeſtraſſen ſeyn möchten/ vnd ob wol viel der Straſſenrau-
ber zu Düſſeldorff/ Gülch/ Mörß vnd andern Orthen gefänglich eingezogen worden/
will ſich doch niemand daran kehren/ ſondern lauffen hauffen weiß herauſſer/ vnd ſehen
wo ſie Beut machen können.

Man hat vor dieſem viel von der Spaniſchen Werbung diſcurriret vnd geſchrie-
ben/ welches ſich aber jetzt nicht will erfolgen. Weil nun mehr die Execution zu Franck.
furt fürvber/ iſt dieſer Tagen ein Keyſerl. Befelch an Burgermeiſter vnd Raht der Statt
Aachen kommen/ daß man die jenige Perſonen/ ſo vor dieſem den jetzigen Catholiſchen
Raht abgeſetzt vnd vertrieben/ in Verwahrſamb nemmen vnd anhalten ſollen/ darauff
der Magiſtrat in die 24. Perſonen in jhren Häuſern vrrarreſtirt vnd mit Soldaten ver-
wachen laſſen/ daß alſo keiner auff ſeinem Beth ruhen mögen/ ſondern Tag vnd Nacht
bey den Soldaten bleiben müſſen/ Folgends als der geweſener Burgermeiſter Adam-
Schanternell deß Morgents auff den Marckt gangen vnd dieſes vermerckt/ hat er ſich
von dannen gemacht vnd verſteckt/ als man jhn aber vberall nit allein in ſeinem ſondern
auchandern Burgers Häuſſern geſucht/ vnnd nicht gefunden/ hat der Magiſtrat ein
Mandat publiciren vnnd anſchlagen laſſen/ daß niemand ſelbigen Schanternell bey
verluſt Leib vnd Leben auffhalten oder verbergen ſolte/ da jhn aber jemand anbringen
köndte/ ſolten demſelbigen 100. Reichsthaler verehrt werden. Weilen aber nun groſſer
Vnkoſten wegen der Soldaten hierauff gehen thut/ vnnd viel Burger ſelbigen nicht er-
rragen können/ Auch vieleicht dieſelbe die meiſte Vrſächer dieſes Welcks ſein möchten/
Alſo hat man deren ellche hin vnnd wider vff die Pfordten geſetzt/ vnd alſo verwahren
laſſen/ andere aber/ ſo beſſer Mittel/ hat man auff Caution relaxirt/ wie es nun weiters
hiemit wird abgehen gibt die Zeit.

Von Vetrecht wird geſchrieben daß die General Staaden jnnerhalb 6. Tagen
eine Zuſammenkunfft halten werden/ vnnd ſich in gegenwertigem Zuſtandt in jhren
eygnen als auch den benachbarten Landten zu berahtſchlagen/ ſonſten ſollen ſie befohlen
haben/ daß alle Capitain ſo nur 70. Mann in jhren Compag. biß auff 114. Mann ver-
ſtrecken oder vermehren ſollen.

Auß Engellandt wird gemelt/ daß ſelbiger König ſich nochſtarck bewerben thut/
mb die Sachen ſo wol in Franckreich als in dieſen Landten zuvergleichen/ Jnmittelſt

möchte es wel zwiſchen ſelbigem König vnd den Staaden ein Streit geben/ weilen die
die Staaden dem König angebotten dieſelbige Plännungen ſo die Königin Eliſabeth
Jhnen vorgeſchoſſen zu reſtituiren/ vnd alſo die verhypotheſirte Stätt/ als Bergen vff
dem Sohm/ Friſſingen/ vnd wie ſie Namen haben widerumb an ſich zu löſen/ vnnd von
den Engelländiſchen Beſatzungen wider frey zu machen.

Es ſeynd newlich etliche Seerauber auß Engelland auff Beuth außgefahren/ vnnd bey
Geelandt 2. Schiff angegriffen/ vnd als ſie nun auff dem erſten gute Bekandten vnnd
Böttsgeſellen gefunden/ haben ſie daſſelbige vnbeſchediget ſeinen Weg fahren loſſen/
bald darnach ein anders angetroffen/ welches ſich jhnen widerſetzt vnd davffer geweh-
tetaber zu letzt ſich ergeben muiſſen/ auß welchem ſie 32. Pack Engelländiſche Tücher
rommen/ vnnd was jhnen ſonſten gedient
Staaden.

haben wir Confirmation vil fäliſe eement/ day der griedeh
zwiſchen dem König vnnd dem Printzen von Cöntt gewiß beſchloſſen/ weilen ſich alle
Geiſtlichen vnd eyfferig Catholiſchen der Sachen angenommen/ vnd der Sig. de Ville-
roy vnd Mareſchalde Angte reconſiliut/ vnd der Cantzler bey der Königin nicht viel
Audientz mehr hat/ vnd deßwegen alle ſeine Güter verkauffen/ vnd ſich nacher Jtalien
begeben will.

Auß Reeß vnd Emmerich wird gemelt/ das viel geladene Schiff an beyden Ortten
auffgehalten werden/ vnd man ſie nicht will fahren laſſen/ ſie bezahlen dann Neue Zol
vnd Licenten/ welches die Schiffleut nicht thun wöllen/ ſondern die jenige/ ſo von hier
hinab werts gefahren zu Reeß verblieben/ andere ſo noch vnder wege/ vnd auch noch hie
im Laſt ſein wollen nicht forth fahren/ die andere aber ſo von vnden herauffer fahren
wöllen/ ſein zu Emmerich vnd darunden her verblieben/ daß alſo viel Verhindernuß
den Schiffleuten angethan wird/ vnnd hat der König von Dennemarck viel Reiniſche
Wein ſo Zoll frey ſeyn dabey/ ob dieſe Verhinderauß nun deßwegen beſchehen/ oder a-
ber/ ob man das Gelt ſo die Staaden dem Printzen von Brandenburg vorgeſtreckt/ wie
man von vnderſchiedlichen Orten ſchreibt/ hierauß erzwingen will/ kan man nit wiſſen.

Von Bruſſel wird gleichfalß der Fried in Franckreich confirmirt/ vnnd ſolle der
Spinola ehiſt in die Gülchiſchen Landern ſich verfügen/ auch ſolle der Graff von Reif-
ferſcheid etlich 100. Pferd für das Hauß von Oeſterreich dieſer Orten werben/ wie ver-
laut/ ſollen dieſelbigegegen die Venediger gebraucht werden.

Auß Rohm den 5. Martij.

Dienſtags iſt allhie vor der Pfordten S. Johan Laterano vff den Fluß Marrana
Fewer in die Pulver Mühl kommen/ dardurch dieſelben Gebew vnd 15. Perſonen in die
Aufft geſtogen.

Auß Venedig den 11. Ditto.

Mayländiſche Brieff bringen/ die Grawbünter halten hoch/ daß keiner durch
jhrem Gebiet den Venedigean zuziehen ſolle/ ſo hat der Gubernator ſeine Gräntzen zu
dem End auch wol verſehen/ vnnd deß Obriſten Regiment Kriegsvolck neben andern

von Pauia nach Carmona geſandt/ ſo werden in Alerandtia alle Kriegs Munitiones
vnd Geſchütz auch zu Schifff geladen/ vmb nach Loden vnd andern Behen nach/ Ver
nedig zu zuführen.

Auß Juaul dar man/ vnſer Läger wert vff 1: diß vff einen Muſquetenſchuß nahe bey
Gel vnca kommen/ Jhr Batterey verfertiget/ vnd alſo bald mit 16. ſtück Geſchütz die
Stau beängſtliget/ alldereyt 2. Thurn vnd viel Häuſer zu Grund geſchoſſen/ haben be-
nebens einen verborgenen Weg bißß an die Mavren zu gericht/ entgegen aber diein der
Veſtung vnder andern den Capitain Bernhard Carelli vnd der Capitain Moiiavian
Gendrich/ welche an den Treniſchen bawen erſchoſſen/ auch zwo Schantzen bawen/ vmb
den Füuß Liſonto zu befreyen/ damt fe noch eptſat betammen möch en/ als aber p.
vnd zwey ſtück Geſchütz iu die Ve-
/ vnd 2. ſtück

Die Gallera Grittl iſt mit 2. Barchen Romanitze genannt/ mit Geſchütz/ Mu-
nition vn 50000. Cron. fürden General Loredan nach Jſtria gefahren/ von Dannen hat
man/ daß S. Excell. nach dem Caſtell Antignano bey Raſpo verrückt/ vnder deſſen aber
deſſelben Gubernators Sohn/ welcher mit jhnen zu ſcharmützeln außgefallen/ geſan-
gen bekommen/ darauff der Vatter ſeinen Sohn zu erledigen ſich ergeben/ iſt alſo der-
ſelbe Caſtell beſetzt/ der General aber nach Zenin in die Graffſchafft Pifin verrückt/ ſol-
ches Caſtel zubelägern/ vnd iſt der General Zan mit 2000. Soldaten vff ein Impreſſa
Zerbnitz zugezogen.

Hieſigt Herrſchafft hat den Gubernatorn vber die armirte Gallern befohlen/ zu
Brauio de Mama eine gute Anzahl derſelben Völcker zuwerben/ welche neben 1000.
Sfarchletel vff 20. Galleren hieher gebracht werden ſollen/ dieſes Kriegs halben ſind
auch alle Banditen/ welche der Herrſchafft dienen wöllen/ beſchrieben/ vnd jhnen vff ein
Jahrlang Gelaidsbrieff zugeſandt/ doch außgenommen/ offene Rebellen Münsmei-
ſter vnd Friedenterſtörer.

Auß Cracau vom 26. Februarij.

Dißmal wenig Newes/ dieweilen der Königliche Princeſſin Kindtauff
zu Warſchau ſtattlich vollendet worden. Vnnd Jhre Fürſtlich Durchl. Ertz-
hertzog Carl Biſchoff von Neus/ allda bey gewohut haben/ deſſen verhofft man
Heut oder Morgen allbero.

Jn Warſchaw befinden ſich die Türcken vnd Tartariſche Bottſchaff-
ten/ weichegen Polen den Frieden gantz auffſagen/ vnd ſich als Feind zum Krieg.
begeben wellens/ weilen die Caſſaggen/ ſo groſſen Schaden gethan.
haben ſollen.

Auß des Graffenhaage vem 21. Martij. 1616.

An ſchreibt jetzt mit die Jüngſte auß Franckreich/ daß weilen der Confœde
rirte Printzen mit denen von der Reformirten Religion ſich dero Zeit nun-
mehr ſo ſtarck vff die Bein befunden/ vnd noch täglichs ſtärcker werden/ auch
von Jhrer petition anderer Geſtallt nicht zu welchen gemeynt/ dann wie ſie
ſich vnlängſt mit des König Deputirte eingelaſſen/ ſollen die Sachen zu erlangung ei-
nes guten Friedens nun ſo weit gebracht vnd abgehanbelt ſeyn/ daß nur noch ein eintziger
Punct ſo von des Königs Seite noch ein zu willigen/ vnerörtert ſtünde/ nemblich daß
iu ob gedachten Religion verwanden in allen Stätten von gantz Franckreich/ wie-
wol andere ſagen/ nur in jeder Prouintz daſelbſt/ eine Kirch vmb zu predigen/ ſolle einrau-
men/ vnd wie mans darfür helt/ möchte diß auch noch wol eingewilliget werden/ Run-
wie dem allem/ werden wir in kurtzem vernehmen.

Dem vnangeſehen wollen anhere ſo Vorgeſtert von den Frantzöſiſchen Grän-
tzen allhie arrivirt/ von vorgemeltem noch nichts wiſſen/ ſondern ſagen/ daß beyde Theil
ſich noch eben ſo ſtarck zum Kriegrüſten/ weren auch die Kriegswerbungen der Spa-
niſche in den Welſchen vnnd andern Prouintzen nicht ſo groß/ als man darvon geſchrie-
ben vnd außgeben/ Dann was geſchicht/ war allein vmb die Compag. ſo des Sterbens
vnd Außreiſens halben gar geringert/ wider etwas zu verſtercken/ wenn aber der Conte
d'Bucquoy aus Spania zurück kōme/ dann möchte man erſt eins oder anders vernemen.

Sonſten will man auch ſagen/ daß der König vnd Königin von Franckreich den
Herꝛn Staaden zugeſchrieben vnd begert/ die Frantzöſiſche Regimenten/ weilen Jhre
Majeſt. Sie jetziger Zeit daſelbſten bedürfftig/ deroſelbe folgen zu laſſen/ ob diß nun alſo
geſchehen wird/ gibt die Zeit.

Das Geſchrey hat auch etliche Tag gangen/ als ſolle der Printz von Vranien in
Franckreich Todts verfahren ſeyn/ weilen man aber hier zu Hofbey Jhrer Printz. Excell.
oder dero Herꝛn Bruder darvon noch keine Nachrichtung/ wird dem kein Glauben zu-
geſtellt.

Sonſten ſollen die Geſandten der Herꝛn Staaden vnd Printz Henrichen/ ſo bald
der jenige Geſandter ſo deß bewuſten Heyraths halben zum Printzen von Vranien ab-
gefertiget/ ſolches Jhrer Fürſtl. Gn. zu erkennen zu geben/ wider zu rück kompt/ alsbald
nacher Caſſel verreyſen.

Es hat ſich vor wenig Tagen/ allhier ein ſeltamer Fall zugetragen/ dann ein vor-
nehmer Jubilirer von Ambſterdamb Hauß von Welp genannt/ (welcher mit vielen gar
köſtlichen Kleinottern vff allhero kommen/ vnd ſolche bey Jhrer Excelledero Herꝛn Bru-
der Printz Henrich vnd andere vornehme Herꝛn gezeigt/ auch durch dieſelbe/ vnd in Spe-
cie Hern Printz Henrichen deren etliche bebungen worden) vnder Wegs/ wie er wider
mit den Kleinottern nach dem Loſament gewolt/ vnd niemand bey ſich gehabt/ iſt verloh-
ten/ vnd biß Dato noch nicht wider gefunden worden oder zum Vorſch ein kommen/ ge-
ſtallt daß man nicht weiß/ wo er mit den Kleynottern (ſo vff 100000. Kronen geſchetzt)

geblieben/ Derowegen Vorgeſtert mit Trommenſchlag vnd ſonſten offentlich publicirt/
daß der jenige ſo Jhn antreffen kan/ eine gröſſe Verehrung bekommen ſolle.

Auß Engellandt haben wir allein/ daß ſelbigen Königs Ambaſſ. aus Spanien
noch nicht kommen ſey/ derowegen mit der Gefangenen Sach allnoch eingehalten wird.

Die Engelländiſche Guternat zu Fliſſingen/ Briele ꝛc. ſollen ehiſt die Schlüſſel
von den Pferten an ſelbige Magiſtraten vberlieffern. Die Soldaten ſollen noch mehren.
theils daſelbſt/ biß ſie jhre Häuſer vnnd anders verkaufft/ auch die Schulden bezahlt/ ſo
lang verbleiben mögen/ vnd ſolche Veſtungen mit der Herrn Staaden Guarniſonen
beſetzt werden.

Auß Coͤlln vom 31. Martij Anno 1616.

Von hie auß iſt jetzt wenig newes zu ſchretben/ dan es vberall gar ſtill/ vnnd ob woll
man vor dieſſem viel von Kriegswerbung geſchrieben/ wirdt doch wider damit einge-
halten/ vnd verhofft man die Stritigkeiten zwiſchen den beyden Fürſten/ Brandeburg
vnd Neuburg werden verglichen/ vnd ein gutes vertrawen vnder Jhnen angeſtelt wer-
den/ dann der Printz von Brandenburg zimlicher maſſen darzu gennigt/ derowegen die
Hinderlaſſenen Räthen Jhrer Fürſtl. Gnn ein Errinnerungſchreiben vbergeben/ Jn
welchem ſie gar Außführlich anregung deß vorſtehenden Vnheils gethan auch vnder-
tdenig gebetten/ daß Jhre Fürſtl. Gn zu Auffrichtung deß Friedlichen Weſens vnd guter
vertrawlichkeit zwiſchen deroſelben vnd Pfaltz Neuburg verſtehen vnd folgen wölte/ dar-
auff Jhr Fürſtl. Gn. geantwortet/ daß Sie nicht/ ſondern gegentheil an der guter Corre-
ſpondeurz vnd Freundtſchofft/ ſchuldig/ vnd hetten Sie zwar dem Werck vill zu lang zu
giſehen/ jedoch da es ahn ſeithen Neuburg recht gemeinth/ vnd ein Ernſt geſpürt würde/
elnen ſie Jhrer ſeiths was zum Frieden vnd abwendung alles vnheils dienen möchte/
nſchit er vmben aſſen/ damit dann ſolchem Werck ein anfang gemacht würde/ haben ſie
mehrentheils Jhr Kriegsvolck abgedanckt/ vnd den hin erlaſſenen Rähten befohlen/
dieſſem Friedlichen weſen fortzufahren/ welche dann auß Jren Mitteln etliche Perſo-
nen deputirt, vnd alſo nach Doſſeldorff abgeordnet/ Folgents ſeindt Jhr Fürſtl. Gn.
mit 3. Compagnion Reuther nacher Perlin verreiſt/ von dannen werden ſelbige na-
cher Heydelberg auffbrechen/ vnd die vorhabendt Hochzelt mit deß Churfürſten Schwe-
ſter vollnziehen.

Von Aachen hat man daß daſelbſten der verſtlickten Burger wegen vorſtehenhe
Franckſurter Meß etliche auff Leiſtung ſtarker caution relaxirt, auch deren noch etliche
ſo keine cantion leiſten können hin vnd wider auff die Pforten geſetzt/ vnd ob woll mat
auff din Burgermeiſter Schanternill 100. Reichs Thalet geſetzt/ iſt de doch biß Dato
noch nicht er funden/ vnd will verlauten daß er zu Amſterdam ſich auffhalten ſolle/ vnd
als ein Köhle ſich verkleyderden Bardt abgeſchoren/ vnd alſo ſich herauß geſtochen/
vas nun zu Ankunfft der Kayſerl. Commſarien mit den verhafften Perſonen wirb-
vongenommen werden/ gibt die zeit.

Auß Engelland haben wir nichts ſonderlichs/ alß daß alle ſachen wegen deß Som-
merſets gar ſtill gehalten werden/ vnd vermeinth man es werdt mit der Execution biß
nach Oſtern eingehalten werden.

Auß Rohm vom 12. Martio.

Zu Thurins hat man den gewöhnlichen Jahemarckt zu Aſtipubliciert/ welchem
diel Soldaten zu Verſicherung ſollen zu geordnet werden/ dahero auch in Mentferrato
die Buardia geſterckt wird/ daß Jederzeit in 30. Perſonen in einem Angrieff im Noth-
ſall ſtehen mögen/ ſonſtehe der Sauoier etliche Kriegs Waaſfen/ welche vnderſchiedit-
che Kauffleuth nach Sulæ gebracht/ vngeacht ſie Paßbrieff gehabt/ ſelche nach Franck-
reich zuführen/ arreſtiren laſſen/ biß man Auiſo hat/ daß ſie dem König gehörig/ vnd vmb
Alleſſandrins vff den Conſinen Dell Piamonte befind ſich viel Volcks zu Roſſz vnnd
Fuß/ von etlich Fürſten/ ſo vff des Königs in Spania Vnkoſten/ nach Franckreich ſol-
len geführt werden/ zu Pariß ſeynd 12. Stück Geſchütz auß dem Zeughauß gezogen
worden/ ſolche mit 20000. Kugeln/ vnd 400 Centner Puluer nach Orliens zu führen/
weil die Hofhaltung daſelbſt ſoll angeſtellt werden/ zwiſchen Neapoli vnd Gatta ſeynd
2 Barchen mit Paſſagiern von zween Türckiſchen Tartana gefangen worden/ der
gen zween Neapolitaner Gallern ſo in einem Heinderhalt gelegen/ auff ſie zu geſegelt/ vnd
ein Tartana mit 37. Tüccken erobert.

Auß Venedig vom 18. Ditto.

Jn der Jnſul Veggia thun ſich viel Venediſche Soldaten verſamblen/ vnd als
ſie gleichſamb gemuſtert worden vnnd ein Salue geſchoſſen/ hat einer den Clariſſimum
Anthonium Viepolum/ welcher jhnen auff einem Landt zugeſehen/ erſchoſſen/ den Thä-
ter hat man alsbald gefangen. Allhier ſeynd vnderſchiedliche Soldaten angelangt/
vnd in Friaul zum Läger geſandt worden/ vnd haben die Vnſern bey Sagrado die Vor-
währen abgebrennt/ vnnd zerſtört/ Dargegen haben die Ertzher tzogiſchen 3. Dötffer in
Monſalcone geblindert vnd verbrennt.

