Auß Coͤlln/ vom 11. Auguſti/ 1616.
Wir hoben vor dieſem gemelt daß ſich ein Portugeſiſcher Jnd vnder
ſtanden den Tre ves oder Anſtand zwiſchen dem König von Spanien vand
Holländern zu prolongira/ Jetzt/ vernehmen wir von Autorif daß nicht allein
ſtarck wegen der Prolongation gehandelt wird/ ſondern man tracht gäntzlich
darnach/ daß die Farth zwiſchen Antorff vnd Hollandt offentlich vnnd frey
möcht zugelaſſen werden/ auch der Anſtandt/ wie vor dieſem gemelt) wol vff
30. Jahr möchte zu gelaſſen werten vnd ſtatt greiffen/ dann das gemeine ver-
muten/ daß wol ein General Frieden möchte getroffen werden/ ſonderlich wei-
len der Junge König wie man nicht anderg weiß/ gegen vltimo Octobiis
herauſſer kommen/ oder aber ein fürnehener Ambaſſ. an ſeine ſtatt verordnet.
Obwol vor dieſem geſchrieben/ daß dieſer Orthen etliche Compag.
Reuter geworben werden ſollen für den Bavon von Anhault/ ſo Er dem Ertz-
hertzogen Ferdinando von Grätz zuführen ſolle/ ſo gehet die Wirbung doch
noch nicht fort/ dann viel der Meynung die Sachen möchten vergliechen wer-
den/ andere aber wöllen ſagen/ man erwarte allein deß Barons Ankunfft/ Jn-
mittelſt aber wird zu Lüttig viel Pulver/ zu Mecheln vnd Nahmen viel Ge-
ſchütz vnd Rugeln verfertigt/ das Fuß Volck wirdzher all wie auch die Reuter
in geheimb geſtärckt/ ohne was ſonſten im Landt von Lützenburg/ Loteringen
vnd andern Orthen geworben wird.
Von Brüſſel haben wir daß vff S. Jatobs Tag zwiſchen Don Lo-
uye Velaeco vnd dem Sig. Franceſcodi Riuara Gubernator zu Dünkir-
chen ein Streit entſtanden/ weileg Er Riuara bey dem Moncirador vff ei
nem Bancket geweſen/ vnd etwan wol bezecht dem Don Louys begegnet/ der
Jhn alsbald als ſeinen Vndergehörigen Capitain nach Hauß heiſſen gehen/
vnd ein Vollläuffer geſcholten/ welches Jhme vbel gefallen/ vnnd ſolches an
ſeinem Obriſten rechen wöllen/ deſſelben an einem Orth da Er herkommen
müſte/ erwartet/ vnd als ErJhn erſehen von Leder gezogen vnd vff Jhn an
geſetzt/ der Don Louys aber/ welcher ein Führmnehmer Caualier ſich nicht
ſaumpt/ ſetzt ſich zur Gegenwehr/ gibe Jhm ein Creutzſtreich vber des Kopff/
ein Stich in die Lincke Seithe/ vnnd hawet Jhm 2. Finger an der Rechten
Hand ab/ daß Erſein Rappier muſte fallen laſſen/ darauff Er alsbald in ſein
Loſament getragen/ vnd von Jhrer Durchl. befohlen/ Jhnen zu bewahren.
Von Braunſchweig wird geſchrieben/ daß ſelbiger Hertzog nach dem
Er bey dem Graffen von Aldenburg vff einem Bancket geweſen/ vnnd nach
vollendung deſſen zum Ringel reynen wöllen/ vnd ſein Pferd ſichew worden/
hinder ſich geſprungen/ vnnd mit dem Hertzogen vber ſeith gefallen/ daß der
Hertzog wie man ſagt biß vff den Todt verletzt/ andere wöllen ſagen/ daß Er-
ſchon daron geſtorben ſey/ wademt alſo/ möchte es wol ein groſſe Veräde-
rung geben/ ſonderlich weilen auch geſagt wird/ daß Jhrer Fürſtl Gn. Bru-
der ſo mit dem König von Denneninarck von dannen verreiſt/ auch ſolle mit
Todt abgangen ſeyn/ vnd alſo der Biſchoff von Oſnabrück ſo Jhres Val-
ter Bruder wol fuccediren/ vnd alſo ein gros Veränderung im ſelbigen Für
ſtenthum cauſiren möchte/ die Zeit aber wird alles lehren.
Man hat newlicher zeit in den Gülchiſchen Landen in deß Fürſten von
Newburgs Nahmen etliche Mandaten angeſchlagen/ wegen vnordentlicher
Proceſſen ſo an Brardenburgiſcher ſeyten an vnderſchiedlichen orthen mit
Caſſation vieler Ambtleut vnd Rähten fürgangen/ daß Jhr Fürſtl. Gn. von
Newburg ſelbige Ambtleut vnnd Räth bey Jhren digniteten ſollen gehalten/
vnd für männiglich darfür gehalten werden ſollen.
Der Printz von Brandenburg iſt mit ſeinem Gemahl zu Cleeff wol
angelangt/ Jhre Fürſtl. Gn. aber ſeind voran geritten/ vnd dero Gemahl ent-
gegen kommen/ vnd ſtattlich eingeholt.