Auß Coͤlln/ vom 18. Auguſti/ 1616.
Heut acht tag haben wie gemelt/ wegen der prolongation deß Fridens/
vnd wie man jetzt von Antorff vermelt/ helt mans für gewiß/ daß gemelte pro-
longation jren effict wirdt erreichen/ dann wegen der Farth zwiſchen Antorff
vnd Holland geringe difficulteten ſich erfinden/ allein daß die Staadiſchen
ſich etwas wiederen/ werend der reſtirenden Jahren vom Treves/ wie man aber
vermeint/ ſo wird ſich ſelbige ſtrittigkeit wol vergleichen laſſen/ dann die Herrn
Staaden nit gern ſehen ſolten/ daß an Jhrer ſeyten der Treves ſolte gebrochen
werden/ dieweil ſich Könige vnd hohe Potentaten darfür obligirt haben.
Auß Franckreich haben wir nichts ſonderlichs/ als wie vor dieſem gemelt/
daß alle ſachen in bonis terminis ſtehen/ vnd daß ſich der Printz von Conte in
allermaſſen mit ſeiner Suyte ſo ſtarck befind/ als wol der König immer thut/
gleichwol iſt nit ohne/ daß ſich wol ein Einländiſcher Krieg erheben möchte/ vr-
ſach daß viele diſeurſen/ da Gott für ſey/ ſolten entdeckt werden.
Von Brüſſel wird geſchrieben/ daß der Marquis Spinola vnd der Conta
von Bucquoiſtets bey einander vnd zuſammen eſſen vnd trincken/ vnd daß der
Marquis Spinola dem von Bucquoi/ als vornembſten Obriſten Keyßerl.
Maytt. allzeit die hohe Selth gelaſſen.
Wegen deß Weaber Kriegs zu Delfft hat es dieſe gelegenheit/ daß obwoll
die Weiber vermeint/ ſie hetten greß recht/ will ſich doch das gegenſpiel befin-
den/ weilin die Herrn Staaden als Oberherrn ſolch Perdon/ ſo Jhnen der
Magiſtrat zugelaſſen/ nit geſtatten wöllen/ Sondern den Fiſcal general da-
hin verordnet/ daß Er Information wegen der Weiber ſoll einnehmen/ als hat
Er der vornembſten fünffe in hafftung eir ziehen laſſen/ etliche vber die Maw-
ren geſprungen/ deren theilo den hals zerbrochen vnnd geſtorben/ andere aber
werden möſſen das geloch bezahlen/ weitläufftigern Bericht hiervon/ ſoll mit
nechſtein folgen.
Von Lüttig wird gemelt/ daß daſelbſt vor den König von Spania Reuter
vnd Fußvolck geworben wirdt/ vnd nach Burgundt geführt werden ſoll/ ſonſt
läſt ſichs noch anſehen/ daß noch etwas wunders vorhanden/ ſonderlich weil zu
Brüſſel allerhandt Rathſchläg gehalten werden/ auch täglich viel Curirer na-
cher: vnd von Prag abgehen/ Sonſten n ill auch verlauten/ daß der Conte
de Bucquo in kurtzem allhero kommen ſolle. Man ſagt auch allhie/ daß die
Proteſtirende Fürſten ein ſtattliche Legation nacher Engellandt/ vnnd eine
nacher Praag abfertigen wöllen/ bey Jhrer Keyßl. Maytt. anzuhalten/ den
Marquis Spinola ſanpt ſeinem Kriegsvolck vom Reichs Boden vnnd auß
den Gülchiſchen Landen abzumahnen.
Von Vtrecht wirdt geſchrieben/ Daß der Magiſtrat zu Rotterdam vffs
neuw ein ſchaffes Mandat gegen die Röme Catholiſchen publiciren laſſen/
daß/ wo Sie bey Jhrem Exercitio gefunden/ daſſelbe Hauß oder Schieff in
welche Meß gehalten würde/ ſolle confiſcirt ſeyn/ der Einwohner 400. fl. fol-
le zu ſtraff geben/ Als die Herrn Staaden ſolches vernommen/ haben Sie den
Magiſtrat darzu gehalten/ ſolch Mandat abzuſchaffen/ vnd die Catholiſchen
bey Jhren vorigen Straffen bleiben zulaſſen/ Jſt alſo ſelbiges Mandat caſſirt
vnd auffgehaben worden.