Auff den 10. diß/ iſt der Capitain Anthonine vber die Riet eny von Vdene deß-
gleichen ſein Schwager Gradiſca erſchoſſen werden/ n elchem Anhonio die von Vdere
ein Marmelſteinern Seul zu Ehren ſeiner redlichen verblachten Thaten auffzurichten
willens/ wie auch mehr vornehme Perſonen ſo ſich in den Schantzen zu nahent an die
Mawer begeben/ vmb kommen/ in deme ſie der belägeren Schantzen vnd halbe Mohn/ ſo
ſie zue Defenſion der Pforten auffgemacht/ eingeriſſen/ vnnd durchs Geſchütz verwüſt/
haben auch zuen vorigen Geſchütz noch 4. Sdlangen plandirt/ dieſe Veſtung ſtercker
zu beſoieſen/ dargegen aber die darinnen ſied dapffer deſendirten/ wie ſie dann den Fluß
Ruhig durchſtochen/ vnd das Waſſer in die Geäben laiten völle n elche aber durch den
lſſuſt Treiſano Proueditor vber die Reutterey mit einen Reutern verhindert worden.

Bey Comelego nahen Monte Croce bifinden ſich 300. Ertzhertzogiſche Pferdt/
dargegen haben die Venediger7500. Soldaten mit mehr vnderm Volck ſelbiger Grän-
tzen zu bewahren dahin geortnet.

Von Genua hat man die Ankunfft deß Doria Gallern mit einer Million Golts
von Carragena/ allda ſeyen auch noch 800000. Kronen einzuladen.

Im Venediſchen Feltläger hat ſich zwiſchen zweyen Hauptleuten ein Streit er-
hoben/ darüber beyderſeits 6. vmbkommen/ als aber Genera/ Pomptio Juſtiniani mit

mehr andern ſolche Rumor zu ſtillenm zugeloffen/ vnd einer von dieſen Haupcleuten auß
Jhn ſchieſſen wollen/ iſt er vom General erſchoſſen/ vnd Todt auffgehenckt worden/ wie
die in Gradiſca ſolchen Tumult vermerckt/ ſeynd ſie 600. ſtarck zu Roſſz vnd Fuß her-
auß gefallen/ mit den Vnſern geſcharmützelt/ doch mit verluſt beyderſeits zu ruck gewi-
chen/ vnd ob wol die Vnſern verhofft/ ſich durch Mintern der Veſtung ehiſt zu bemächti-
gen/ haben noch die darinnen dargegen miniert/ vnd ſolchem fürkommen.

Auß Prag vom 19. Martio.

Dienſtags iſt Ertzhertzog Maximilianus nach Inſpruck auffgebrochen/ vnd Sot-
tags iſt Jhrer Mayeſt. ein Staffeta von Grätz zukommen/ daß nicht allein Ertzhertzog
Ferdinandi Gemahl Todts verſchieden/ ſondern auch daß die Wenediger Gradiſca ein
genommen derowegen allhier ſtarck Volck geworben wird.

Geſtern früh vmb 6. Vhrn hat man den Knßky/ welcher gleichwol ſehr kranck
auff einer Kutſchen/ darauff ein Beth gemacht geweſen/ vnnd an einem Fuß ein Eyſen
gehabt/ mit 50. Reuter vnd ſo viel Muſquetirern nach Glotz in ſein Gefängnuß geführt/
welcher ſehr trawrig durch die Statt gefahren/ auch von keinem Menſchen valedici-
ret worden/ bey deme iſt ſein Gemahl vnd ſein Sohn geſeſſen/ dann auff der andern
Gutſchen ſein Beichtvatter/ Leib Doctor vnnd zween Diener/ denen noch ein groſſer
Wagen mit Gütern/ daran 8. Pferdt gezogen/ gefolgt.

Daß dieſer Kinßky bey Keyſer Rudolffen in Ungenaden kommen/ vnnd Er deß
DJägermeiſter Ampts entſetzt worden/ hat vervrſacht/ daßer auff ein Zeit zu nechſt dem
Prager Schloſſz in Angeſicht Jhrer Majeſt. dero Hauptmann einen durch ſeinen
Heyducken priglen laſſen/ vnnd als Jhme Jhre Mayeſtet. deß halben ein Rechtstagan-
geſtellt/ vnd nicht auß dem Lande zu welchen befohlen worden/ iſt er deſſen vngeacht dar-
von gezogen/ vnnd ſein Trewloffgkeit vnd Verzeſſenheit gegen dem Landt vermög jüngſt
gemelter Zeugnuß vnd eygner Bekantnuß/ ſich an Jhrer Majeſtet zu rechen angefan-
gen/ ſonſt hat man ſeinen Freunden bey Verluſt Ehr vnd Kut verbotten/ niemandts ſo
wider Jhne gezeugt/ nichts fürzuwerffen/ dann von keiner ſolchen Gnad/ als Jhme wi-
derfahren in allen Hiſtorien nicht gefunden wird.

Dienſtags iſt Graff Colloreto allhier ankommen/ Reutuer anzunemmen/ ſo ha-
ben ſich Jhrer Majeſt. gegen dem von Eckenberg alſo erklärt/ nechſten Montag mit gu-
tem Contento abzufertigen/ iſt nunmehrden Venedigern zubegegnen kein Mittel mehr
abgeſchlagen/ dann mä eniglich die von Jnen dem Hauß Oeſterreich gethane ſchmas
vnd geobten Hochmuth zurechen willig.

Vorgeſtern iſt Herr Cæſar Gall nach Wien paſſiert/ dem wird Herr Biſchoff Cleſell in
wenig Tagen mit den Præſenten nach folgen/ auch die Ambaſſ. fort ſchicken/ Sonſt hat
man den Hauptmann May im Schloſſz vff Befelch der Böhmiſchen Ständt
gefangen/ vnd auff den weiſſen Thurn geſetzt/ gibt allerley Vermu-
tung vnd ſchwere Klag auff Jhn.

Auß deß Graffenhaage vom 4. Aprilis 1616.

An kan auß den Aduertentien ſo vergungene Wochen auß Franckreich kom-
men/ allnoch nicht eygentlich vernehmen/ daß der Frieden (darvon man nun
eine Zeithero ſo viel geſagt vnd geſchrieben) zwiſchen beyden Theilen daſelbſt
beſchloſſen ſeye/ ſondern ſtünde damit noch in vngewiſſen terminis, vnnd ſolle der Duca
de Vendoſme, weilen man Jhme die Gubernamenten von Normandie vnd Brittania
nicht einraumen wöllen/ wider gar mal content von Hof geſchieden/ vnnd der Anſtandt
vff 28 paſſato auß ſeyn/ Doch vermeynten hiernechſt etwas gewiſſers von allem zu-
ſchreiben.

Vergangenen Donnerſtag iſt der newe Engelländiſche Ambaſſ. mit etlichen
Butſchen durch der Herrn Staaden Deputirte gar ſtattlich vor der Generalitet vnnd
Jhrer Printz. Excell. zur Audienz gebracht/ vnd als er ſeine Credentzen vberliffert vnnd
die Propoſition gethan/ iſt Er darnach in gleicher Ordnung wider ans Loſament ge-
bracht/ vnd der Staaden Deputirte zum Mittagmahl bey ſich behalten/ darnacher Jhre
Excell. abſönderlichen viſitirt/ vnd mit einander von verſchiedenen Sachen geſprochen.

Die Jüngſte Brieff vnd Zeitungen ſo auß Brabandt gekommen/ melden noch
nicht daß dero Orten oder im Lützenburger Landt vff den newen Patenten einige Kriegs-
werbung beſchehen/ dann alles noch vff die Widerkunfft deß Conte de Bucquoy au
Spanien beruhen thete/ gleichwol berühmbte man ſich dero Orten vieler ſeltzamer Sa-
chen/ vnd was die Spaniſche vorzunehmen willens/ welches die Zeit lernen wird.

Auß dem Sund werden die Kriegsbereitſchafften vnd Werbungen des Königs
von Dennemarck noch immer zu conſtemirt vnd beſtättiget/ vnd daß es gewiß auff Lübeck
angeſehen ſeyn ſolle/ wie dann ſelbige Statt vor wenig Tagen auch deßwegen an die
Herrn Staaden geſchrieben vnd vmb zeltliche Vorſehung gebetten.

Es iſt vor wenig Tagen der Secretarius deß Ambaſſ. von Venedig auß Engel-
landt allhie ankommen/ wie man ſagt/ mit den Herrn Staaden vnd Seiner Excill. etli-
che Sachen ab zu handlen/ den Effectum hat man ſeiner Zeit zu vernehmen.

Weiln zu Aachen auch etliche Bürger in Jhren Häuſern arreſtirt vnd verſtrickt
worden/ vnnd man gleiche Execution daſelbſt als zu Franckfurt beſorgt/ als ſeynd theils
deren Bewandten vnd Mitbürgern/ ſo ſich in dieſen Landten Häußl ich nidergeſchlagen/
vor etliche Tagen allhie ariuirt/ vnd deßwegen bey den Frantzöſiſchen vnd GroßBrit-
taniſchen Ambaſſ. etliche Vorſchreiben von dem Ertzherzogen Alberto außgebracht vnd.
alsbald nacher Brüſſel verſchickt/ in Hoffnung/ daß ſolche etwas fruchtbarliches wür-
cken möchten.

Auß Coͤlln vom 14 Aprilis.

Wir haben in vnſerm Jüngſten vermeld/ wie daß das Spaniſch Kriegs volck
auß allen Guarniſonen theils herauſſer gezogen/ vnnd ſich bey Beg vnd Wiſell in die
9000. zu Roſſz vnd Fuß verſamblet/ jetzt vernehmen wir deß ſelbiges Kriegsvolckſt ecks
vff Dortmundt mit 14. Compag Reuter/ vnder welchen 5. Compag Kühliſſer mit ſieben

ſtück Geſchütz vnder dem Commendo Graff Henrichen vom Berg begleitet worden/
als ſie nun gen Dortmundt kommen/ ſeynd etliche Deputirte von dem Rath herauſſer
kommen/ vnd mit gemeltem Graffen lang Spraach gehalten/ Jnmittelſt iſt das Kriegs-
volck in der Stattl ein vnnd auß gezogen/ vnd alles was jhnen nötig geweſen/ darinnen
kaufft vnd machen laſſen/ wie nun gemelter Graff den Deputirien ſein Commiſſion er-
effnet/ vnd Erklärung begert/ weſſen ſich Jhre Majeſt. in der Zet der Noth gegen ſelbi-
ge Statt zu verſehen hette/ darauff ſie anfänglich viel Ambages vand außreden geſucht/
endlich aler delſe Antwort geben/ ſie erkennten Jhre Mayeſt vor jhren Herrn/ derowe-
gen köndten ſie derſelben nichts abſchlagen/ ſondern es ſoll die Statt deroſelben bey Tag
vnd Nacht oſſenſtehen/ darneben auch alles was ſie deroſelben in der Zeit der Noth
thun köndten/ gefolgt werden/ bekennten ſich auch Jhrer Majeſt. getrewt Vnderthanen
zu ſeyn vnd bleiben/ vnd da ſie auch wider verhoffen noch etwas ſchuldig weren/ welches
ſich zwar vermög habender Quittung nicht beſtaden wird/ wolten ſie es doch alle Stund
richtig macken/ haben alſo gemelte Deputirten wegen deß Rahts Jhrer Gn. ein Laſt
Weins verehrt vnnd gebetten/ man ſoll ſie mit keinem Guarniſon oder Kriegsvolck be-
ſchweren/ welches auch alsbald verheiſſen vnd alſo von einander geſchieden/ vnd weilen
die Bürgerſchafft din Zeug des Kriegsvolcks ſehen wolten/ vnd hauffen weiß auß der
Statt geläuffen/ hat gemelter Graff durch ſeinen Leutenampt dem Magiſtrat anzeigen
laſſen ſie ſollen Jhre Bürger in der Statt behalten/ damit jhnen kein Vnglück wider-
fahren möchte dann er allerhand Volck bey ſich/ welche nichts liebers ſehen ſolten/ dann
tewan ein gute Beuth zu bekommen/ Jſt alſo mit ſeinem Läger in die Söſter Burd ver-
ruche weiln nun etliche Staadiſche Compag Reutter der Octen ſich befunden vnd ver-
nommen/ daß Graff Henrich mit dieſem Volck vorhanden were/ vnd die Statt Söſter
belägern wolte/ ſeynd ſie eilends nach der Statt geritten/ vnd ſtarck gugehalten man ſolle
ſie hinein laſſen/ Da nun der Magiſtrat dieſes vernommen/ haben ſie die Pforten ver-
ſpert gehalten vnd niemand einlaſſen wöllen/ wie nun Graff Henrich vernommen daß
die Staadiſche ſo nahend bey der Statt/ nimbt Er ſein gantze Cauallercy vnnd läſt das
Fuß Volck mit dem Geſchütz hernacher kommen/ jagt nach der Statt findt die Staa-
diſche Reutter vor der Pforten halten/ dringt ſich mit gantzer Gewalt zwlichen den Reu-
tern vnd Pforten hindurch/ ſchneid alſo den Staadiſchen Reutern die Pforlen ab aber
alles ohn einige Hoſtilitet oder Feindſchafft/ inmittelſt kompt das Fuß Volck auch her-
bey/ als nun die Staadiſchen vermerckten/ daß ſie gar zu ſchwach/ reitten ſie vmb zu der
andern Pforten in Hoffnung man würde ſie daſelbſt einlaſſen/ aber vergrblich/ dann die
Spaniſche auch jhne zuvor kommen/ muſten alſo mit Schimpff vnd Spott abziehen/
Folgends fordert gemelter Graff die Statt auff/ aber der Magiſtrat ſolches nicht bewil-
ligen wöllen/ vnd geſpagt in weſſen Namen ſie die Statt auffgeben ſolten/ als man Jh-
nen geantwortet/ ſie ſollen dieſelbige in Namen deß Fürſten von Newburgs vnnd dem
Spinolæ als einem Keyſerl. Commendatoren vber ſolches Kriegs volck auffgeben/ wel-
ches ſie mit nichten bewilligen wolten/ vnd geantwortet/ ſie wolten ſich Neutral halten/
darauff der Graff geantwortet/ ſie ſolten ſehen was ſie theten/ wo ſie nicht gütlich auff

machen wolten/ hette er die Schlüſſel bey ſich/ vnd könte die ſelbſt auffmachen/ darauff
der Rath ſambt der gantzen Bürgerſchafft zu ſammen getretten/ vnnd ſich hierüber be-
rahtſchlagt/ wie nun die Antwort dem Graffen etwan zu lang worden/ hat er ſein Läger
formrt/ vnd etlich Schütz mit Mußqueten darauff thun laſſen/ darauff die Bürger zu
den Waaffen gegrieffen/ vnd das Oppoſitum gehalten/ vnd etliche Schüß haauß ge-
than/ vnd etliche Perſonen erſchoſſen/ auch etliche verwundt worden/ dahero de Groff
erzürnet/ vnd zu gleich mit groben Stücken angefangen zu ſchieſen/ als nun der wragi-
ſtrat vnd Burgerſchafft den Ernſt geſehen/ auch daß es nicht anders ſeyn köne/ haben
ſte angefangen zu parlamentiren vnd die Statt vff ſichere Conditiones eröffnet wie nun
alle Ordnung geſtellet vnd die Wachten beſetzt worden/ iſt der Graff nach der Lup Statt
gezogen/ ſelbige auch einzunehmen/ wie es nun daſelbſt vnd mit der Statt Ham abge-
hen wird/ gibt die Zeit.

Man ſagt gar ſtarck daß das Staadiſch Kriegs Volck mit Jhrer Macht auch
im Anzug ſeyn ſollen/ ich hab aber noch keine Gewißheit darvon/ da aberſolches geſchicht/
widd ſich der Spinola mit dem vbigen Kriegsvolck auch nicht ſaumen/ dann ſie mit al-
ler Bereitſchafft auffzubrechen auch fertig ſeynd.

Auß Prag den 7. Aprilis.

Allhie hat man Nachricht/ Gradiſch werde je lenger je mehr beſchoſſen/ vnd haben
ſich die Venediger noch darzu geſchantzet vnnd vndergraben/ auch Gradiſca jhnen be-
gegnet/ vnd alſo zurück getrieben/ darüber die Veneriger geſtüꝛmet aber nichts außge-
richt/ ſondern bey 400. Mann verlohren/ iſt gleichwol die Sag ergangen/ die Venediger
hettens bereit längſt eingenommen/ weilen aber Hülff im Außzug iſt hofft man es wer-
de jhnen faſt nun mehr begegnet werden.

Herr Biſchoff Clöſel iſt verſchienen Montags zu Wien ankommen/ vnd ſtattlich
einbegleitet worden/ Es hat allhie Herr Johan Euſebius Kün auch denſelbigen Tag
den Ritterlichen Orden von S. Jacob mit dem Roten Creutz vom Spaniſchen Am-
baſſan der Allerhelligen Kirchen im Schloſſz mit groſſer Solennitet empfangen.

Auß Rohm vom 26. Martij.

Dieſe Wochen iſt ein teffliches Buch von S. Proſpero Farinaci, Tractatus de
hæreſi tulirt außgangen.

Man vernimbt der Palleoi Jeſeiter von Lützelburg vnd deß Ertzhertzogen Fer-
dinandi/ ꝛc. Beichtvatter were wege/ deß Verkotts/ daß ken Jeſuiter im Venediger Ge-
biet ſich betretten laſſe/ im Veroneeſer Gebiet gefangen worden.

Auß Venedig vom 2. Aprilis.

Sontags iſt ein armirte Barcha auß Dalmatia kommen/ mit Bericht/ daß de-
Gene al Zane nach Erdletung Moſcheniz/ mit ſeinem Volck nach Berges verruckt/
daſſelbe Caſtell/ welches am Meer liegt/ mit Gewelt eröbert/ vnnd mit 100. Soldaten
beſetzt.

Auß dem Läger hat man/ vnſer Kriegsvolck habe die eine Mina vnter Gradiſca
vmb 25. Marti angeründet/ aber nicht riel verricht/ dann es zu rück geſchlagen/ vnd bey-

derſelts viel Volcks in die Lufft geſprengt/ darauff die Vnſerigen gleichwol wider ein
Sturmb angelauffen/ aber auch vergebens/ vnder deſſen werden die Mauren vnd vor-
nembſte Häuſer ſehr erſchoſſen. Zu Görtz(welche ſich mit Schantzen wol verſehen) ſeind
abermahl viel Reuter vnd Fußknecht/ ſo dann auch im Läger 600. Albaneſer angelangt/
vnd werden Stündlich noch 4. groſſe Stück erwartet.

Dienſtags früh ſeynd 2. Extraordinari von Maylandt/ eine an hieſige Herrſchafft
die ander an den Spaniſchen Ambaſſ. ankommen/ darauff ein Geſchrey erſchollen/ da-
vff deß Bapſts vnd des Königs in Spanien Vermittlung ein Modum gefunden ſey/
die Strittigkeiten zwiſchen hieſiger Herrſchafft vnd Ertzhertzogen zu accomodiren/ dann
die Unſere allbereit nicht an Gradtſea ſetzen/ ſondern ſich an jhren Orten ſtill verhalt
ſollen Gleichwol ſeynd Heut die Conte Franceſco Martinengo vnd Don Ferdinandi
di Roſsi General Artillereymeiſter nach dem Läger verreiſt

Zu Bergame kommen täglich viel Soldaten aus Schweitz vnd Graubünden/ ſo
ſich nach Cremona vnd andern hieſiger Herrſchafft Gräntzen verfügen/ deren bereit 3.
Compag gemuſtert worden.

Den 26. Martij ſind zu Gennaz. des Doria Galleren aus Spania kommen/
welche 137. Kiſten mit Platten vnnd Realen mit gebracht/ ſo vff dritthalb Million ge-
ſchetzt wird/ vnd vnd erſchiedlichen Kauffleuten zuſtändig.

Auß Trient den 3. Ditto.

Das Spaniſche Kriegsvolck zeugt auß dem Meyländiſchen Gebiet/ nach den
Cremon: vnd andern Venediſchen Gräntzen/ dann ſo ſelbige Herrſchafft nit erkenn
wöllen/ daß ſie das Hauß Oeſterreich in Friaul zu ſehr offendiren/ wird vermuth/ es wer-
de vff jhrer Seyten zum ürgſten außſchlagen/ gantz Tyrol iſt faſt in armis/ dahero den
Venedigern an dreyen Orther kan zugeſetzet werden.

Auß Wien vom 30. Martij.

Der Don Balthaſar iſt nunmehr mit ſeinen 500. Kühriſern allhie vnd andern
Orthen auffkommen/ der befind ſich jetzt allhier/ vnd ſolle noch 500. leichte Pferdt auff-
werben/ deßgleichen wird mit offenem Trommelſchlagen/ vnder einem Graffen von
Thurn noch 6. Fähnlein Knecht vff Hiſpaniſche Bezahlung geworben/ die ſollen Heut
oder Morgen nach der Steyermarck vffden Muſterplatz geführet werden/ vnd
nur noch dieſe/ wie auch der Prager vnd anderer Hülffen zeitlich genugkomen/ hofft
man es werde mit dem Venediſchen Krieg (ob man zwar hat fürgeben/ Gradiſca ſolle
von jhnen eingenommen ſeyn) dann die Venediger in 3. Tagen in 4000. Schüß hinein
gethan/ vnd nach Palwam vmb mehr Stück Geſchütz geſchickt/ dann die in Gradiſca
ſich vff den Bolwercken in der Statt/ wie auch hinder den Schantzkörben nie-
de dörfft ſehen laſſen ) ein Vergleich getroffen werde/ vnd das meiſte
Volck wider zu rück in Oeſterreich kommen möchte.

Auß deß Graffenhaage vom 25. Aprilis 1616.

Eithero melne Jüngſte hat man allhie vnderſchiedliche Adueicenil
Zeitungen auß Franckreich gehabt/ welche an jetzo dahin verlauten/ as ſchei-
tet/ der Friedens Schluß ganin Brunnen fallen will. Weilen man der Pel-
ten ſampt Jeren Allyrten nicht allein nach Jhrem Legeren/ das j nig ſo mit
Jhnen abgehandlet/ vnnd Jhnen zugeſagt/ könte verſichern/ ſondern es wagen auch
Schreiben vom Bapſt vnd König zu Hiſpanien an den König vnnd Königinnet
Franckreich kommen/ mit Ermahnung/ Jhrer Mayeſt. Wider wertige daſelbſt ſo viel
nicht zu zugeben vnd ein zu willigen/ wie nun allbereits beſchehen/ derowegen dann die
Printzen vnd Religionsverwandten daſelbſt ſich vffs new dum Krieg rüſteten/ vnnd
zu dem End wider eine Zuſammenkunff/ angeſtellt/ läſt ficd alſo noch ſelzam dero
Orten anſehen/ ſterrnern Erfolg gibt die Zeit.

Auß Engelandt wird mit die letzr noch anders nichts geſchieben/ dann allen/
daß die Haußfraw deß Sommerſets nunmehr auch bey Jm im Thurn docß in einem
Abſönderlichen Gemach gefangen geſedt ſey/ ſonſt wiſte man noch nicht/ wie es mit
Jhnen vnd den andern Gefangenen ablauffen ſolle.

Weilen die Spaniſche die S. äuSolſt vnd eippftgtt alſo eingenommen vnnd
ſtarck beſetzt/ vnerachtet ſelbige Stättſo wol von dieſelbe als den Stagdiſchen dalie-
puardien gehabt/ vmb Neutral zu bleiben/ auch die Staadiſche Reutter darinn be-
lägert/ beſchoſſen vnnd von dannen geſchafft. Als haben die Herrn Staaden vorwe-
nig Tagen deßwegen vff Bruſſel an den Ertzhertzogen geſchrieben/ vnd zu wiſſen be-
gert/ wie man ſolches dieſerſeits verſtehen ſolle/ vnd was ſie damit anl der Spaniſchen
Seyten vorhaben/ ſampt andern Vmbſtändten mehr.

Interam iſt der Obriſte Stackenbreeck von Soeſt allhie erſchienen/ vnnd dey
Herrn Staaden Jhre Printz Excell. ſambt die reſidirende Ambaſſ. vom gantzen ver-
lauff zu Soeſt vnd Lippſtatt vmbſtändige Relation gethan/ warüber danntäelichs de-
tiberirt wird/ vnd war Jhre Excell. Donnerſtags wol drey Stund lug im Rath von
Staaden vnd KriegsRaht/ man meynt daß ſie daſelbſt ein endlichen Schluß werden
gemacht haben/ was man dieſerſeits auch vernehmen ſolle/ dar von man den Außgang
ſeiner Zeit erfahren wird.

Sonſten ſeynd die Brückenbereiſchafften/ Geſchütz vnd andere Sachen ſchon
nach Schenckenſchantz vnd Reeß geſchickt/ vnd wird täglichs mehr new Geſchun elſ-
hie probirt vnd hinauff geſandt/ Zu dem möchte Herr Printz Henrich Friederich ma-
in kurtzem einen newen Zug vornehmen/ dann alle beſchriebene Gubernatores vnnd
Kriegs Obriſte dieſer Landten ſich jetzt allhie beftaden/ vnnd wird Herr Graff Will-
helm Ludwig auß Frießlandt auch täglichs allhie erwartet/ Wie dann Herr Graff
Ernſt Caſimir von Naſſaw/ ꝛc. ſchon arriniet iſt/ man meynt daß ein jeder ſein Be-
felch/ was Jhme zu thun obligen ſolle/ bekommen wird.

Deß Printen Heneichen Sclaß ober Hofallhie wirh teto Jnvnb außwendig

gar ſtattlich zugerüſt vnd gebawet/ wie verlaut/ ſolle der Heyrath zwiſchen Jhre ſ. St.
vnd dem Fräwlein von Heſſen in kurtzer Zeit fortgehen.

Vor wenig Tagen hat der Venediſche Secretariuts vor den Herrn Staoden/
General widerumb Audientz gehabt/ vnd ſeine Abfertigung bekommen/ etliche erachten.
daß er vor die Venediger Hülff erſucht/ vnd guten Beſcheyd ſolle erlangthaben/ den-
Erfolg hat man ſeiner Zeit zu vernehmen.

Auß Coͤlln vom 5. May.

Wir haben dieſer Orten wenig newts zu ſchreiben/ weilen alle Sachen wegen/
der Gülchiſchen Landten in prioribus terminis beruhen thun/ allein thut man zu Düſ-
ſeldorff mit fortificirung ſelbiger Statt ſtarck fort fahren/ wie dann auch ehiſt zu Weſell.
beſchehen ſolle Interim bleiben/ die arme Vnderthanen mit den Soldaten beſchwerꝛ/
vnd iſt damit nicht genug/ ſondern wöllen die von Gülch von eim jeden Morgen Lands
ſo wol von den Geiſtlichen als Weltlichen Monatlich 4. Cölniſche alb. haben/ vnnd da
ſie ſolches nicht gern bezahlen wolten/ wöllen ſie dieſelbige wol mit Gewalt von jhnen
erzwingen/ vnd künfftiglich kein Korn auß dem Lande folgen laſſen/

Auß Engellandt wird gemelt/ daß ſelbiger König mit deß von Sommerſets nichts
will zu thun haben/ weilen Er an dem vnſchuldig befunden ward/ ſo man Jhn ange-
klagt hat/ nemblich daß er vom König in Spanien zu ſeinem Vornehmen ſolle beſtelt
ſeyn/ möchte alſo noch wol mit dem Lehen davon kemmen vnd perdonirt werden/ ſon-
ſten will mans noch vel geniß halten/ daß ſelbiger König von Spanien widerumb
den vor dieſem gemelten Heyrath mit dem jungen König vnd der Infanta von Spa-
nien tractire vnd ſollen die Sachen allbereit ſo weit getrieben ſeyn/ daß gantz vnnd gar
nicht mehr daran zu zweifften/ wie lang es aber noch wird anſtehen/ kan man nicht
wiſſen.

Auß Pariß wird vom 25. paſſato geſchriefen/ vnd der Frieden conſi mirt/ vnnd
erwart man des Königs jnner 10. oder 12. Tagen gewiß zu Pariß/ der Duca de Guiſz
aber ſoll mit dem Principaln Läger noch vmb Londum liegen bleiben/ zu was End kan
man nicht wiſſen/ ſonſt ſolle der Graff von der Lpp mit ſeinem vnderhaben den Kriegs-
volck den Venedigern zu ziehen/ die Teutſche Reutter liegen noch in Jhren Guarni-
ſonen/ ſterben täglich für Fuß/ wie dann newlich ein Graff von Naſſaw auch Todts
verfahren. Der Marquis de Ancre iſt newlich zu Pariß geweſen/ vnd vermeynt in die
Paſtilia zu kommen/ weilen er aber von einem guten Freund gewanet worden/ hat er
ſich in der ſtill wider darvon gemacht/ were ſonſt von der Bucgerſchafft die Jhm gar
ſeind (weilen er dieſes Kriegs ein Vrſacher ſeyn ſolle) zu toht geſchlagen worden/ iſt al-
ſo nach Amiens geritten vmb ſeine Sachen daſelbſt hinweg zu ſtellen/ weil ſelbiges
Caſtell ſol demolirt werden/ vnd alſo nach dem Spaniſchen Hofzuziehen/ was er nun
gilda verrichten wird/ gibt die Zeit.

Auß Spania wird geſchrieben/ daß ſelbiger König ſich ganz vnd gar reſoluirt
vnd beſchloſſen/ ſeinen Sohn Don Carlo in dieſe Niederlandten nach Beuſſel zuſchi-
cen/ omb allda als ein Erb ſelbiger Landten Hofzu halten/ derowegen noch 2. Million

Golt durch die Kauffleut nach Brüſſel remittiren laſſen/ wie verläut ſoll der Contẽ
de Bucquoy des Königs/ Reſolution auch bekommen haben vnd mit gemeltem Jnn-
gen König durch Franckreich vnd vff Pariß zu kommen/ allda er ſeine Schweſter die
Königin daſelbſt beſuchen/ vnd folgents fort vff Bruſſel rayſen.

Auß Liſabona wird geſchrieben/ daß daſelbſt 6. Coracken gar reich beladen auß
Jndia angelangt/ von welchen man vor dieſeug ſchrieben/ daß der Staadiſche Ade-
miral Spilbergen ſolle bemächtigt vnd vberwunden haben/ ſonſten ſollen die Steina-
niſche Galleren der Orten 6. Seerauber Schiff/ doch mit hülff etlicher Holländiſchen
ſo auff die Corſaren auß gefahren/ in Grundt geſchoſſen/ auch 5. der Vornembſten
gefangen bekommen/ vnnd 3. andere ſo Jhnen entrunnen nach verfolgt haben/ Jn
gleichem ſollen deren auch 7. ſo ein greſſen Raub bey ſich gehabt/ bey Thunis einge-
lauffen ſeyn/ da ſich alsbald etliche Holländiſche Kauffleut befunden/ welche jhnen
gemelten Raub abgekaufft/ wie nun ſolches von den Herrn Staaden verſtanden wird/
hat man ſeiner Zeit zu vernehmen.

Zu Marſilia erwart man täglich ein Schiff auß Spania/ welches vor die Kauff-
leut etliche 1000. Ballen Seiden/ vnd für den König von Franckreich 800000. Rea-
len von Auchen mitbringen thut/ ob nun ſolches Gelt der Königin Heyrath Steur/
oder ob es ſonſten dem König verehrt/ gibt die Zeit.

Von Brüſſel wird geſchrieben/ daß der Ertzhertzog Albertus vnd die Infantin
ſein Gemahl alle Jhre gehorſame Prouintzien vnd Landt Stände bahln verſchrieben/
zu was End iſt vnbewuſt/ gleichwol gehet die gemeine Sag/ daß ſie willens ſeynd/ die-
ſelbige Jhres Eydts zu erlaſſen/ vnd die Landten dem Jungen König Carlo davon
oben gemelt/ zu reſigniren/ weilen Jre Hoch F. Durchl. etwas ſchwach von Natur/ vnd
alſo prouiſto möchten dahin ſterben/ ſollen aber doch die Regierung in deß Jungen
Königs Nämen verwalten/ ob dem nun alſo/ oder ſonſt etwas anders dahinden ver-
borgen gibt die Zeit.

Auß Vtrecht wird geſchrieben/ daß die General Staaden die Vnruh der Cal-
uiniſchen vnnd Armenianiſchen oder Vorſtianiſchen Religion angehört vnd conſt.
mirt/ daß wo dieſelbige in den Stätten ſeyn/ bleiben ſollen/ da ſie aber noch nicht einge-
riſſen/ ſollen ſie auch nicht hinkommen/ ſonſten wird auch gemelt/ weilen die Staaden
noch beyſammen/ daß der Spinola in den Haagen erwartet wird/ welcher den Siga-
den Jhrer Keyſerl. Majeſt. Patenten vnd Commiſſion vorweiſen ſolle/ was Jhm wi-
gen der Gülchiſchen Cleuiſchen Landten von ders ſelben auffgetragen worden/ was
darauff erfolgen wird/ vernehmen wir zu gelegner Zeit.

Auß Dantzig vom 12. Aprilis.

Geſtern iſt man allhier wegen der Elbinger wider zu Rath gangen/ vnnd weiß
man noch nicht/ wie es ablauffen wird/ etliche haben Schreiben/ der König wolle ſol-
ches nicht confirmiren/ man gebe dann den Jeſuittern Jährlich 6000. Thaler ſampt
den verſprochenen Kirchen in der Vorſtatt/ welches jhnen aber nicht eingewilliget
werd/ dann einmahl beſchloſſen/ nemblich bey 1000. Talern bleiben zu laſſen.

Auß Rohm vom 16. Aprilis.

Ja Portit zu Neapoli ſeynd etliche Toſcame Calleren ankommen/ nach
Siecln zu paſſiren/ mit ſelbigen Galleren ein Impreſſa in Leuante vorzu-
nehmen. Jn jüngſt gehaltenem Conſiſtorio bey letzter Creation der Car-
dinäl iſt Herr Melchior Cöſel Biſchoff vnnd Keyſerl. Mayeſt. geheimbſter
Raht zu einem Cardinal zu creiren beſchloſſen worden.

Aus Venedig vom 22. Ditto.

Sontag ſeynd wider 3. Compag. Soldaten ins Läger vnder dem Franſ.
Beembalo vnd Conde Tradina geſchickt worden/ Es ſoll auch zu Palma ein
Prouiandt Hauß vffgericht/ vnnd in 300000. Staat Getreydt vff allen
Nothfall dahin geführt werden.

Man hat auch 2. Schiff voll kleiner Schifflein abgeordnet/ damit
die Brücken vber den Fluß Lſſanto zu machen/ das Kriegsvolck darauff vber
zuſetzen/ denen von Gradiſca den Paß ab zuſchneiden vnd ſie zubeängſtigen/
deßgleichen iſt der General Barbarigo von Mina wie auch 700. Alboneſer in
vnſerm Läger ankommen.

Die Unſern thun zween hohe Berg beveſtigen/ davon ſie Gradiſea be-
ſchieſſen können/ auff 13. dieſes/ ſ vnd die Ertzhertzogiſchen bey Nacht nacher
Cormundt kommen/ ein Kirchen allda ſpoliet/ auch in andern vmbliegenden
Kirchen die Glocken hinweg genommen/ ſonſt hat man Befelch geben/ daß vff
13. diß/ 1000. Karrn ins Lager ſollen gebracht werden/ zu was End iſt es not
vnbewoſt.

Montag hat hieſige Herrſchofft vber das Venediſch Kriegsvolck die
hohen Aempter außgetheilet/ Erſtlich dem Glariſ Barbarigo das General
Ampt/ dem Don Luctou di Eſto das Generalat vber die Archibuſier/ vn
dem Sig. Saruta das Commiſſari vnd Kriegs Zahlampt/ dem Conte Franſ.
Martinengo zum General vber die Leichten Pferdt vnd Kühriſſer/ den Don
Terante deRoſſe zum Geueral vber das Geſchütz/ den Sig. Pompeio Iu-
driniani zum Felt Obriſten/ vnnd den Sig. Canullo Frefiſano zum General
vber die Alboneſiſche Reutterey verordnet/ welche macht haben/ alles das je-
nigt vor zu nehmen ſo nörig ſeyn wird/ vnnd wann Vier derſelben einer
Mepuung/ ſoll Jhr Schluß ſo viel ſeyn/ als wann ſolches
die gantze Herrſchafft beſchloſſen.
hitte.

Auß des Graffenhaage vom 2. May 1616.

Je Brieff ſo ſeithiro mein Jüngſtes auß Franckreich allhier arriuirt/ mell
den allnoch nicht daß der Frieden daſelbſt völlig vnnd allerdings beſchroſſen
ſey/ ſondern man thete dißfals beyderſeits wegen der ſtrittigen Aſſecuration
noch ſtetigs diſputieren/ vnd erregten ſich neben dem täglich noch newe Be-
ſchwerungen vnd Difficulieten/ deſtoweniger nicht/ verhoffte man die Parteyen ehiſt
noch zu contentiren/ damit ſelbiges Kriegsweſen allerdings möchte vffgehoben bleibeg/
den Erfolg gibt die Zeit.

Mit die Letzte auß Engellandt vernehmen wir/ daß der Criminal Proceß gegen
dem Graffen vnd Gräffin von Sommerſet vff 2. dieſes ſeine Endſchafft erreichen/ vnd
der Sententz alsbald publicirt werden ſolte/ darnach würde man erſt erfahren was ſie
für Practica vnd Intelligentien gehabt. Sonſten hatte der König ſeinen auß Spanien
zu rück gekommenen Ambaſſ. weilen ErJhrer Majeſt. noch verſchiedene wichtige Sa-
chen offer baret haben ſolle mit ſtatlichen Geſchencken begabet.

Diß verſtorbenen Obriſten Schatzverwalters Secretarius ſo vor etlichen Wo-
chen gefangen geſetzt/ iſt in der Verhafftung mit Todt abgangen/ man vermuttete
ſtarck daß Jhm mit Gifft heimlich hin geholffen ſeye/ damit man von Jhme nichts
vernehmen tönte.

Vor wenig Tagen iſt abermahls/ in Currier von Lübeck mit Schreiben an die
Herrn Staaden allhero gelangt/ man ſagt daß ſie jhren jetzigen Zuſtandt/ vnd wann
der Hänleſtätt Abgeſandten eygentlich hieher kommen ſollen/ damit angedeut ſollen
haben Dur Currier ſagt ſonſt auch daß der König in Dennemarck noch ſtarck conti-
nuirte ſich zum Krieg zu rüſten/ die meiſte Zuriſtung aber geſchahe zu Waſſer/ welcher
Vrſachen dann gedachte Statt auch Jhr beſtes thete/ hatten etliche Schiff ſo auß
Spanien daſellſt arriuirt angehalten/ vmb vor eine Zeit zu Jhrer Notturfft zu gebrau-
chen/ auch die newe Beveſtigungen an ſelbiger Statt allerdings verfertiget vnd in De-
fenſion gebracht.

Hieſiger Landtag hat ſich vergangen Donnerſtags geendigt/ vnnd ſeynd die
Ständte mehrentheils wider nach Hauß verreiſt/ was Sie aber verabſchiedet/ wird
noch in geheimb gehalten.

Herr Graff Ernſt Caſimir von Naſſaw iſt/ wie auch meiſt alle die andere beſchrie-
bene Gubernatores vnd Kriegsobriſte wider von hinnen ein jeder nach ſeinen Guber-
namenten vnd Compagnien verreiſt/ doch was Sie für Befelch bekommen/ wird man
ſeiner Zeit vernehmen. Scheint aber daß man ſo wol an dieſer als an der Spaniſchen
Seiten vff den Außgang deß Frantzöſiſchen Weſens ſehen thut/ vmb alsdann mit
weitterer Atentirung eins oder anders ſich deſto beſſer darnach zu richten.

Gleichwol haben die Spaniſche inmittelſt mit Eroberung der StättSoeſt vnd
Appſtatt/ Eſſen vnd das veſte Hauß Rittberg ein ſolchen Vortheil dero Orten einbe-
kommen/ vnnd ſo ein feſten Fuß gewunnen/ vmb Teutſchlandt ſeiner Zeit deſto näher

zu ſeyn/ vnd Abbruch zu thun/ was nun von der Vnyrten vnd dieſer Stiten dargegen
ſolle vorgenommen werden/ hat man alsdann zu erfahren.

Auß Coͤlln vom 12. May.

Es iſt jetzt wenig Schrifftwürdiges vorhanden/ weilen es allenthalben
garſtill/ vñ doch die Straſſen gantz vnſicher zureiſen/ vnd die Soldaten nichts
zuſchaffen haben.

Von Pariß wird vom dritten dieſes geſchrieben/ daß der König zu Blois
angelangt/ vnnd daß wo Er hin gezogen/ viel Volcks geſtorben/ vnnd beſorgt
man wann Er zu Pariß ankompt/ möchte das Sterben wol weiters graſſiz
ren/ So iſt der Duc de Vendoſme auch geſtorben/ vnd ligt der Printz von
Conde auch ſehr kranck/ man beſorgt er möchte auch abſterben/ vnnd gehet das
geſchrey zu Pariß/ er were allbereit todt/ da dem alſo/ möchte es wol ein groſſe
veränderungen vervrſachen/ ob wol der Frieden getroffen vnnd von allen ſeiten
vnderſchrieben worden/ welche vnterſchreibung den gemelten tag publicirt wor-
den/ vnd wie verlaut ſolle der Frieden ſo balt der König zu Pariß anlangen wird
auch offentlich außgeblaſen werden.

Auß Spania wirdt geſchrieben/ daß der Junge König allbereit auff der
Reiß nach Niederland ſeye/ vnd will verlauten/ daß J Kön. Maytt. auch mit
herauß kommen werden/ Sonſten ſolle die Spaniſche Fota auß Indien auch
daſelbſt glücklich ankommen ſein/ vnnd einen mercklichen Schatz mitgebracht
haben/ dahero die Kauffleut ſehr erſcewet/ vnnd wird ſonſten täglich noch viel
Kriegsvolck vero orten geworben.

Weilln der König in Dennemarck ſich ſtarck zum Krieg rüſten thut/ vnd
niemandt für gewiß weiß/ worauff ſolche werbung angeſehen/ als nemen die
Stätt/ Hamburg/ Bremen/ Lübeck vnd andere mehr/ Reuter vnnd Fußvolck
ap/ Jm fall der König etwas mit jhnen apfangen wurde/ die gäntzliche vermu-
tung aber iſt/ daß es auff Lübeck angeſehen ſeye/ Man vermeint aber er werde
eben ſo viel daſelbſt erhalten/ als auch zu Braunſchweig/ dan die Hänſee Stätt
wie auch die Staaden werden ſelbige Statt in nöthen nicht verlaſſen.

Auß Rohm vom 23. Aprils.

Sontags iſt der new erwehlte Cardiral Don Medices angelangt/ wel-
cher beym Pabſt Audientz gehabt/ Mittwochs hat Er ſeinen Einzug mit 600.
Pferdten ſehr ſtattlich gehalten/ dabey ſich 23. Cardinäl/ vnd eine groſſe An-
zahl Biſchoffen vnd Prælaten befunden auch darvffin offenem Conſiſtotio
den Cardinal zu empfangen/ vff welches Jhme der Cardinal Borcheſe ein

herrlich Bancket gehalten/ auch Jhm ſein Herr Bruder dir Ertzhertzog von
Forentz Jätlich 6000. Cronen Intrata verordnet/ vnd ſonſten Jhme 10000.
Eroren baar neben viel Edelgeſtein vnd andern köſtlichen Sachen hin vnnd
wider zuverehren/ zuſtellen laſſen.

Auß Venedig vom 19. Ditto.

Der Conte loan lacomo de Aruai iſt vff zu ſprechen deß Guberna-
tors nach Mantua. verreiſt/ einen Anſtandt zwiſchen Ertzhertzogen Ferdinan-
do vnd den Venedigern zumachen/ Sonſten iſt ein Schweitz: Capitain von
Zürch zu Chur mit 200. Schweitzer engelangt/ den Venedigern zu zuziehen/
zu welchem End auch eine gute Anfahl Lottringer zu Marſilia vff etliche
Perthonen imparchirt worden/ vnd hit der König in Engellandt 8000. Sol-
daten/ vnder Catholiſchen Häuptern/ den Venedigern zu gutemzu vnderhal-
ten ſſchan erbotten.

Der Don Alphonſo de Anoſo hat vom Gubernator zu Maylandt
Gelt empfangen 1000. Mußqueirrin Montſerat vor den König in Hiſpa-
nia zu werben zu laſſen/ vnd im fall der Krieg mit Sauoya wider angehet/ ſol-
len 6000. Soldaten deß Mayländiſchen Staado im Montferrgt loſirt wer-
den/ dann es verlaut der Sauoper Nina della Buglia anfechtenwöllen.

Auß Friaul hat man daß ein Anbrechung der Gefangenen zwiſchen
beyden Theilen ſolle gehalten werden/ ind ſeynd in 30. zu Roſſz ſampt etlichen
zu Fuß wider den Graffen von Thurton Gradiſca auß in Monfalcane ge-
fallen/ vnd den Flecken die Anis geplützhert vnd verbrandt/ auch etliche gefan-
gen vnd nieder gehawen/ ſonſten haben ſich die in Gradiſon wider ſtarck beve-
ſtiget/ auch 4. Bruſtwehren vffgericht hinder die Stattmawren geführt/ vnd
den halben Mondt beſſer als zuvor vervaret.

Conſtantinopoliſche Briefſmehten/ daß ein groſſe Summa Gelts
dem Vetry zur bezahlung ſeiner Soldaten zugeſchickt worden/ welche 150000.
ſtarck vff den Perſianiſchen Gräntzenliegen.

Jetzt vernimbt man vor gewiß/ Daß der Türckiſche Keyſer hieſiget
Herꝛſchafft Patenten zugeſchickt/ ſo viel Chriſten/ die gehuldigt in dero Lan-
den zu werben/ als Sie dero nötig ſein werden/ dahero noch kein Fricd zuhoffen/
ſon derlich auch/ weil hieſigt Herꝛſchafft auff ein newes alle Bandiſirte Perſo-
nen beſchrieben/ daß ein jeder 4. Herſonen vffſeinen koſten außſtaffiten ſollt/
deren dann ſich viel erzeigen vndenſtellen/ vnnd als die vnſerige vor Gradiſen
abgezogen allbereit wider vf 8000. Mann geſterckt.

Auß Cracaw. vom 27. Aprilis.

Geſtern hat man allhier vf allen plätzen in der Statt mit Tromimeten
außgeblaſen weillen ſich die Türcken vnnd Tartern ſo nahendt bey der Croui
Polen erzeigen/ vnnd dieſe mit gewalt vberfallen wöllen/ daß ein jeder von
Adel vnd andere bey zeit/ mit Wehr vnd Waaffen ſich rüſten ſollen/ man ver-
meint zwar es ſeye nur wegen deß Pabors zuthun/ daß man deſto eher bewil-
ligt/ es iſt auch gewiß/ daß ein Türckiſcher Baſſa vnſere Polen in der Wal-
lachey 14000. erſchlagen. Der Keyſeriche Geſandter iſt von der Moſcowi-
tiſche Commiſſion in Warſchat widerankommen/ vnnd zu rück wider auff
Prag verreiſt/ Es ſcheint noch das die Aürcken den Frieden mit Polen vffge-
kündt/ Sie werden mit Polen ſo viel zuſchaffen bekommen/ daß man deſto che
Schmolensko verlieren/ weiln es ohne das gefährlichdamit ſtehet.

Auß Polen hat man/ Daß der Schmolensko von den Moſcowitern
lenger je mehr betrangt wird/ vnd als 10. Wägen Victualien vnd Munition
in begleytung 3000. Polen in Schwolencko gewolt/ ſein Jhrer 2000. von den
Moſcowitern erſchlagen worden/ Jn gedachter Veſtung ſeind vber 2000.
Soldaten nicht/ getrawen dannoch Jhnen ſolche zuerhalten/ vngeacht einen
vber zween Pfenning Brot einen tag niht hat/ Sonſt will der Junge Printz
auß Polen nach Moſcaw ziehen wie dann alle ſeine Königreich vnd Erblän-
der/ Leib vnd Kutt bey Jhme vfſetzen völlen. Der Polen befinden ſich noch
etlich 1000. in der Wallachey mit deren der Thomſa Weyda ein groß
treffen gethan/ darvon viel 100. vff beyderſeits geblieben/
vnd der Thoma ſich wider in die Poſſeſ-
ſion eingerungen.

Auß deß Graffenhaage vom 9. May 1616.

Je die letzte Aduertentien mit deß hieſigen Frantzöſiſchen Ambaſſ.
Secretarius (der vorgeſtert vom Königlichen Hof allhero gelangt/
melden/ ſolle der lang verhoffte Frieden daſelbſt einmal getroffen vnd
allerdings beſchloſſen ſeyn/ davon wir täglichs weitere particulariteten ge-
wärtig.

Auß Engellandt iſt mit die Jüngſte noch nichts ſonderliche einkom-
men/ dann man zwar in der Gefangenen Sachen noch ſtarck occupirt/ vnnd
ſolle Jhre Mayeſt. Ambaſſ. ſo in Spanien reſidirt gehabt/ deroſelben wegen
des Sommerſets noch mehr andere wichtige Sachen entdeckt haben/ davon
man ſeiner Zeit weitere Vmbſtändigkeiten vernehmen wird.

Verſchienen Freytag vnnd Sambſtag waren Jhre Excell. mit dem
Herrn Bruder Printz Heinrich Friederich widerumb eine gute weil im Col-
legio vor die Herrn Staaden General/ ohne daß man noch kan vernehmen zu
welchem End/ wie wol die gemeine vermutung/ daß es anſtehendes Kriegswe-
ſens halben beſchehen ſey.

Mit den letzten auß Brahandt vernehmen wir/ daß man deß Conte de
Bucquoys aus Spanien nun erſt tags zu Brüſſel gewertig ſey/ vnd ſolle deß
Königs endlicher Will vnd Meynung/ was man deroſeyts weiters zu atten-
tiren in vorhabens mitbringen.

Jnmittelſt werden in Brabandt vnd denen Orten noch alle Solda-
ten ſo ſich præſentiren vnd den Spaniſchen zu dienen begeren angenommen/
an gewiſſe Oerter fort geſchickt/ neben dem waren zu Brüſſel alle Obriſte
der Benden von Ordinantzen beſchrieben vnd angelangt/ welche alsbald Be-
ſelch bekommen/ gedachte Jhre Benden oder Compagnien in gewönlicher
Anzahl zu bringen/ vnd vffs beſt außzurüſten.

Auß der See haben wir daß vnlängſten zu Lißbona 3. groſſe Caracken
nach Oſt Jndien abgefahren ſeyen/ vnd thete man in Spanien vnd dero Or-
ten an verſchiedenen Quartieren auch Kriegsbereitſchafften zu Waſſer vnd
Landt machen/ ohne daß man köndte vernehmen/ worauff es angeſehen.

Dieſer Zeit ſollen auß dieſen Landten noch ſo bald kein Schiff nach Oſt-
Jndien ſegeln/ dann man erwartet zuvor etliche andere von Dannen/ die man
vermeynt/ daß im künfftigen Junij zu Hauß ſeyn werden.

Sonſten werden zu Ambſterdamb wider vndſchiedliche Schiffgela-

den/ ſo gegen vitimo dieſes mit allerley Wahren nach Guyneel Jtalien vnd
der Moſcaw abfahren ſollen.

Der Herrn Staaden Abgeſandten zum Groß Fürſten in der Moſcaw
iſt man in kurtzerm wider allhier gewärtig/ vnd ob wol etlich vorgeben/ daß ei-
ner von ſelbigen Geſandten ſolle geſtorben ſeyn/ iſt aber noch ohne Grundt vnd
Sicherheit/ Interim werden die Moſkowitiſche Abgeordnete allhier auch
noch auffgehalten.

Auß Coͤlln vom 15. May.

Es iſt ſetzt wenig Schrifftwürdiges vorhanden/ weilen es allenthalben
gar ſtill/ vnnd doch die Straſſen gantz vnſicher zu reiſen/ vnnd die Soldaten
nichts zu ſchaffen haben.

Auß Engellandt wird confirmirt/ daß ſelbiger Königliche Ambaſſ. nach
Spanten abgefertigt/ vmb die Capitulation wegen des vor dieſem gemelten
Heyraths anzuhören/ auch vollendts darauff tractiren vnd handlen/ davon
wir mit gelegenheit beſſern Bericht erwarten.

Auß Spania wird gemelt/ daß man daſelbſt 14. Schieff geſehen/ welche
nach dem Strada Magelanica fahren wöllen/ weilen ſie aber vnbekandt/ ſeynd
ſie von den Einwohnern verfolgt/ vmb zu vernehmen was es vor Schiff
weren.

Von Aachen hat man Zeitung/ daß daſelbſt Keyſerl. Commiſſarien
täglich erwartet werden/ ob nun zu deren Ankunfft die Exccution der Gefange-
nen ſoll für die Hand genommen werden/ gibt die Zeit.

Vor zween Tagen iſt der Obriſte Schönenberg mit etlich ſtück Wein
von Heydelberg allhie angelangt welcher Morgens nach dm Frühſtück mit
8 Pferdten nach Brüſſel verreiſt/ die Wein aber durch Holland nacher Engel-
landt geführt werden/ Er aber ſolle von Brüſſel auch nachet Engellandt ver-
reyſen/ wie verlaut/ ſolle Er deß Churfürſten meynung vber den Spaniſchen
Heyrath zu bringen/ auch mit ſelbigem König wichtige Sachen wegen deß
Königs von Dennemarck den vorhaben den Krieg betreffend/ tractiren.

Auß Venedig vom 6. May.

Der Gubernator zu Maylandt hat dem Sauoyer zu entbotten/ daßer
ſein Volck diſſarmiren ſolle/ wo nicht/ werde er anderſt zu den Sachen thun
daßero auch willens alle Kriegs Præparation nach Alxandria zuverſchaffen
vnd bereyt 9. Ecl mit Gelt beladen dahin geſandt/ deßgleichen iſt ein Partita
von 100000. Cronen in Spanien nach Meyland zeliſſern/ beſchloſſen wor-

den/ dargegen hat der Sauoyer allen Juden in ſeinem gantzen Landt/ jhr Ge-
werb ſequeſtriren laſſen/ ſo ſich vff driethalb Million Goldt erſtrecken thut/ vnd
leſt hin vnd wider Soldaten werben.

Auß Engellandt vernimbt man/ daß allda 12 Schiff mit 8000. Soldaten/ Mu-
nition vnnd Prouiandt hieſigen Herrn zu gutem abgefertiget worden/ andere wollen
ſolches Volck werde dem Sauoyer zuziehen/ weil ſelbiger Hertzog mit dem König vnd
Herrn Staaden in Bündnuß ſtehet.

Dieſer Tagen hat man 2500. Soldaten nach dem Läger in Jſteiam geſchickt.
auſſer der 3000. Banditen ſo ſchon dahin paſſirt. Deßgleichen befind ſich ein Hol-
ländiſcher Capitain allhier/ welcher der Herrſchafft 2000 Knecht zu führen angebot-
ten/ deßgleichen hat der Baſſa zu Oſna der Herrſchafft 10000. zu zuſchicken/ bewilli-
get/ vnd wie man beym Beſchluß diß vernimbt/ ſeynd wider 4000. friſche Alboneſer al-
da ankommen.

Sonſten hat man auß dem Läger/ daß auff den erſten dieſes 4000. Ertzhirtzo-
giſche Knecht/ vnd 700. Pferdt vff den Fluß Liſſonzo paſſirt/ denen die Vnſern ein
Schlacht angebotten/ Sie aber ſolche verwaigert/ doch ſich verſchantzt/ darauff der
Illuſtriſſ. Treuiſano ſelbige Nacht die Schantzen vberfallen/ vnd in 3. Stundten 400.
derſelben erlegt/ darunter der General Commiſſarius von Gradiſca vnd andern Bi-
felchshabern nider gehawen worden/ doch ſind der vnſern auch vber die 100 geblieben

Aus Prag vom 8. Ditto.

Allhie befind ſich der Junge Graff von Sultz/ welcher von ſeinem Herrn Vat-
ter (als der auff Spaniſche Bezahlung 2. Regiment Schweitzer dem Ertzhertzo-
gen Ferdinando zu hülff werben ſolle/ etliche Capitain vnd Befelchshabere annimbt
zu dem End ſoll auch der Graff von Altheim ehiſt 2. Regiment Teutſcher Knecht/ auch
auff Spaniſche Bezahlung werben/ wie dann hierzu/ vnnd zu 1500. Pferdten die
Spaniſche Bottſchafft die Patenten ſchon bey handen/ ſtehet erſt alſo/ der Venedi-
ſche Krieg einem rechten Ernſt gleich. Vnd haben wir auß Görtz/ daß die Ertzhertzo-
giſche alles das Jenige/ was die Venediger jhnen vor dieſem abgenommen/ wider er-
obett/ vnd ſolle vnder dem Venediſchen Volck in Jſtria groſſer Mangel an Prouiandt
ſeyn/ alſo daß ſie jhre Roſſz vnd Eſel faſt alles auffgezehret/ vnnd habe Herr Obriſter
von Trautmansdorff 2. Venediſche Kundtſchaffter auffhencken laſſen.

Freytags iſt eine Magd/ welche zwey Jhrer Kinder vmbgebracht/ lebendig vn-
der den Rabenſtein begraben worden/ iſt von Bamberg/ da ſie die zwey Kinder vmb
gebracht hat.

Auß Ambſt erdamb wird geſchrieben/ daß die Staaden den Kauffleuien verbot-
ten/ keine geferbte Tücher in Engellandt zukauffen/ derowegen viel Ferber auß Engel-
landt dahin kommen laſſen/ vnd denen 6. Jahr Freyheit zugeſagt/ damit ſie vermeynen
den Lacken odr Tuchhandel gantz an ſich zu ziehen/ welches der König in Engellandt
hoch empfinden ſollt/ Es haben auch die Staaden zween Geſandten nach Engellandt

abgefertiget/ welche daſelbsten angelangt/ vnnd beym König Andient begert/ welches
Jhten der König ſolle verweigert haben/ biß Sie das Mittagwah/ mit Jhnme gebal-
ten/ als Ste nun vber Tiſch gefeſſen/ ſollen die Geſandten vnder andern Diſcurſen ſo
Sie mit einander gehabt/ den König geftägt haben/ warumb Jhre Majeſt. ſo gute
Correſpondentz mit dem König in Spanien hielte/ vnnd einen Heyrath mit ſelbiger
Tochter vnnd ſeinem Printzen tractiren vnd ſchlieſſen wolte/ darauff der König ge-
antwort haben ſolt/ was Sie darnach zu fragen hetten/ ſeynd alſo in dieſen Difeurſen
gar zu vnfrieden worden.

Eß vor dieſem gemelten ermordten Jubilirers Todt-
von Ambſterdamb Hanß von Wiell genannt/ welcher Mordt in dem Haag
beſchehen/ iſt volgender Geſtallt außgebrochen/ vnnd offenbahr worden/
Nemblich als den 6. dieſes Abendts zwiſchen 8. vnd 9. Vhrn. Seiner Excell. Kämmer-
ling lohan de Paris genannt/ vnd einer lohan de la Vigne ſampt noch einem andern
vom Adel/ ſo von Seiner Excell. Guardi einen Grieffier oder Secretarius zu Baſt ge-
habt/ vnnd ſich gegen demſelben verlauten laſſen/ ſie wolten alle drey verreyſen/ müſten
wegen lang gehabter Freundſchafft das Valete nincken/ vnd denſelben gantz truncken
gemacht/ daß er darüber in einen ſtarcken Schlaff eingefallen/ in ſolchem nemmen ſie
Jhm ſeine Schlüſſel auß dem Sack/ gehen damit in ſein Loſameht/ ſchlieſſen ſeine
Kammer vnd Kiſten auff/ nemmen 7500. fl. an Goldt darauß/ vnd gehen wider zu Jm
ſteckten demſelben alſo noch ſchlaffendt die Schlüſſel wider in ſeinen Sack/ Als er nun
erwachet vnd von dannen wider nach Hauß gehet/ vnd will etwas auß ſeiner Kiſten
nehmen/ wird er gewar daß ſein Gelt hinweg iſt/ vnd als er nachforſchung beym Wirth
da er zu Gaſt geweſen erfahren/ daß nlemandt als obgemelte 3. Geſellen beyJhm ge-
weſen/ vnd die Mahlzeit allein ſeinet halben were angeſtellt worden/ gehet der Greffiei
alsbald zum Aduocat Fiſcal/ klagt demſelben was Jhme widerfahren/ vnd begert/ Er-
ſolle die 3.obgemelte Geſellen gefänglich einziehen/ der Fiſcal ſchlug Jhm aber ſolchet
ab/ vorgebent/ ſie mehren bey Jhrer Excell. ſo wol dran/ daß ers nicht thun dörffte/ von
ſolchem gehet der Greffier zu Seiner Excell. erzehlt derſelben auch was Jhme wider-
fahren were/ mit Bitt Sie wolten dem Fiſcal gebieten/ ſolche drey Geſellen in hafftung
zunehmen/ welches alsbald vff dero Befelch geſchehen/ wie ſie nun ein Stundt im
Gefängnuß geweſen/ hat Iohan de Paris alsbald ohne Tortur bekandt/ daß er obge-
meldten Jubilierer in Seiner Excell. Hofneben dero Schlaffkammer mit eines an-
dern Hülff vmbgebracht/ vnd Jhme ſeine Sachen ſo Er bey Jhrer Excell. zuverkauf-
ſen abgenommen/ vnd den Todten Cörper biß in die Nacht behalten/ vnd alſo im Fin-
ſtern bey der Nacht in einen Miſthauffen begraben/ weilen nun ſelbige Kleinodien in
ſolchem hohen werth vnd preiß vnd ſchwerlich allda köndten verkaufft werden/ hetten
ſie dieſelben in ein bleyen Lädlein in einen Keller vergraben/ als man nun dieſelbige ge-
ſucht/ ſeynd ſie auch daſelbſten gefunden worden/ mag alſo die betrübte Wittib vnnd
Kinder wol wider zu jhren Gütern/ aber nicht zu jhrem Mann kommen. Wie es nun
die Zeit mit ſich bringen.
mit dieſen 3. Geſellenergehen wirt

Auß deß Graffenhaage vem 16. May. 1616.

It den Jüngſten vom 7. dieſes auß Pariß/ vnd vom 2. Dito auß Lon-
dun wird beſtettigt/ daß der Frieden nun gewiß zwiſchen dem König
vnd Jhren Adhærenten beſchloſſen/ vnd die Articul ſo wol durch Jhre
May ſt. als andern Theils vnderſchrieben worden. Man iſt jetzt im Werck/
die elbe durch offenen Druck ans Liecht zu geben/ man war Jhrer Mayeſt.
ſampt dem gantzen Hofläger nun ſtündtlich zu Pariß gewärtig/ alldar die
Hrtzogen von Mayenne, Longeuille, Neuers vnd andere ſchon arriuirt/
vnd war der von Conte nicht kranck/ ſondern noch wol auff.

Donnerſtags iſt hieſiger Frantzöſiſcher Ambaſſ. in der Audientz vor der
Genrilitet geweſen/ vnd daſelbſt von gedachtem Friedensſchluß vmbſtändi-
gen Bericht gethan.

Wir vernehmen mitden letzten auß Brabandt/ daß des Ertzhertzogen
vnderwoffene Prountzen/ weilen Jhre Durch. ſolche dem König zu Hi-
ſpanien wider vber zu tranſportiren willens/ Jhrer Mayeſt. de nouo ſchwä-
ren ſollen. Jnnitttelſt ka der Kriegs Raht zu Brüſſel täglichs zwey mahl bey-
einander/ vnd thete man alle beſtellte Obriſte vnd Capitenen biß der von Buc-
quoy auß Spanien (von dannen er ſtändtlich gewärtig) wider zurück kom-
men/ Jhm Wartgelt vffhalten.

Allhier ſeynd auch alle die Admiraliteten vnnd Schiff Capitenen be-
ſchrieben vnd angelangt/ mit denen man täglichs tractiren thut/ ſcheint daß
man dieſerſeits willens/ eine ſtarcke See Armada auß zu rüſten/ Etliche mey-
nen daß Theils Kriegsſchiff dem Admiral Spilbergen nach dem Mare de-
Zur (weilen in Spanien auch wider Jhme zur See außgerüſt wird) zu hülff
außlauffen ſollen/ auch andire nach dem Grünländiſchen Meer/ der Hollän-
der groben Fiſchfang daſelbſt wider allen Gewalt zu beſchützen/ den Erfol-
hat man ſeiner Zeit zu vernehien.

Vor wenig Tagen ſeynd hier Geſandten von dem Pfaltzgraffen zu
Zweybrücken angelangt/ zu welchem End/ iſt noch nicht auchbar.

Alo newlicher Tagen dem Secretario von der Landt Cantzeley Jhrer
Printz: Excell. durch einen Jhrer Excell. Kammerdiener ſo ein Frantzos ge-
nannt/ Ioan de Paris/ ſampt einem Soldaten auß der Guardi mit Nawmen
loan de la Vigne auch ein Frantzos/ der Jrer Excell. vor dieſem als ein Lack-
ey gedienet/ mit behändigkeit in 6000 fl. (ſo er vnlängſt durch abſterben ſei-
ner Mutterererbt)auß ſeinem Zimmer geſtohlen/ vnd ſieden wegen/ wie auch

vff geſchöpfften Argwohn/ daß ſie an dem Todtſchlag deß Jubilirers Hauß
von Wiell ſchuldig/ kurtz darnach in verhafft gezogen worden/ haben ſie nis
allein ſolchen Diebſtal/ ſondern endlich auch durch Tortur bekannt/ daß ſie
denſelben Jubilierer in Jhrer Excell. Hof in gedachtes Kammerdieners Käm-
merlein (allda ſie jhme wie er von Jhrer Excell. abgeſchieden/ hinein gelocket/
vmb Jhnen etliche andere Kleynotter zu zeigen) alſo jämmerlich ermordt/ vnd
die folgende Nacht vnder den hauffen Koth/ da er gefunden iſt worden/ gebracht
hatten/ Das Gelt vnnd Kleynotter hat man alles in ſeines Kammerdieners
Behauſung in der Erden verborgen/ gefunden/ Jſt alſo durch eine Vbelthat
die ander ans Liecht kommen/ Gedachte beydt Mißthäter hatten ſich eben fer-
tig gemacht/ vmb erſtags mit der Beuth heimlich in frembde Landten weg zu
ziehen/ GOtt aber hats nicht verhengen/ noch ſolche Vbelt hat lenger verbor-
gen vnd vngeſtrafft bleiben laſſen. Sie ſollen dieſer Tagen eines abſchewlichen
Todes ſterben müſſen/ darvon wir hiernechſt ferrnern Bericht haben werden/
ſonſt ſolle der gantze Verlauff ſampt dem Vrtheil in Teutſcher vnd Frantzö-
ſiſcher Spraach gedruckt vnd männiglichen kundtdat gemacht werden/ Viel
haltens darfür/ daß ſie die Vhelthäter heimblich durch jemandt inſtigirt ge-
weſt/ Jhre Excell. auch zu entleiben/ vnd ſich dann geſchwind hinweg zu bege-
ben/ warzu dann der Kammerdiener Gelegenheit genug gehabt/ aber man ken
ins gemeyn darvon noch nichts gründlichs vernehmen.

Auß Coͤlln vom 26. May.

Jn dieſen Gülchiſchen Cleuiſchen Landten beruhet es alles noch in prio-
ribus terminis/ vnnd ob man wol vermeynt/ es würde darinnen etwas vorge-
nommen werden/ ſiehet man doch wenig Præparation darzu/ all in wird mir
von Vendtlo geſchrieben/ daß man dero Orten in dem Ampt Brück viel Ar-
thelerey Pferdt verſamblen thut/ vnnd werden deren vffs new noch viel ange-
nommen/ man vermeynt wol es werde des Königs von Spanien Reſolution
zu Brüſſel angelangt ſeyn/ da deme alſo/ wird man bald vernehmen wo es hin-
auß will/ dann alle Obriſte vnnd Befelchshaber nach Brüſſel verſchrieben
ſind.

Wir haben vor dieſem gemelt/ daß die Ständt in Brabandt/ Artoys
vnd Hennegau/ vnnd allen des Ertzhertzogiſchen gehorſamben Landten nach
Brüſſl verſchrieben ſeynd/ vmb den Eyd ſo ſie Jhrer Hoch F. Durchl. gethan
zuerlaſſen/ vnd denſelben dem König von Spanien wider vffs newe leiſten/
jetzt vernemb ſchaber/ daß ſich gemelte Ständt darinn difficultiren/ vnnd de-

Eyd nicht allein dem König/ ſondern zu gleich dem Jungen Printzen laiſten
wöllen/ damit wann der König etwan ableibig würde/ ſie eines gewiſſen Herꝛn
verſichert wehren.

Auß Engellandt wird mit jüngſten Brieffen gemelt/ daß ſelbiger König
an die Herrn Staaden von Hollandt begert/ daß ſie Jhme das Gelt ſo die
vorige Königin Eliſabeth Jhnen vorgeſtreckt/ nemblich 140000. Pfundt
Sterlings alsbald wider erlegen vnd bezahlen ſollen/ welches ſie ſich geweigert/
vnd geantwortet/ ſie köndten ſolchs Summa vff einmahl nit zuſammen brin-
gen/ wolten aber biß zur völliger Bezahlung alle Monat 40000. Pfundt er-
legen/ darauff der König alſo mit den Staaden gehandelt vnd beſchloſſen.

Man ſchreibt auch daß zwiſchen den Staaden in Hollandt vnd Seinen
Excill. wie auch dem gantzen Hauß von Naſſaw ein groſſes mißtrawen er-
wachſen/ nemblich daß Graff Moritz weil er vom König in Engellandt zum
Ritter deß Hoſenbandts iſt angenommen/ daß Er derwegen mit dem König
wol content ſeye vnd es mit Jhm halten ſolle/ vnd weilen ſelbiger König wegen
deß Vorſtii wider an die Herrn Staaden geſchrieben/ vnd daß ſie den Xanti-
ſchen Vertrag ſollen annemmen vnd vnderſchreiben/ damit die Gülchiſchen
Landten möchten zum würcklichen End gerathen/ vnd deßſchweren Laſts der
Soldaten abkommen/ wird S. Excell. bedacht daß Er ſolches beym König
ſolle practicirt haben/ auch etliche Stätt an ſich gezogen die es mit Jhm halten/
iſt alſo zuvermuthen/ wann dem alſo/ daß groſſe Vneynigkeit darauß entfle-
hen möchte.

Auß Hamburg vom 14. Ditto.

Die Kriegs Beſtallung ſo der König in Dennemarck obhanden/ ſolle zur See-
warts gebraucht werden/ dann wie verlaut ſo ſeynd beyde Könige/ auß Dennemarck
vnd Engellandt wegen deß graben Fiſchfangs bey Grünlandt ſtrittig worden/ alſo
daß man vermeynt/ es dahin angeſehen ſeye.

Heut Dato ſeynd drey vom hieſigen Rath als Abgeſandten dieſer Statt von
hinnen auff Premen verreiſt/ daſelbſt ſollen ſich die Lübecker vnd mehr andere Hänſee-
ſtätt Geſandten befinden/ die werden als ein anſehnliche Legation zu den General
Staaden nach dem Haag verreiſen/ wie verlaut daß es auff ein ſonderliche Bündnuß
angeſehen ſey.

Hertzog Johan Adolpff von Holſteln vnſer Schutzherr iſt vor drey Wochen mit
Todt abgangen/ vnd ſolle dieſe Wochen zur Erden beſtattet werden/ die haben ein jun-
gen Herrn von 20. Jahren verlaſſen/ verhofft man er werde bald das Regiment be-
tretten/ inmittelſt ſeynd Vormunder oder deß Landts Holſtein verwalter/ der König in
Dennemarck/ vnd Biſchoff zu Preen.

Allhie wird noch ſtarck anben zweyen groſſen Rundeln (daran täglich 600. Her-
ſonen Arbeyten) auff der Lübecker Seyten gearbeitet/ ſo haben die von Lübeck auch an
jhrer Statt noch mehr zu befeſtigen.

Die Braunſchweiger bawen auch noch ſtarck an jhrem Bollwerck/ vnd weilen
biß dahero vngleiche Diſcurſen wegen der Statt Braunſchweig eingefallen/ von ſei-
biges Fürſten Vnderthanen außgeſtrewet/ als ſolten Jhre Fürſtl. Gn. den gemachten
Frleren mit der Statt nicht halten/ ſo hat man doch an jetzo das Contrarium/ daß
Jhre Fürſtl. Gn. ſich darwider gantz ernſtlich verlauten läſt/ woferꝛn Sie jemand mit
ſolchen Reden in Erfahrung bringen/ denen oder dieſelben an den höchſten Baum
hencken laſſen wolten.

Auß Preßlaw vom 12. May.

Die Neuſer haben dißm al wegen der Kirchen noch nichts erhalten können/ ſon-
ſten ſchreibt man von Warſchau/ daß allda ein ſchlechter Landtag/ vnd ob wol ein Pa-
bor bereit bewilligt/ ſo ſolle doch der Cracauiſch Biſchoff vnd Weywota darzu nicht
kommen/ was es bedeut/ gibt die Zeit.

Auß Wien vom 15. May.

Ertzhertzog Maximilian ſoll erſt 14. Tag nach Pfingſten allhero kommen vnnd
ein Hofſtatt mit 400. Perſonen anrichten/ derentwegen Herr Cardmal Clöſel noch
allhier/ der hat den 4. dis ſein Panckerſtattlich vollendet/ darauff Herꝛ Cardinal von
Dieterichſtein noch ſelbige Nacht vmb 10. Vhr mider von hinnen nach Hauß verreiſt.

Den 5. diß Abends gegen neun Vhrn hat es allhie einen erſchrecklichen Don-
nerſtreich vnd Blitzen gethan/ daß man nicht anders vermeynt/ s wolte gleich alles zu
Boden ſchlagen vnnd anzünden/ wie es dann im S. Sieffans Thurn oben bey der
Wacht eingeſchlagen/ das Fewer angangen vnd faſt bey einer Siundt gebronnen/
doch ohne ſondern Schaden wider gelöſcht worden/ vnd weilen ſonſt auff dem Landt
allenthalben groſſe Fewerbrunſten entſtehen/ hat man in allen Flecken gute Wacht zu
halten gebetten.

Sontags iſt der jenige Türck ſo von hinnen nach Offen zum Ali Baſſa die Frie-
dens Conſtemation hin auß zu bringen/ geſchickt worden/ wider allhero kommen iſt nur
6 Tag vnder Weg geweſen/ vnd acht Stundtlang ſich auffgehalten/ der ſoll gedachte
Confirmation mit gebracht haben/ vnd weil nun alle Sachen richtig/ alſo wird vnſere
mit der Türckiſchen Bottſchafft abgefertigt werden/ ſonſt wird ſich vnſer Landtag den
23. Junif allhier anfangen.

Auß Pariß vom 13. Ditto.

Auß Pariß hat man daß das Kriegsvolck zu Roſſz vnnd Fuß abgedanckt/ die
Teutſchen ziehen nach Hauß/ die andern/ theils nach Oeſterreich/ theils nach Jtalia/
die alte Königin iſt vnderm begleyd von Duca de Guiſa ſampt andern ſtattlichen
Comitat zu Pariß den 11. Ditto angelangt/ der König ſampt der Königin ſeynd zu
Fontanoble au/ ſollen aber in zween Tagen auch daſelbſt ankommen/ iſt alſo am
Frieden nicht zu zweifften.

Auß deß Graffenhaage vom 26. May 1616.

Eithero mein Jüngſtes haben wir auß Franckreich anders nichts ge-
habt/ als Continuation deſſen/ daß der Frieden getroffen/ vnd man jetzt
bemühet ſey/ beyderſeits das Kriegsvolck abzudancken/ vnd alles in vo-
rigen rühigen Standt zubringen.

Sonſten warman zu Pariß täglichs gewärtig des Königs zu Hiſpa-
nien zweyten Sohn mit dem Conte de Bucquoy/ von dar Sie forter vff
Brüſſel kommen ſollen/ allda der Printz als ein Erb der Niederlandten ſeine
Reſidentz halten würde/ zu welchem End dann der Ertzhertzog ſelbige Landts-
Sändte zu Brüſſel beſchrieben gehabt/ vnd Jhnen dieſes vorgehalten/ vnnd
daß beyde Jhre F. F. D. D. ſich des Eyds/ ſo Sie deroſelben vor dieſem ge-
leiſtet/ nunmehr entſchlagen theten/ vnnd daß Sit ſich anjetzo dahin ſchicken
ſolten/ Hochgemelten Printzen als Jhren newen Landtsherrn/ der Gebür zu
empfangen vnd von newem zu ſchwehren/ wie man aber vernimbt/ ſollen viele
ſolche Propoſition jhnen nicht haben gefallen laſſen/ fürchtendt/ daß mit dieſem
newen Spaniſchen Regiment newt Beſchwerungen ſich erregen möchten.
Jnmittelſt thete man mit den Kriegsbereitſchafften noch jmmerzu fortfahren/
in meynung/ ſo bald der von Bucquoy angelangt/ ſich dann alsbald ins Feld
zu begeben.

Man hat aber in dieſen Landten wie ich verſtehe/ auff alles ein wachen-
des Aug/ vnd iſt alles ſchon beſtelle/ in der Eyl auff zu ſeyn.

Die von den Armiraliteten vnd Schiff Capitenen ſeynd mit allem Be-
ſcheyd wider von hinnen verreiſt/ vnnd ſolle von Ambſterdamb/ Enckhauſen/
Horn vnd andern Stätten eine ſtarcke Flotta von vielen Armirten Schiffen
nach Moſcau/ Schweden/ vnd dem Grünländiſchen Meer vff den Fiſchfang
abgefahren ſeyn/ dahin dann der König von Dennemarck auch etliche groſſe
Kriegsſchiff geſchickt/ den Holländern vor zu warten/ vnd wo ſie einander zu-
ſetzen/ möchte wol ein gewaltiges treffen darauß entſtehen.

Vernehmen auch/ daß der Admina/ Spilberger in der Suyr See wider
ein Schiff ſo vff 3. Million Golts geſchetzt wird/ bekommen ſolle haben/ da-
von man mit der Jagt aus OſtJndien/ ſo u Ambſterdamb täglichs gewär-
tig/ weitern Beſcheys vernehmen würde.

Am vergangenen Mittwoch ſeynd die Abgeſandten deß Großfürſten
auß der Moſcau wider von hinnen nach Hauß verreiſt/ ſeynd von allen hier
Koſtfrey gehalten/ vnd darzu mit ſtattlichen Præſenten verehrt worden/ war

aber mit Jhnen verhandlet iſt/ darvon kan man ins gemeyn noch nichts gewiſ-
ſes vernehmen/ Interim iſt man der Herrn Staaden Geſandten auß der
Moſeau auch in kartzem allhie gewärtig.

So iſt die vergange Tag auch allhier geweſen ein Abgeſandter vom
Herrn Marggraffen von Anſpach/ welcher neben anderm vorbringen die
Herrn Staaden wegen Jrer F. G.newlich gebornen Jungen Printzen zu Ge-
fattern gebetten/ ſolle ſtattliche Geſchencken/ auch der Geſandte ein gülden Ket-
ten bekommen haben/ iſt darauff Mittwoch eylendts wider nach Teutſchlandt
verreiſt.

Am letzt verſchienen Montag ſeynd die beyde Mörder deß Jubilierers
darvon jüngſt gemelt/ allhie offentlich zur gewönlichen Gerichtsſtell/ vff ein
ſonderlich darzu gemachtes hültzern Creutz gebunden/ vnd alle Glieder in ſtü-
cken geſchlagen/ vnd darnach lebendig vff 2. Räder gelegt vnd vffgericht wor-
den/ haben jederm ein hültzern Piſtol vnd Dolchen angehenckt/ haben alſo dieſe
zween Jhren Lohn bekommen/ der dritte aber ſo mit Jhnen gefänglich einge-
zogen/ iſt ſo wol an dem Mordt als an dem Todtſchlag vnſchuldig befundet

Auß Coͤlln vom 2. Junij.

Viel Newes zuſchreiben in dißmal nichts vorgefallen/ ſintemal es alleni-
halben noch gar ſtill/ allein wird von Antorff geſchrieben/ daß man zu Brüſſel
vnnd in gantz Braband in ſtarcker Handlung mit ſelbigen Ständten/ daß ſie
dem König von Spanien den newen Eyd leiſten/ vnd dem Ertzhertzogen Al-
berto wider abſchweren ſollen/ vnd obwolen deren etliche ſich difficultirt/ ſeynd
ſie doch zu letzt eynig worden/ vnd als der Abgeſandt von Spanien ſo ſcharoff
hierauff getrungen/den Eyd geleiſtet/ iſt nunmehr an den Stätten/ vnd ſolle die
Statt Antorff ſich auch erklärt haben/ wie ſich andere Stätt hierin verhielten/
wolten ſie ſich auch verhalten/ iſt alſo nicht zu zweiffeln/ die Landten kommen
wider zu der Kron von Spanien/ vnd werden nimmermehr von derſelben ſpar-
girt werden/ ſonderlich weil des Königs Sohn herauſſer kompt/ vmb dieſelbi
gezu gubernirn.

Von Ambſterdamb wird geſchrieben/ daß vff anhalten deß Königs von
Engellandt/ die Staaden ſich ſolten reſoluirt haben/ die Veſtung Reeß/ Em-
merich vnd alles was ſie in Jrer Beſatzung haben/ vff begeren Keyſerl. Mayeſt.
widerumb einzuraumen/ ohne eynige Gewalt darfür zugebrauchen/ wird aber
von vielen/ wie auch von mir ſelbſten/ für vnglaublich gehalten/ ſintemal mit
Einnehenung derſelbigen/ viel Unkoſten ſind auffgeloffen.

Auß Franckreich hat man/ daß der König ſambt der Königin nunmehr
zu Paris mit 12000. Mann angelangt/ die alte Königin aber verhelt ſich noch
zu S. Denis, die ſolle Gubernantin in Piccardiæ ſeyn/ der König ſolle zur
Abdanckung der Teutſchen Reutter deren vngefehr 1200. 300000. Cronen
bar den Priatzen fürgeſchoſſen haben/ damit dieſelbige auß dem Landt geſchafft
würden/ dann ſie dermaſſen darin gehauſſet/ als wann ſie lauter Barbariſche
Völcker geweſen weren.

Wir vernehmen auch jetzt mit jüngſten Brieffen auß Lottringen ſo wel
als Eſtent/ daß die Teutſchen Reutter ſo in der Printzen Dienſt geweſen durch
den Duca de Niuers ſampt noch 4. andern Königlichen Commiſſarien biß
auff den Teutſchen Boden begleidet worden/ vnd dörffen auch nicht ſtärcker
als 12. Perſonen auff einmahl durchs Landt ziehen/ vnnd werden von einem
Dorff zu dem andern alſo begleidet/ wann ſelbige Reutter nun dieſer Orten an-
kommen/ helt mans darfür daß ſie ein friſchen Herrn finden werden/ dann man
an allen Orten die Arthelerey Pferdt gemuſtert/ vnd auch noch etliche darzu
erkaufft/ welche mit deß Königs Zeichen bezeichnet vnd gebrennt worden/ theils
nach Maſtricht vnd theils nach Mecheln geführt/ man vermeynt wol es ſolle
ſich noch etwas an ſpinnen/ welches man ſich nicht verſehen hette.

Auß Leipzig wird hieher geſchrieben/ daß Jhre Keyſerl. Majeſt. den
ChurFürſten von Sachſen zu Dreßden beſuchen wollen/ weilen aber
Jhre Chur Fürſtliche Gnaden ſich deſſen entſchuldiget/ vnnd ſelbſten ge-
daucht/ es wehre Jhrer Keyſerl. Mayeſt zuviel/ wolten alſo derſelbigen vff hal-
ben Weg entgegen kommen/ was nun deren Tractation ſeyn wird/ gibt die Zeit/
an vermeynt gleichwol daß es die Gülchiſche Landten betreffen ſolle.

Von Dorth wird geſchrieben/ daß die General Staaden von Hollandt nun
mehr die Pſandung/ ſo ſie dem König in Engellandt ſchuldig geweſen/ bey einander
gemacht/ vnd dem Königlichen Geſandten vberzehlen laſſen/ vnnd ſolle das Engkllän-
diſche Kriegsvolck welches in Fuſſingen/ Brüel vnnd dem Hanß Rammecken dem
König in Engellandt vff 10. diſes abſchweren vnd außziehen/ vnd gemeite Oerter den
Staaden wider eingeraumbt werden/ vnnd weil die Staaden vom König in Engel-
landt begert/ daß gemeltes Kriegsvolck Jhnen möchte gelaſſen werden/ ſollen dieſelben
den 15. Dito den Staaden ſchwiren/ vnd in ſelbige Guarniſonen widerumb Quartirt.
werden/ aber die Staaden ſollens bezahlen.

Auß Rohm vom 14. Ditto.

Sambſtag hat der Babſt befohlen/ etliches Volck auff ſeine Gallern zuwerben/
es ſeynd auch etliche Soldaten ſo außländiſchen Fürſten dienen wollen/ auff die Gal-
leten coactemalt worden/ deßgeeichen iſt zu Arcona ein Ritter eingezogen worden/ wel-
cher in der Marca Soldaten für außländiſche Fürſten geworben.

Auß Venedig vom 24. Ditto.

Montags hat man ein Compag. Alponeſer gemuſtert/ ſo mit andern Soldaten
nach dem Läger geſchickt worden/ dahin viel Schweitzer/ Graubünder vnd Banditen
gezogen/ welche nach Palman vnd andern Orten gelegt worden/ vnd weil der Fried in
Franckreich beſchloſſen/ ſo erwartet man darvon auch 8000. Mann/ deßgleichen et-
lich 1000. Türcken von Ponente ſo hieiger Herrſchafft zu kommen ſollen.

Auß Friaul hat man/ daß täglich von beyden theilen Scharmützel fürgehen/ vnder wel-
chen ein Teutſcher Freyherr von Görtz gefangen worden/ ſonſten haben die vnſern ein
gut theil Volck von Mariano nach Media gelegt/ ſich zu erweytern/ wegen deß groſſen
Volcke ſo jhnen täglich zu zeucht/ ſo ſtärcken ſich die Erhertzogiſche je länger je mehr bey
Lucinis/ wie dann derſelben ſchon zu Fuß 6000. vnd 1200. Reutter daſelbſt liegen/ weig
cheden vnſern den 12. diß ein Schlacht angebotten/ ſo ſie aber nicht angenom̃en.

Auß Wien vom 19. May.

Verſchienen Sontag hat vnſer/ wie auch die Türckiſche Bottſchafft vom Herrn
Cardinal Clöſell Vrlaub genommen/ ſoll nun täglich auffbrechen/ laſſen bereit alle
Sachen zu Schiff tragen.

Herr Humaney Georg ſolle ſamtem Ratull Weyda mit einer ſtarcken
KriegsMacht in Siebenbürgen ziehen/ ſelbiges Landt in ſich zu bringen/ man vermeyni
aber weil der Betlehem Gabor einen ſtarcken Anhang/ Er würde wenig außrichten/
ſonſten ſagt man vor gewiß/ der Türck habe mit dem Perſianer Fried gemacht.

Auß Groͤtz vom 16. diß.

Freytags iſt Ertzhertzog Leopolt gar ſtattlich allhier ankommen/ ſonſten gehet das
Kriegsweſen auff beyden Theilen ſeltzam zu/ ſie rauben vnd brennen alles hinweg/ ha-
ben die Vnſern erſt newlich Parenza vnd Albona ſpolirt/ in Brannt geſteckt vnnd viel
Kauffleut gefangen/ ſo ſparens die Venediger den vnſern auch nicht.

Von Duͤſſeldorff wird geſchrieben daß zwiſchen jhnen vnd der Statt Neuß der
vor dieſem vorgefallene Streit wegen einer Wieſen widerumb angefangen/ haben alſo
die Duͤſſeldörffer etliche Neuſer Bürger wie auch etliche Pferdt gefangen genommen/
vnd nach Duͤſſeldorff geführt/ dagegen die Neuſer Jhr beſtes auch gethan/ vnnd viel
Duͤſſeldörffer gefangen/ als die Duͤſſeldörffer ſolches geſehen/ haben ſie die Pferdt wi-
der geſchickt/ vnd die gefangene Buͤrger theils in die Herberg theils zum Pro-
uoſen gelegt/ deßgleichen die Neuſer auch gethan/ was endlich
hierauß folgen wird/ gibt die Zeit.

Auß deß Graffenhaage vem 30. May 1616.

[i]e letzte auß Franckreich celären/ daß ob wol der Frieden den Refor-
mirten Religionsverwandten zu groſſem vortheil daſelbſt getroffen/
vnd ein new Edict daron gemacht ſoll werden/ ſeyn dieſelbe gleichwol
reſolvirt all jhr geworden Kriegsrolck noch in Dienſt zubehalten/ Der König
hatte Jhnen vnder anderen alle jhre Plätzen ſo ſie zu verſicherung einhaben/
noch vor 6. Jahren confimirt/ vnnd vor dieſelbe ein newen Standt vff gericht/
welches ſie hiebevorn niemals erlangen können/ auch die reformirte Kirchen in
Bearne mit denen in Franckreich incorporirt worden/ ſo Jhnen der König le
Grand niemals einwelligen wollen/ Ein jeder ward wider in ſeine vorige Aemb-
ter vnd digniteten wie ſie ſolche bey Lebzeiten deſſelben Königs poſſedirt/ geſetzt.

Die Abgeſandten von Lübeck/ Bremen/ Braunſchweig/ Magdenburg/
ſeynd nunmehr allhier angelangt/ vnnd iſt man täglichs auch eines Syndiet
mit völliger Commiſſion vnnd Jnſtruction von verſchiedenen anderen Stät-
ten gewärtig/ vmb zugleich eine feſte Bündtnuß mit den Ständen dieſer Lan-
den zubeſchlieſſen vnd zubeſchweren/ den erfolg hat man hernechſt zuvernemen.

Jnmitt iſt ſein viel Obriſte/ Befelchshabere vnd ander Kriegsvolck auß
den Oeſteriſchen vnnd andern Quartiren allhie erſchienen/ ſo auff friſche Be-
ſtallungen warten/ Dann wie man vernimbt werden gedachte Stätte nas
dem Beſchluß jhrer obgemelten Sachen viel Soldaten zu Roß vnnd Fuß
annehmen. Deßgleichen haben die Herrn Staaden mit S. Printzl. Excell.
nunmehr auch reſoluirt vnd beſchloſſen/ erſte tages noch etlich 1000. Maan in
dieſen Landen anzunehmen/ vmb in den Frontierſtätten zulegen/ dan alle des
ander Kriegsvolck zu Roß vnnd Fuß faſt aller auß/ vnnd zu Felde ziehen ſoll/
vond wirdt jeto vnder allen Cog pagnien alles angenommer/ was ſich zu ver-
ſterckung derſelbe preſentiren thitt.

Es ſolle in kurtzem wider ein ſtarckts Conuoy hinauff ziehen/ die
Veſtungen Gülch/ Mörß vnnd andere Ontermit ll rleynotturfften wol zu
providiren. Jn Brabandt vnd deren orten iſt das Spaniſche Kriegsvolck
vff die 400. Wagen gemuſtert worden/ wie man dan zu Duynkrchen nech et-
liche 100 Spanier gewertig/ das geſchrey gienge ſtarck/ man were will.ent-
weder Gülch oder Mörß zu belägern.

Die jert brieffauß Esgellandt melden/ daß die Serten/ wider den Som
merſet vnd ſeiner Haußfcawen nun erſtags ſolle außg ſprochen werden/ vnnd
hatte der König den Venedigern in 6000. Mann zu hulff zuzuſchicken ver-
ſprochen.

Auß Coͤlln vom 8. Ma[y]/ 1616.

Wir haben vor dieſem gemelt/ daß nicht viel newes dieſer orten vorgeſallen/
dann es vberall ſtill geweſen/ jetzt aber wird vberall ſpargirt/ daß der Ertzhertzog
Albertus wie auch die Jnfantin/ die Niederlanden ſo ſie biß dahero gudernirt
gäntzlich vff den König von Spanien reſignirt haben/ Jnmittelſt hat es das
anſehen/ daß Jhr Keyſerlich Maytt. die Gülchiſche Landen in Sequeſtration
nemen werde dann das abgedanckte Kriegsvolck ſonderlich die Teutſche Reu-
ter ſo albereit abgedanckt vnd herauß kommen vff Spaniſche Beſoldung vnd
vnd in Keyßl. Maytt. Namen/ welche zu dienen begeren angenommen werden/
vnd wie verlaut/ ſolle deß Conte de Bucquoy Leutenambt ſich nach den Fron-
tiren von Franckreich begeben haben/ vmb daſelbſten auch das abgedanckte
Fußvolck wie auch die Reuter vollendts anzunehmen/ ſtehet alſo zubeſorgen/
daß man jnner 6. wochen etwas newes vernehmen wirdt/ denn als das geſchrey
vnder den Staaden erſchollen/ haben Sie in jhren vnderhabenden Prouintzien
vnder dem Landtvolck in die 5000. Mann annehmen laſſen/ welche ſie/ ſo baldt
die Soldaten auß den Stätten vnd Veſtungen zu Felt ziehen werden/ in dero
Platz ſelbige örter zubewahren/ eingelegt werden ſollen/ denen ſie dann nicht
mehr als halbe beſoldung geben dürffen/ iſt alſo zuvermuthen/ da beyde theil in
das Feldt kommen/ daß es ohne Streich nicht abgehen werde.

Man hat ſonſten vberall das Spaniſch Kriegsrolck gemuſtert/ vnnd die
Compagnien mit dem Kriegsvolck ſo ſie in der ſtill hin vnd wider angenommen
geſtercket/ vnnd hat man auch noch mehr volcks in die Statt Weſel gebracht/
ſcheit wol daß man die Veſtung Gülch mit ſtarcken Bollwercken vnnd
Schantzen verſehen wirdt/ damit ſie kein Korn hinen bekommen/ auch nicht
außfallen noch vor den Staaden proviandirt werden können/ vnnd ſelbigs
Veſtung alſo außhungern.

Auß Engellaadt wirdt bericht/ daß Engliſche Ständt ſelbigem König
gerahten/ daß er den Heyrath mit der Tochter von Spania ſoll bleiben laſſen/
vnd ein Legation an den König in Franckreich abfertigen/ vnd vmb deß Königs
zweyte Schweſter anhalten/ weilen aber dieſelbige eben ſo wol Catholiſch/ als
auch die von Spanien/ helt mans darfür daß der König vnd die Königin jrrm
Jntent nach geleben werden/ doch wirdts die zeit alles lehren.

Wir haben jüngſt auch gemelt/ daß etliche Hänſeeſtätt Geſandten in den
Haag angelangt/ vmb ſich zuberahtſchlagen/ was ſie vff das Kayſerlich bege-
ren wegen der Bündtnuß ſo ſie mit den Staaden gemacht/ antworten ſollen/
jetzt vernehmen wir/ daß ſie nicht allein ſolche Bündtnuß confirmiren/ ſondern
ſich darbey erbieten/ noch ſo viel Kriegsvolck ins Felt zubringen/ als die Staa
2..

in im Feldt haben/ vnd wöllen ſich alſo vff allen nothfall gefaſt machen/ vnnd
da der König von Dennemarck etwas gegen die Statt Lübeck oder ſonſten ge-
gen jemandt anders anfangen würde/ jme damit deſto beſſer zubegegnen.

Auß Spania wirdt bericht/ daß ſelbiger König wider vmb vffs new ein
Miliion Golt vbergemacht/ welche halb zu Milato/ vnd halb in Teutſchland
ſolle bezahlt werden/ vnd weiln in Teutſchlandt kein krieg vorhanden/ wirdt er-
acht/ daß ſolches Gelt vff die Gülchiſche Landen angeſehen ſey/ Auch hat man
das vermuthen/ weillen Jhr Keyſerl. Maytt. ſich in eigner Perſon zu dem
Churfürſten von Sachſen begeben wöllen/ daß etwan mittel vorhanden/ Jhr
Chur Fürſtlichen Gn. in der Güte dahin zuvermügen/ daß Sie vff die Gül-
chiſche Landen renuneijrn möchten/ damit dieſelbige (die ohne das ein lange zeit
mit dem Kriegsvolck beſchweret worden/ ) einmal in einen rühwigen Standt
möchten gebracht werden.

Der jüngſt gemelte ſtreit zwiſchen den beyden Stätten/ Düſſeldorff vnnd
Neuß/ hat ſich wider hingelegt/ bleiben aber vnder deſſen noch etliche Perſonen
gefänglich/ biß man ſo wol von dem Churfürſten von Cölln/ als auch von
dem Fürſten von Newburg Reſolution bekombt/ weſſen man ſich hierin zuver-
halten habe.

Die Serittigkeiten zwiſchen den Reformirten Predicanten vnnd Vorſtla-
nern in Hollandt weret noch/ vnd wirdt lenger je gröſſer/ vnnd weiß man baldt
nicht wie man darauß kommen ſolle/ Sonſten iſt zu Ambſterdam ein Jagt-
Schiffl in mit etlichem Pfeffer aus OſtJndien angelangt/ welches Zeitung
bringt/ daß noch ſo baldt kein Holländiſche Schiff daſelbſt herauß kommen
werden/ weilen die andere ſo auß Hollandt dahin abfahren/ mit den Contanten
daſelbſt noch nicht angelangt worden/ vnnd wüſte man auch noch nicht wo die-
ſelbige damals geweſen/ weren alſo gemelte Schiff Patronen ſo ſich in OſtJn-
dien befinden/ in groſſen Sorgen/ die auß Hollandt kommende Schiff wür-
den entweder vom Feindt oder ſonſten durch vngeſtümme des Meers ſchaden
gelitten haben/ weillen aber hieſigt Kauffleut der meynung/ das ſolches nur ein
auſzgeben/ weillen Sie noch ein merckuchen Vorraht von Pfeffer vnd ſonſten
hinderſich haben/ vnnd ſolche gern auff einen hohen Preis bringen wolten/ als
werden obgemelt vrſachen wegen der Contanten für vngläublich gehalten.

Aus Rom vom 21. May Anno 1616.

Zu Neapolis ſeynd 2. Galleren mit den 42. Türcken/ welche per fortuna in
Calabria vfs Landt geworffen/ angelauffen/ vnd hat man auß Spania/ die Jadiani-
ſche Flota ware von S. Luca nach Madril abgeſegelt/ vnnd werden allda viel Solda-
ten nach Flandern zuſchicken eingeladen/ vnd wae dem allda angelangten Engliſchen
Ambaſſ. eine gülden Ketten von 12000. Cronen verehrt.

Auß Venedig vom 27. Ditto.

Maylaͤndiſche Brieff berichten/ daß man ſich daſelbſten wider einer newen Vnruh
gegen Sauoia beſorgt/ dahero der Gubernator den Schweitzern Järllich 800000.
Cronen aſſignirt auch dem Graffen von Sultz befohlen 4000. Teutſche zuwerben/
weil das Madrutziſche Regiment ſehr abgenommen/ deßgleichen ſoll der Ferrante Con-
zaga General Pimen Telli vber die Reuterey mit 30000. Cronen aus Spania ge-
wertig.

Von Genua wir dauiſärt/ daß auff ſelrigen Gebürgen ſich ſehr niel Banditen
befinden/ den Kauffleuten vff die Piaſentzer Meß vff den Dieſt zu warten.

Sontags ſeynd zu Breßla. 150. Schützen gemuſtert/ vnnd Montags mit 1000.
Mußquetirer ſambt 1200. außgewehltem Landtvolck mit einer Compagnia deß D.
lohan di Medici vnd einer guten Anzahl Albaneſer nach dem Läger geſandt worden/
ſo iſt der Excell. Proutditor Printi Mittwochs mit einer groſſen Summa Gelts nach
Friaul vnd Jſtria paſſirt.

Auß Friaul hat man daß 60. Ertzhertzogiſche Reut er 3. Meil von Palma bey
Camps Longo greſſen Schaten gethan/ 100. Perſonen erlegt/ etliche gefangen vnd viel
Vieh hinweg geführt/ die Vnſern haben ſich bey Maxiano wol verſchantzt/ vnd ſoll zu
Ankunfft des Priuli im Läger eine General Muſtrunggehalten werden/ allda wer-
den viel ſeltzame KriegsJnſtrumenten vnd känſtliche Fewerwerck zugerüſt/ vnd auch
50 Albaneſiſche Reutter mit viel Fußvolck ſo der Illuſt. Chiuran befoldet/ wie auch forſt
700. andere Albaneſiſche Pferdt erwn.

Von Genua wird bericht/ die Majſilianiſche Geilleren haben bey Golette 4.
Meerauberſchiff gefangen/ vnd eins verſenckt/ deßgleichen haben die Secllianiſchen
3. andee bekommen vnd viel Türckiſch Landt verdebt.

Sonſt ſolle der Admiral in Franckreich 25000. Cronen hergeſcheſſen/ vnd dem
Monſ Sciotiglione zu geſandt haben/ vmb für Sauoya Volck zuwerben/ a Spani-
ſchen Hof ſoll es ſehr vbel verſtanden werden daß der König in Franckreich de
Hertzogen von Sauona bey dem zu Aſtl verglichene rtien/ ma-
nutiniren will.

Auß des Graffenhaage vom 6. Junij 1616.

Eithero meines jüngſten ſeind die Herrn Staaden allhie täglichs im
Collegio beyſammen geweſt/ vnd vier der Hänſeeſtätte ſachen gar eyf-
ferig tractirt/ zu welchem ende dann ſelbige Abgeſandten faſt alle tagt
daſelbſt erſcheinen/ was ſie aber bißhero verhandlet/ davon kan man noch nichts
fänderlichs vernehmen.

Man ſagt/ daß die von Dantzig ſampt andere weitgeleg ne Stätte auch
in kurtzem durch jre Abgeſandten allhier erſcheinen werden/ ſich in dieſer newen
Bündenuß einzulaſſen/ denen noch wol andere vornehme Herrn vnd Stände
folgen möchten.

Vor wenig tagen wor Jhr Printzt. Exeell. widerumb gar lang in verſamb-
lung der Generalitet/ darnacher Jhre Excell. die ſamentliche der Hänſeeſtätte
Abgeſandten zu ſich erfordert/ vnd ein gute weil mit denſelben tractirt vnnd ge-
redt/ Senſten ſolle Jhre Excell. auch deßwegen in der Generalverſamblung
ſo lang geweſen ſein/ weiln kundtſchafft einkommen/ daß die Spaniſche aber-
mals in zunlicher anatht ſich vffgemeicht/ in willeng die Venttrale Statt Nupß
einzunehmen vnd zubeſetzen/ warber hann allerley geredt wirdt. Vnd möchte
Jhre Excell. oder derm Herr Bruder auch wol ehiſt mit ein theil Kriegsvolcſ
ſich zu Felt begeben/ vmb etwas zutentiren

Es ſollen zu Mittelburg 2. Schiff reich geladen auß Oſt Jndien anri
wirtz ſeyn/ reſerirende/ daß vor denen von Hallandgt auch etlicht vnder wegs ſeyn.
den erfolg/ gibt die zei

Vernehmen wir forrter/ daß der König von Dereermarck/ weiln Er ver-
kommen/ daß aus dieſen Landen in as wolgrenirter Kaufffohrers Schiff/ dar-
vnterg Kriegsſchiff/ vff der Piſcatrr nach dam Grönländiſchen Meer abge-
fahren/ vnd daß Seine 10. Kriegeſchieſſi/ be ſolches zuvorhidern außgefhren/
gu ſchwach fallen möchten/ Derowegen ſelbſten in Perſonemt nach 1. Kriegs-
Schieff den andern zu diiff außgeloſſen ſohnſolle.

Die Herrn Staaden haben abnmals duneb Schreiben den bigs e
zu Thunis in Barbaria vmbſtändig vnd errſtlich wegen erledigung die ſo
Landen gefangene zugeſchri bey vor dermahrt/ damit dadurch die met ſeinem
Herrn gemachte Freundtſchafft nicht geſchen labt werd

Netz kempt Schreiders von Gorgſtardang/ daß deſelbſtet/ Pageſchieff
gers H Vodion angelangt ſey/ ſo mit Pfefferſtiaggſein/ wnd der gleichen Waſ-
ren reichgeladen/ beingt auch aufſortit/ daß jn Vadſen noch etliche Schreffjnn

ladungen wären/ die man in 8. oder 9. wochen ebenfalls in Hollandt gewärtig.

Auß Coͤlln vom 16. Junij 1616.

Wir haben vr dieſem gemelt/ daß das geſchrey dieſer Ortengehit/ Daß
Jhre Keyßl. Maytt. die Gülchiſche Landen inn Sequeſtration nehmein werde/
dem iſt noch alſo/ vnd vermeint man gäntzlich daß die Veſtung Gülch in kur-
tzem ſolle belägert werden/ ſintemal die Spaniſche Rüſtung noch eben ſtarck
fortgehet/ vnd ſeind newlich alle Haupt vnd Befelchsleut/ ſampt dem gantzen
KriegsRath/ deß Graffen Cheiſtoffel von Oſt Frießlandt zu Aachen beyſam-
ien geweſt/ was Sie aber biſchloſſen iſt noch ingeheimb.

Man vrnimbt auß Dennemarck/ daß der König ſich ſtarck zu Waſſer
armire vnnd allbereit viel Kriegsſchiff in Jßlandt vnd Norwegen in See hat/
vmb den Holländern daſelbſten den Wal Fiſchfang zuverhindern/ Dann Er-
Jhnen denſelben durchauß nit geſtatten noch zulaſſen will/ an andern orten ſei-
nes Königreichs hat er jhnen etlicher maſſen bewilligt/ aber mit der Condition/
daß Sie Paſport von Jhme vor die Gebür an ſich bringen ſollen/ welches die
Holländer durchauß nicht thun wöllen/ vorgebend/ ſie ſeynn vor vielen Jahren
Ja vor den Engelländiſchen poſſeſſionirt geweſen/ wöllen derohalben nicht
nachlaſſen/ haben alſo 7. wolarmirter Kriegoſchiff zugerüſtet/ welche die Fiſcher
Schiff begleyten ſollen/ möcht alſo wol zwiſchen beyden theilen ſtöß geben.

Auß Spania wirdt mit einem Ordinari Curier bericht/ daß der Don
Pietro di Silua/ als Gubernator del Mare ſeine Armada mit 2500. Mann
geſtärcket/ vnnd in See außgelauffen/ als Er vernommen/ daß die Holländer
mit 8. Schiffen nach den Philippiniſchen Jnſulen geſeglet/ iſt er denſelben nac
gefolgt/ vnd ſie antroffen/ alsbalt ein ſtarcken Scharmützel mit denſelben gehal-
ten/ warvber der Holländer viel geblieben/ als ſie nun geſehen/ daß ſie zu ſchwas
geweſen/ vnd nicht lenger widerſtandt thun können/ haben ſie theils das fewr in
das Pulver gelegt/ vnd ſich alſo in die Lufft geſprengt/ der reſt aber ſo ſich nicht
ergeben wöllen/ von den Spaniſchen gar in grundt geſchoſſen/ daß alſo/ die Hol
ländiſche Compagn keinen nutzen von den 8. Schiffen zu gewarten haben/ Ob-
nun diß deß Admiral Spilbergen Schiff ſein geweſen/ wirdt mar mit nechſten
Brieffen vernehmen.

Auß Engellandt wirdt geſchrieben/ daß der Graff von Sommerſet ſambt
ſeinem Weib un einmahl condemnirt ſein/ das ſie beyde mit dem ſtrang ſollen
hingericht werden/ Sonſten iſt daſelbſten/ der erſte Termin von den Hollän-
dern wegen ablöſung der Stätt dem König vber bezahlt worden/ welches daß
gemeine Volck zu groſſen Frewden vervrſacht.

Wir vernehmen ſonſten auß Hollandt/ daß die Abgeſandten etlicher
Hänſeeſtätt/ als Lübeck/ Hamburg/ Bremen/ Magdeburg/ Roſtock Waln.
ſondt/ ꝛc.mit den Staaden ſich folgender geſtalt ſollen vergliechen haben/ Daß
ſit6000. zu Fuß vnd 1500. Pfert Järlich im Felt halten wollen/ woferrnes.
zum Krieg kompt.

Von Brüſſel wirdt gemelt/ daß deß Marquis Sp inole Sohn ig Bur-
gundt 6000. Mann zu Fuß/ vnnd 1500. Pferdt werben ſolle/ Mann weiß aber
noch zur zeit nicht/ wo Er damit hinauß will/ ob es nach Jtalien gegen die Ve-
netianer oder aber dieſer orten ſoll geführt werden.

Auß Hamburg vom 4. Junij. 1616.

Von newem wenig/ allein armirt ſich der König ſtarck zu Waſſer vnnd
Landt/ Es verlaut auch/ daß ein GeneralLandtag in Dennemarck ſolle gehal-
ten werden/ wie ſich dann die Dennemärckiſche Offtenrers vernehmen laſſen
nach endung deſſelben werde man was ſeltzams erfahren/ Dargegen halten die
Lübeckiſche jhre Sach auch in guter hutt/ haben in die 400. So daten werben
laſſen/ wirdt ſtarcke Wacht gehalten/ dann ſie gewarnet worden ſein ſollen.

An hieſiger Veſtung wirdt auch noch ſtarck gearbeytet/ vnd weil die Statt
faſt an einer ſeiten offen ſtehet/ müſſen deß nachts neben den geworbenen Sol-
daten vff die 400. Burger in jhrer Rüſtung vffziehen/ Es haben ſich vnſer
Statt Hauptmann vnnd Wachtmeiſter mit einander vervnwilliget/ daß ſie
endlich zur Wehr gegriffen/ vnnd hat der Hauptmann ein ſchaden in die recht
Handt bekommen/ daß er daran geſtorben/ vnder deſſen hat ſich der Wacht-
meiſter abſentirt/ dahero hieſiger Rath den Obriſten von Kemphauſen allhero
beſchrieben/ welcher dieſe tag erſchienen/ der ſolle allhier ſo lang verbleiben/ biß
ein ander Hauptmann ankommen wirdt/ wie man eracht ſo werden vnſere
Herrn Geſandten einen auß dem Haag mitbringen.

Man vernimbt/ daß der ſamtlichen Hänſeeſtätt Geſandten/ als ſie von
Bremen auß/ nach dem Haag gefahren/ die Spaniſche auff den dienſt geware
haben/ derowegen hat Herr Blaſius ſelbiat mit einer ſtarcken Conuoy begleyt.

Auß Rom vom 28. May.

Sontags ſeynd zu Ciuita Vecchia 6. Toſcaniſche Galleren aus Leuante zurück
kommen/ die haben 2. Capitain: Galleren von Algieri zu Caſtell Ruggio nechſt bey Ne-
graponte/ vnd in 200000. Cronen werth Beuthen bekommen/ gleichwol 40. Mann
verlohren/ vnd 280. verwundt/ doch hergegen 450. Chriſten erlediget/ die Türcken ha-
ben ſich dapffer gewehrt/ So wird aus Sicilia aviſirt/ deß Hertzogen von Oſſuna Ga-
leonen haben in Leuante 11. Türckiſche Vaſellen mit Kauffmanns Wahren ge-
fangen.

Auß Venedig vom 3. Junij.

Sontags ſeynd allhie 100. Marttloſſen/ Montags eine Cormpagnla von Gref-
ſa/ wie auch zu Meſter 200. Albeneſiſche Reuter gemuſtert/ vnnd nach dem Läger ge-
ſandt worden. ſo hat ſich ein Holländiſcher Cellons bey hieſiger Heerſchofft in Dien-
ſien eingelaſſen/ der ſolle 200. Reutter vnnd 600 zu Fuß/ wie gleichfalls ein anderer
Aeuſcher 600. zu Fuß führen.

Die Veochl haben in Dalmatia abermahls groſſen Schaden gethan/ denen
aber die Albaneſer ſtarck entgegen gezogen/ Jhrer viel erlegt/ vnd viel von den Beuthen
wider bekommen.

Auß Conſtantinopel hat man/ es wören allda bereyt 30. Galleren außgefahren/
denen ſollen noch 20. vnnd 2. Maeno folgen/ Obwol die Türcken außgeben/ mit den
Perſianern ſeyt ein Anſtandt tractiet/ ſo geſchichtes doch nur die Polen ſicher zuma-
chen/ dann der Perſianer mit viel Volck ſtrack vff den Gräntzen liegt.

Zu Genua hat ein Curier die Wechſelbrieff zu der letzt getroffener Partita/ als
nemblich 300000. Cronen nach Meylandt/ 100000. nach Teutſchlandt/ vnd 30000.
nach Hoffe mitgebracht/ der referirt benebens/ daß zu Nimes in Languadocca zwie
ſchen den Catholiſchen vnd Hugenotten eine groſſe Schwirigkeit entſtanden.

Auß des Graffenhaage vom 14. Junij 1616.

Je Herꝛn Staaden hben nunmehr mit der Hanſeeſtätten Abgeſand
ten ſo weit vnnd dahinv erhandlet/ daß endlich eine feſte Vnion vnnd
Alliantz zwiſchen Jhnen beyden/ faſt allerdings wie vor dieſem mit Lü-
beck gemacht vnd beſchloſſen ſey worden/ worauff dann die Herrn Staaden ob-
gedachten Abgeſandten geſtert ein ſtattlich Bancquet/ vnd ſchöne güldene Ket-
ten verehrt haben/ Man vermeynt daß ſie morgen oder vber morgen wieder na-
cher Hauß ziehen ſollen/ vnd in jhren Stätten alle nötige Anordnung ſtellen/
auch dieſelben wol laſſen fortificiren/ warzu dann etliche Jngenieur auß dieſen
Landen ehiſt dahin ziehen werden.

Donnerſtag ſeind Jhre Printzl. Excell. mit dem Hoffläger zum bewuſten
Endt nacher Seelandt verruckt/ vnnd ſollen die Engliſche Guarniſonen nun-
mehr von dannen ziehen/ Die im Briel aber machen noch etwas difficultet/ we-
gen noch eines hinderſtelligen Sold/ ſo gleichwol jhre Capitein empfangen vnd
jhnen nit zugeſtelt worden/ deßwegen man ſich jetzo bemühet/ ſie zucontentiren.

Auß Engellandt verlaut/ daß der von Sommerſet ſampt ſeiner Hauß-
frawen mit dem Strang gericht zu werden/ ſollen verwieſen ſeyn/ wiewolandere
außgeken/ er ſolle geviertheilt werden/ vnd ſolle jhre Außſaagen/ davon ſehr vnd
vnderſchiedlich gelagt wirdt/ ehiſt in Truck kommen.

Schreiben ferrner/ daß der König willens einen Abgeſandten nach Franck-
reich zuſenden/ ſelbigen Königs zweyte Schweſter vor den Printzen ſeinen
Sohn werben zulaſſen/ doch ſagen andere die Königinne ſeye mehr zu der zwey-
ten Tochter in Spanien geneigt/ was nun beyderſeits erfolgt/ gibt die zeit

Auß Brabandt haben allein die Widerkunfft deß Conte de Bucquoy auß
Spanien/ welcher alsbalt von Brüſſel nacher Bins zum Ertzhertzogen ver-
ruckt/ Er ſolle deß Gülchiſchen weſen halben allen beſcheydt mitbringen. Wir
vernehmen auß Embden/ daß der König von Dennemarck in ſeinem Landt
noch etliche Tauſent Mann zu Roß vnd Fuß in wartgelt vnderhalten thut.
Zu Ambſterdam ſein noch 5. gewaltige zugerüſte Kriegsſchieff außgelauffen/
denen ehiſt von Horn/ Enckhauſen/ Rotterdam vnd Seelandt noch 6. derglei-
chen folgen ſollen/ vmb zugleich nach den Babariſchen Cuſten die Seeräuber
zuverfolgen/ abgefahren/ weiln ſolche ſich immer verſtercken/ vnd ſchaden thun.

Der geſtandene See Sottermeer genant/ bey Leyden gelegen iſt durch die
Waſſerkunſt der Müllnwercken jtzo auch außgemahlen vnd trucken gemacht/
deßwegen dann die newe Dicken vnd Waſſerſchlotten daſelbſt zuverfertigen/
jederman der arbeyten vnd gelt verdienen will/ iſt kundt gethan worden.

Auß Coͤlln vom 24. Junij/ 1616.

Newes dieſer orten ſonderlich nit viel als daß Graff Ernſt von Naſſaw newli-
cher tagen mit einer Compagny Reuter zu Gülch angelangt/ wie verlaut/ ſoll
Er das Gubernament daſelbſten haben/ vnd der Obriſte Pidthaan wider nach
Hollandt in ſein Quartier ziehen/ als Er aber in der Veſtung aller beſchaffen-
heit Jnformation genommen/ ſeind ſeine Reuter vff den Dörffern hervmb ge-
ritten/ vnd von den Bawten gelt gefordert/ welche aber ſich dagegen geweigert
vnd nichts geben wöllen/ darvber der Reuter etliche jhre Wehren außgezogen/
vnd ſelbige vber die Köpffgehawen/ worauff die Bawren die Klocken geſchla-
gen/ ein Fendlin zum Kirchthurn oben hinauß geſteckt/ ſich gehäuffet/ vnd ſewr
auff die Reuter geben/ deren 2. erſchoſſen/ vnd etliche verwurdt/ daß ſie folgende
außreiſſen müſſen/ weiln aber die Bawren ſich beſorgen/ die Reuter möchten et-
wan hauffen weiß kommen vnd jnen die Dörffer in Brandt ſtecken/ als müſſen
ſie jetzo tag vnd nachtſtarcke wacht halten/ was nun hievber er folgt/ gibt die zeit.

Von Maſtricht wird geſchrieben/ daß nit allein daſelbſten ſondern an mehr
orten volck geworben/ vnd auch alle Artillerey vnd Waagenpferdt daſelbſt hin
verſchrieben/ welche täglich da anlangen/ ſo werden auch zu Antorff noch mehr
newe Fendlein für das Kriegsvolck gemacht/ daß alſo die gäntzliche vermotung.
es werde nunmehr ein anfang ſemacht werden/ dann man alle tag deß Graffen
von Bucquoy zu Brüſſel gewertig/ welcher deß Königs von Spanien Reſolu
tion vber die Gülchiſche Landen mitbringen ſolle/ ſo iſt auch wider vffs new ein
groſſe Summa Gelt auff Brüſſel remittirt/ welches zu annchennag mehrer
Kriegsvolck ſolle gebraucht werden.

Weiln die Staaden mit den Hänſeeſtätten newe Bändtnuß gemacht/ als
hat Graff Johann von Oſt Frießlandt vnd Rittberg/ Sein Hauß Rittberg/
vnter deß Königs von Spanien Protection ergeben/ welches dem Landt von
Heſſen vbel gefallen wirdt/ daß Jhnen die Spaniſchen ſo nahend vff den Hals
kommen. Von Brüſſel wirdt geſchrieben/ daß das Kriegsvolck ſo von
dem Jungen Marquis Spenole in Burgundt angenommen wirdt/ ſoll in die
Marggraffſchafft Baden gebraucht werden/ vmb die Jungen Herrn/ ſo ſich
zu Caſtelon vff halten/ in die Marggraffſchafft einzuſetzen.

Auß Franckreich wirdt geſchrieben/ daß faſt alle Printzen bey dem König
geweſen/ vnnd demſelben alle gebürliche Ehr erzeigt/ Folgendts mit gutem be-
genügen vrlaub genommen/ vnd ein jeder nach ſeinem Gubernament die Poſſeſ-
ſion einzunehmen verreiſt.

Auß S. Vaydt am Pflaum/ den 5. Junij. 1616.

Der Herr Ober Hauptmann zu Zangen/ ſo mit ſeinem volck in Jſterrich

liegt/ hat willens gehabt/ eine ſtattliche Jmpreſſa vorzunehmen/ welnes ober
jhme an groben Geſchütz gemanglet/ als iſt er mit ſeiner Macht auff Parer zo
gezogen/ alles daſelbſt herumb in Brandt geſteckt/ vnnd alſo gehauſt/ daß math
den ſchadet vff 300000. fl. ſchätzen thut.

Es ſind auch viel Zanger auß Jſterrich heut hiehero kommen/ vnnd ha-
ben alsbalt jhr in der Pflaum ſtehendes gerüſtes Schieff zurichten laſſen/ wil-
lens/ dieſe zukünfftige nacht von dannen zufahren/ vnnd anderowo jhr Heyl zu-
verſuchen/ wehe aber den jenigen/ ſo in jhre Hände kommen/ werden jhnen die
Zech theur genug bezahlen müſſen.

Auß Wien vom 10. Ditto.

Es iſt in Jſterrich ein ſolche forcht/ daß ſich die Venediſche Vnderthanen
mit verlaſſung der Dörffer/ Häuſer/ vnnd Palläſten in die nechſte Stätt bege-
ben/ vnnd ohne widerſtandt brennen laſſen/ Jſterrich aber wirdt in 20. Jahren
da gleich der verhoffende Friedt erfolgt/ nicht zu früchten kommen/ dann es iſt
alles eröſige vnd venderbt. Jn Vngarn/ wie auch in Oeſterreich heroben
gibt es ſehr ſtarcke Brunſten/ wie dann das Stättle Gomorrha/ die Vorſtatt
zu Raab/ Newheuſel/ vnd viel andere Dörffer/ auch in Oeſterreich vnterſchied-
liche ort gar in grundt abgebrennt worden/ 2. Türcken hat man gefangen/ ſo be-
kannt/ daß jedw.dem 4. Reichsthaler gegeben/ vnnd befohlen worden/ wo ſie
durchkommen können/ zubrennen/ als man ſie examinirt/ warumb es geſchehe/
haben ſie bekannt/ die vrſache ſey/ daß ſich die gehuldigte Dörffer vnter deß
Türcken Dienſtbarkeit nicht begeben wöllen/ derowegen ſie mit Brandt ver-
folgt werden ſollen/ zu dem ſeyrn ſie nicht allein/ ſondern noch viel junge perſo-
nen beſtelt/ ſo befelch haben/ allenthalben anzuzünden/ mann ſolle nur achtung
geben/ auff die/ ſo vnter dem Schein einer Pilgramſchafft betteln gehen.

Auß Prag vom 13. Ditto.

Geſtern hatdie Keyſerin ins Carlsbaad verreiſen ſollen/ welches aber gantz wi-
der eingeſtellt worden/ dann Jhrt Keyſerl. Mayeſt ſich gar vbel auff befinden

Vergangene Woch iſt Herr Wenzel Kinßky allhie in der Landtſtuben für ei-
nen offentlichen Landtverräther proclamirt worden/ vnd dem jenigen ſo Jhn lebendig
bekompt/ alle vff gewandte Vnkoſten zubezahlen/ vnd noch 10000. Thaler zu geben ver-
ſprochen worden/ oder Jhn aber vmbbringe vnd ſeinen Kopff liffern könne/ dem ſolle
die vffgeloffene Vnkoſten neben auch 5000. Thaler verehrt werden/ iſt aber auch einet
der deß Landts verwieſen/ oder ſonſten ſtüchtig wäre der ſolle ad honores plenariore-
ſtituiet ſeyn/ vnnd mit dergleichen Unkoſten vnd Verehrungen begabet werden/ wird
aber nichts mehr begert dann ſein Kopff.

Den Herrn von Collonitſch hat man auß dem Kauffang in ein ander Gefäng-

nuß darinnen vr dieſer Zeit der Baſſa von Oſen geſeſſen/ gelegt/ vnd ob Er zwar Jh-
zme ſelbſten eingebildet/ als hette Er eine gute Sach/ will doch faſt das Widerſpiel dar-
für gehalten werden/ daß Er ein ewiger Gefangener ſeyn müſſe.

Zwiſchen vnſer vnd der Türckiſche Bottſchafft hat ſich vnder Wegs aber noch
auff dem Ungariſchen Territorio ein böſer Handel zugetragen/ als daß Sie beyder-
ſeits zu Streichen kommen/ 8 Türcken vnnd 4 Chriſten/ darunter Böhmiſche vom
Adel ſeynd geblieben/ deſſen aber vngeacht iſt der Keyſerl. Ambaſſ. Herr von Tſchierin
fortgereiſet.

Auß Venedig vom 10. Junij.

Mayländiſche Beieff beſtettigen/ daß eine groſſe Auzahl Teutſche/ Schweitzer/
Neapolitaner vnd Burgundiſche Soldaten ſollen verſamblet werden.

Samſtags ſeyn die Spaniſche Ambaſſ. von newem allhier im Collegio gewe-
ſen vnd von der Herrſchafft Antwort empfangen/ daß Sie von den eroberten Orten
nicht abtretten könten/ wollen Sie aber was handlen ſollen Sie ſolches thun/ wo nicht/
abziehen/ darauff der Päpſtiſche Nuncius neben den Ambaſſatorn wider einen Currirer
zurück ſpedirt/ ꝛc.

Auß Engellandt vernimbt man daß der Freyherr Siquel 1500. geworbene Sol-
daten den Venedigern vff Waſellen zu führen. Wir erwarten auch 10. Fähnlein
Graubünder vnd andere Schweitzer/ beneben ſeyn viel Kugeln vnnd andere Kriegs
Munition ins Läger geſanbt worden/ vnnd ſoclen die vnſern 2. Barcken mit Vſto-
chen gefangen haben/ Sonſten thut ein Theil dem andern groſſen Schaden/ ſtirbt au-
in beyden Lägern/ alſo daß ſich im Ertzhertzogiſchen Läger vber 3000. zu Fuß vnd 700.
Pferdt nicht befinden/ daß ſie deß Graffen von Altheimb mit einem Regiment Knet
erwarten. Vnd hat man im Venediſchen Läger 5. Becker/ ſo falſch Brod gebacken/
vff gehenckt/ Deßgleichen gehen in Jſtria groſſe Rauberey vnd Scharmützel/ mit bey-
der Theil Schaden vor/ wie dann der Venediſche Proueditor dem Freyherrn Bet-
tratto ein groß Dorff abgebrenndt vnd viel Perſonen gefangen/ iſt auch dem
Graffen von Serin groſſen Schaden gethan
worden.

Auß des Graffenhaage vom 20. Junij 1616.

Eiln verlauten will/ daß die Spaniſchẽ von newem vf jenſeit Rheins
vnderm Commando Graff Henrichen vom Berg ſich etliche 1000.
ſtarck zu Roß vnd Fußſſampt Geſchütz vnd Munition verſamblen/
vmb wieder Bremen oder andere Oerter etwas vorzunehmen/ als ſindt die
Bremiſche Abgeſandten donnerſtag eylends von hinnen nach Hauß verruckt/
denen die von Hamburg vnd Braunſchweig freytags gefolgt/ die vbrige ſeynd
ſambſtags fortgezogen/ Die Herrn Staaden haben jhnen viel gutthaten er-
zeigt/ auch Jedemn eine ſchöne güldene Ketten verehrt/ Sonſten iſt alles ſo wol
ſchrifftlich als mündtlich was zu der Vnion vnd Bündtnuß mit den Hanſee-
ſtätten noch gehörig geweſt/ zubeyderſeits begnügen fort abgehandlet/ dabey ge-
ſetzt/ vnd endtlich verſchienen Mitwoch in voller verſamblung der Generalitet
beyderſeits alles mit Eydtsbetheurung bekräfftiger/ vnnd darauff zu Mitta
das Banquet gehalten/ vnd gar frölich miteinander geweſen.

Ob wol Jhre Printz. Excell. willens geweſt ſich auß Seelandt nach
Flandern vnd Brabandt ſelbige Stätt vnd Veſtung ſo dieſer Vnion vnder-
worffen/ zu beſuchen/ vnd mehr zu laſſen befeſtigen/ zu begeden. Wird doch an-
jetzo geſagt/ daß dieſelbige eylents wider vff allhero beſchrieben worden ſey/ vmb
das Feldeäger zu formiren/ vnnd den Spaniſchen wo ſie etwas anſahen/ nach
gelegenheit Abbruch zu thun/ vnd ſonſten auch etwas zu tentiren. Vern eh-
ne auch daß ein Eyl Currier mit Schreiben vom Hertzogen von Sauoya an
Jhre Pr. Excell. ſolle kommen/ vnd alsbald zu deroſelben nacher Seelandt ver-
ſchickt worden ſeyn/ ohne daß man noch weiß zu welchem End.

Der Hänſeſtätt Abgelandten ſollen hier ſchon etliche Capitenen vnnd
Officirer in Beſtallung vnd Wartgzelt genommen haben/ ſich deren da nötig
zu gebrauchen.

Die vergangene Wochen ſeynd von Briel vnd denen Orten/ weil ſich ein
extraordinari groſſer Häringsfang erzeigen ſolle/ wol in die dreyhundere
Schiff ſampt etlichen Kriegsſchiffen ſolche wider die Seeräuber zubeſchützen/
zu Segel gangen/ vnd ſich in Occcano begeben. Heut haben die Engelländi-
ſche Gubernatores vnd Officirer von Fliſſingen/ Briel vnd Rammekens im
Collegio den Herrn Staaden General ein newen Eyd geleiſt/ vnd darauff deß
Eyds damit ſie dabevorn dem König in GroßBritt. verpflicht geweſen/ eni-
laſſen worden.

Auß Coͤlln vom 29. Junij.

Jhhab vor dieſein gemelt/ wie daß Graff Ernſt von Naſſatt in der Ve-
ſtung Gilich angelangt/ vnd daß Er villeicht das Gubernament ſelbiger Ve-
ſtung vff ſich nehmen würde/ jetzt vernehme ſch aber daß Er zu dem End nicht
dahin kommen/ ſondern daß Er die Soldaten gemuſtert/ vnd alle nothwendigs
Ordnung angeſtellt/ vnd weilen hin vnd wider das Geſchrey/ daß ſelbige Ve-
ſtung in kurtzem ſolle belägert werden/ hat Er Ordnung geben dieſel-
bige noch mehr zubeveſtigen/ auch die Gräben zuvertieffen/ damit ſie nicht
können vndergraben werden/ Derowegen vergangenen Freytag die Trommel
ſchlegen vnd außruffen laſſen/ daß alle die jenige welche luſt zu ſolcher Arbeit/
ſich bey dem Obriſten angeben ſollen/ man ſoll Jhnen gute Beſoldung verord-
nen. Zu dem End iſt ein Staadiſcher Commiſſarius allhie angelangt/ wel-
cher viel Kraut vnd Loth ſampt andern Kriegsrüſtungen allhie erkaufft vnnd
nach Gülch führen laſſen/ iſt alſo zuvermuten/ ſo bald das Korn auß dem Feld
vnd in den Scheuwren iſt/ daß noch was in den Gülchiſchen Landten möchte
worgenomnen werden.

Von diuerſen Oertern auß Weſtphalen wird geſchrieben/ weilen die
Staaden die Herrligkeit Burckelo wegen der Graffen von Stprumb einge-
nommen/ vnnd dieſelbige in Jhre Poſſeſſion wider geſetzet/ daß Jhre Keyſerl.
Mayeſt. durch offentliche Patenten in gemelter Herrligkeit Burckelo anſchla-
gen laſſen/ daß obgemeite Graffen dem Stifft Münſter gemelte Herꝛligkeit
Burckelt/ bey Erklärung deß Römiſchen Reichs Acht vnd Aber Acht/ wider-
vmb einraumen vnd reſtituiren ſollen/ was zum deſſenthalben wird fürgehen/
gibt die Zeit.

Von Ambſterdamb wird geſchrieben/ daß Seine Excell. nach dem Sie
die Engtlländiſche Guarniſonen in Seelandt in den verpfändten Stätten
verendert/ vnnd ſelbige Beſatzungen in der Staaden Dienſt wider angenom-
men/ Er ein Extra ordinari Currier von den Staaden bekommen/ welches
Jhme Befelch bracht/ daß Er ſich in aller Eyl wider nach dem Hage verfügen
ſolle/ dann der Spaniſchen Anſchläge nunmehr bey Jhnen entdeckt/ müſten
verowegen ſich berathſchlagen wie denſelbigen zu begegnen/ iſt alſo allen Obri-
ſten vnnd Capitainen befohlen worden/ vff allen Nothfall ſich fertig zuhalten/
auch alsbald etliche Pündten mit Kraut vnnd Loth/ Hacken vnd Schippen/
Geſchütz vnd andere Munition nach Reeß geſandt/ vnd thut an ſelbiger Statt
Nacht vnd Tag zu Son- vnd Feyertag ohn vnderlas ſtarck arbetten/ vmb die-
ſelbige Vnwinbar zumachen.

Auß Cleeff wird gemelt/ daß die Brandenburgiſche nachgelaſſene Räth
von den Geiſtlichen Schatzung oder Contribution begert haben/ wetien ſich die
aber in deme geweigert/ vorgebent/ Sie wären dißfalß nichts ſchuldig/ als ha-
ben die Räth nach Nimwegen geſchrieben/ daß die Staadiſche Reutter ſo va-
ſelbſten in Guarniſon ſich vff dero Höf vnd Güter im gantzen Landt vor Cleeff
lägern/ vnnd die ſelbige zur Bezahlung zwingen ſollen/ wie dann dieſelbige
auch alsbald gethan/ hergegen die Spaniſche Reutter/ theils ſich vff der Bür-
ger Güter gelägert/ vnnd auch groſſen Schaden gethan/ werden alſo die arme
Leuth zu allen Seiten gemartert vnd geplaget.

Von Brüſſel wird geſchrieben/ daß der Spinola in aller Eyl von Jh-
rer Hoch Fürſtl. Durchl. dahin erfordert worden/ wie verlaut/ ſeine Commiſſi-
on (weſſen Er ſich in den Gülchiſchen Sachen zuverhalten) von Jrer Durchl.
zuempfangen/ vnnd ſollen ehiſt noch mehr Reuter vnnd Fußvolck geworden
werden/ man helt aber darfür/ daß ſolches vff nichts anders angeſehen/ als al-
lein vff ein Röm. König/ zu welchem End dann der Junge König auß Spa-
nien herauſſen kommen ſolle/ ꝛẽ.

Aus Rohm vom 11. Junij.

Auß Neapoli hat man/ daſelbſt weren von Haggia 42. Mauleſel mit Gelt
beladen/ angelangt/ vber die 215000. Cronen ſo die Herrn Saluzzi wegen Cac-
ciliano erlegt/ daß alſo an jetzo eine groſſe Summa Gelts im Caſtell liegt/ die
Schuldner wegen der Cammer darvon zu bezahlen.

Der Signor Paris Pinelli ſolle dem Stado Piumbino von Keyſerl.
Mayeſt. für 600000. Cronen in 3. Friſten zubezahlen/ erkauffen/ ſo ſtehen deß
Duca di Doria Galleren fertig/ den Don Frans. di Caſtro als angehenden
Vice Re in Sicilia zu führen.

Auß Maylandt hat man/ derſelbe Gubernator habe 2. Teutſche Compag.
Soldaten/ ſo alldanngelangt/ nach Lodi ſenden wöllen/ welches ſie aber abge-
ſchlagen/ ſonſt hat der Königliche Rath der Statt Maylandt vfferiegt/ 100000
Cronen ber zugeben/ die Soldaten darvon zubezahlen.

Von Thurino wird gemelt/ der Sauoyer erzeigt dem Frantzöſiſchen
Ambaſſ. Monſ. di Pethune ſehr groſſe Ehr/ der wird täglich nach Meylandt
zu der augeſtellten Vergleichung abreyſen/ ſonſten hat der Sauoyer groſſe
Prouiſion von allerhand Treydt gemacht/ auch Anordnung gethan/ daß Er-
inner 24. Stundt in 14000. Mann ſeines Landtvolcks beyſammen haben
lan/ darmit/ wann ſich der Vergleich zerſchliege/ Er zur Defenſion gefaſt ſeyn

möge/ wie ſich dand auch viel Franhoſen/ ſo die Printzen licentirt/ Jhme zu die-
nen erzeigen.

Auß Friaul hat man/ der Don Balthaſar Meradeswüre mit 7. Fahnen
Reutter ſampt etlich Mußquetirern außgezogen vnd die Statt Muſanz na-
hend Aquilea vberfallen vnd geplündert/ deßgleichen ſeynd andere 50. Ertzher-
tzogiſche Pferdt gegen Mariano paſſirt/ welche mit den Venedigern geſchär-
mützelt/ darüber zu beyden Theilen etlich/ ſonderlich 7. Vſtochi geblieben/ im
zurück ziehen aber haben ſie etliche Häuſer verbrandt.

Der General Briuli hat ſein Volck gemuſtert/ vnd vber 4000. Knecht
auch von 3000. Pferdten vber 800. nit mehr befunden/ dann Jhme ſehr viel ge-
ſtorben/denen ſollen täglich 400. Graubinder zuziehen/ ſonſten laſſen die Ertz-
hertzogiſche eine groſſe Anzahl Leitern zurüſten/ die haben in Jſtria ſehr viel
Mühlen abgebranndt/ auch 7. Karren mit Krancken Knechten/ ſo von Car-
mons nach Mariano geführt werden/ wie gleichfals 7. Karren mit Wein be-
laden/ ſo nach dem Läger gewolt/ bekommen/ deßgleichen ſollen die Vnſern deß
Gubernators Sohn von Gradiſca gefangen haben.

Auß Lyon vom 1. Junij.

Die beſchlaſſene Friedena Articul werden täglich erequirt/ vid weil der
Monſ.de Longauille das Guberno in Norman die noch bewilliget worden/
alſo ſolle Er dargegen der Königin das Land Piccardia abtretten. Deß Prin-
tzen von Conte welcher die ander Perſon oder Standt/ wird ehiſt zu Hof er-
wart/ dahin der hieſige Gubertrator Dalnicoure gleichfals vom König be-
ſchrieben worden/ der iſt Geſtern dahin verreiſt/ ebener maſſen ſoll der Mons.
Ladigira von Granoble nach Suſſa kommen/ zum Hertzogen von Sauoya-
mit Hülff deß Monſ. Pithane ein Vergleich zutreffen/ im widerigen Fall wird
der Sauoyer vom König groſſen Beyſtand haben.

Aus Prag vom 19. Junij.

Weilen Heut die Patenten ſampt etlich tauſend Thaler vor den Graf-
fen von Sultz herauſſer kommen/ alſo gehet die völlige Werbung fort/ ſonſten
ſeynd die Braunſchweigiſche Geſandten wegen der Grubenhaagiſchen
Sachen allhero gelangt/ ſo iſt auch Heut in der Schleſiger Sa-
chen zuhandlen angefangen worden.

Auß deß Graffenhaage vom 27. Junij 1616.

Jt die Jüngſte Brieff vnd Aduertentien auß Franckreich vernehmen
wir/ daß der König/ weil Er vermerckte/ daß die Spaniſche dem Her-
tzogen von Sauoya vermög deß zu Aſti getroffenen Accords die abge-
nommene Daternicht zu reſtituiren gemeynt/ wie dann Jhre Majeſt. ſich ein-
gelaſſen/ der einen oder andern Parthey/ ſo dieſen Vertrag nicht halten würd/
darzu zu helffen bezwingen/ hat derowegen in 5000. Soldaten Hochgemeitem
Hertzogen zu hilff geſchickt.

Auß Engellandt melden die Jüngſte/ daß der Venediſche Ambaſſ. zu
Londen gählings ſchwach worden/ vnd den dritten Tag dardach geſtorben ſey/
etliche meynen daß Jhme von ſeinen Widerwertigen ein Süplein ſolle gekocht
ſeyn/ vmb dardurch die Sachen zwiſchen dem König vnnd den Venedigern
etwas zu retardiren/ inmittelſt thete man die Schiff vor das Kriegsvolck ſo nach
Venedig ſolle geſchickt werden/ fertig machen/ warteten nur allein vff die zu
rück kunfft Jhres General Obriſten/ welchen man täglichs mit aller guten
Sariefaction von Venedigern gewärtig.

Dieſer Tagen iſt Herr Graff Ernſt Caſimir von Naſſaw mit etlichen
Reuttern nach den Oberquartiren verruckt/ dero Orten vornemblich zu
Bülch vnd Mörß alle nötige Anordnung zuthun/ vnd ſonſten andere Bereit-
ſchafften machen zu laſſen/ weilen die Spaniſche ſich ſo ſehr verſtercken.

Mit die letzte auß Flandern vernehmen wir/ daß nach dem Jhre Printz.
Excell. zu Schleuß vnd dero Orten alles beſichtiget/ vnd wo nötig/ gute Anord-
nung geſtellt/ dieſelbe alsbald von dannen nacher Brabandt vnd Breda vffge-
brochen ſey/ ſelbige Veſtung auch zu viſttiren/ vnd ſich ſo weiters wider vff al-
hero begeben/ wie man dann deroſelbe/ Morgen oder Vbermorgen allhie ge-
wärtig/ iſt ſchon zum zweytenmahl beſchrieben/ man ſagt vmb das Feltläger zu
formiren/ warzu dann alle Gezeiten vff etlichen weiten Plätzen allhie vffge-
ſchlagen ſtehen/ ſollen Morgen auch fort geſchickt werden.

Die Herrn Staaden ſeynd jetzo im Werck etliche nach den Oſtländi-
ſchen Quartiren zu ſenden/ vmb zu verhindern/ damit die Spaniſche ſich da-
ſelbſten wicht durch practica einiger Seeporten oder Reuieren zu nachtheil die-
ſer Lanten oder der Vnyrten Hänſeeſtät bemächtigen.

Es werden jetzt in dieſen Vnyrten Landten verſcheidene newt Kriegs-
ſabdiſf verfertiget/ vnd kommen täglichs auch viel Schiff zu Hauß/ referirende/
baß der Foewinal Spilbergen endlich mit einer Flotta von zehen wol Armirte

Schiff ſampt einer gar groſſen Beuth auß dem Stercho Magelanteo/ glück-
lich fort nach OſtJndien geſegelt ſey/ vnd wiſſen die Schiff ſo friſch auß der
Spaniſchen See kommen/ von kein Renccontre/ ſo die Spaniſche wider den
Spilbergen/ oder andere Holländiſche Sthiff ſollen gehabt haben/ zuſagen.

Auß Coͤlln vom 6. Julij.

Newes gibt es dieſer Orten wenig zuſchreiben/ dann allein daß man zu
Bülch mit ſortificirung ſelbiger Veſtung ſtarck fort fähret/ vnd gehet die Sag/
daß Sie nicht allein die Gräben vertieffen/ ſondern auch noch 3. newe Boll-
wercken darfür machen wöllen/ vnnd ob wol die Spaniſchen allerhand Fütte-
rung für die Pferdt einkaufft/ hört man doch nicht daß ſie etwas für haben/ al-
lein halten Sie ſich/ wie auch die Staadiſchen thun/ allermaſſen fertig.

Auß Hollandt wird geſchrieben/ daß nunmehr die Reſtitution der Stätt
beſchehen/ vnd daß man die Engelländiſche Guarniſonen vffs new angenom-
men vnnd den Soldaten ſchweren laſſen/ vnd in andere Beſatzungen hin vnnd
wider eingetheilet/ So iſt S. Excell. auch vff Erforderung der Staaden nach
dem Er allenthalben gute Oedtung angeſtellt in dem Haag wider angelangt/
vnd gehet täglich mit den Staaden fleiſſig zu Raht/ was Sie aber vorhaben/
wird in geheimb gehalten/ doch vernimbt man ſo viel/ daß Sie willens ſeyn/
wofern der Venediſche Krieg nicht bald vergliechen wird/ daß ſie etlich Schiff
mit Volc dahin ſenden wöllen/ in Hoffnung/ die Venediger würden Jhren
Willen gegen den Ertzhertzogiſchen erhalten/ damit ſie Jhre Commertien vol-
lenziehen mögen.

Auß Engellandt haben wir/ daß die Execution vber den Sommerſet vnd
ſeinem Weib noch nicht beſchehen/ vnd helt mans für gewiß daß Sie auch nie
geſchehen wird/ weilen die Gräfin deß jetzigen Treſouriers Tochter/ auch daß
man Sie niergendt mehr an ſchuldig find/ als an dem Todt deß vor dieſem ge-
melten vergebenen Edelmans/ ſonſten helt mans darfür/ daß der Heurath mit
Spanien fort gehen werde/ wiewol das auch ſtarck geſagt wird/ der Junge Kö-
nig ſolle beſſern Luſt zu dem Fräwlein in Franckreich haben/ weilen aber die
Engelliſche Geſandten ſo in Spanien ſeynd/ die Abconterfeytung ſelbiger
Tochter an den König geſandt/ wird vermuttet/ daß ſolches nicht ohne Frucht
ſoll abgehen/ ſonderlich weilen der König die ſchönſte vnd beſte Kleynot/ ſo Er-
allenthalben kan/ auffkauffen läſt/ vnnd ob wol viel in ſelbigem Königreich ge-
funden werden die es nicht gern ſehen/ ſo befinden ſich doch noch ſo viel/ die es
leiden mögen.